Read Moyon Naga 1 TIMOTHI 6 Bible Online

1 TIMOTHI 6 - Moyon Naga bible

1 TIMOTHI 6

¹Thangnang ruming vokhehkho achongjeer taklina emaniisah niimah ing suwh vakhae ae ing engafhuw taklina isajaeh ing engajathoh ynruw ing nong tuae rasii,

²vokhehkho athacha om aafhuw aechu unae vaangkhe manden ae sana, suwh aeng enthang mansikmah aerasii; changvakonchu isaseh ing rukuum tuae rasii. Akhaechuve thacha mee unae aechu enong inche abompae. Hava vakhae i manchuw aera vokhehkho tongla.

³Achuw yngkheh ing inuw Aafhuw Jesu Khrista chongzeer thoh re Thang-nang yndennii chongzeer thohkho ynthiir ing manchuw nave,

⁴changchii meechu yntangacha amanghuwmah yngae meeva. Mee thohpang chongna ynna ningka achii amanden meeva; Havi inge kallak, ynnahnii, ningjak apeeh, mee achingnii,

⁵vokhehkho mee thoh chongna ynnajaeh, emanden isamah vokhehkho ichumchu eningna omah; enuw ing emanden chuve Thangnang ynden ive ikaniipang phanii vatah ichii emanden eningtanii hungsuwhruw.

⁶Chumna, Thangnang ynden nache pensanave savang isuwh chuva.

⁷Inuw ing laaruw paamne ynjereen yntanga omah, vokhehkho laaruw paam tanii ynchii tangakho reencheh vaanchii omah. Yntangakho reenchehmah manuw!

⁸Changvakonchu isahfhuw re peendiirchu deen manuwve barungriir ngamnii chuva.

⁹Changvakonchu savang fhuwraang suwhningka ichiiramthi mee ae chuve batheem niiting buknae, vokhehkho isii ikha ichamah barungriir chaangna unae; hangchii mee ae inge mee aechu imaangnii tingche aruwnah ae.

¹⁰Seer yndikpak inge isamah chaap vakhae abasennii arajungva; havi aadik mee topoh chuve thacha tanii jungtaksae, amanche isii ing ynsin vaangkhe embarungriir kiika jaasae.

¹¹Changvakonchu Thangnang mee nakhaena chembe, isamah khaena chongzeer vakhaekha dahra, ichum ynthiingna, Thangnang mee yngkheh ing, yndenniina, ningsiihna ipirpak ing akhaangcheh iduwrjaeh ing omla.

¹²Ichum thacha khaenache isa ing laar tukra; ichen naemah iringniichu bachuwra, ama khaene nangchu Aafhuw ing yngeenva. Chukhaenache nang ing Thangnang ing atu ari vakhae inge asaarkhiiva tachiika mee kaarna namandangpa.

¹³Laaruw paamna peehchae chaap iringnii apeeh Thangnang rumingna vokhehkho pilaat maana isapak ing saarkhii napeeh Jesu Khrista rumingna, ki ing naningna kamanthang sahnahchii.

¹⁴Chukhaenache nang ing chonghak vakhae i manjiinana, Aafhuw Jesu Khrista inche ajungthengmahri raentaang ngiirjaehra.

¹⁵Aphachakchu ahenpharae ruwreng ipir Thangnang, Iruwng na Iruwng, Aafhuw na Aafhuw inche thangbaen tanii Khrista chu jemandang vaata, vokhehkho amapang vatah aningna ithii omah vokhehkho mee ing ynneeng achehmah irengnache ongna.

¹⁶Ama i achuwti ingkho muchehmahri vokhehkho imukho chehmahnii. Aningnache ynjasuwh, ichen naemah ruwreng amanche lipah puhniichu omna, Amen.

¹⁷Ataraennii laaruw paam meepaarna aadeen mee ae ningna riirpeeh aera, amachuve emba-rungriirna ingiirmah peehchae taklinache yndingniimah ae rasii, changvakonchu aangkhenglaang ympeehcheh Thangnang ningna pangche embarungriir mangam ae rasii.

¹⁸Isa nong tuae rasiing, isa nong tunache savang aerasii, ipeehnii ihae ynsuwh ae rasii,

¹⁹Amachu inche nuwtanii iphafhuw khaena enlerchu emangkongva amanche havi inge iringnii tatak ringkumchu embachuwva.

²⁰Timothi, naningna kamansirchii vakhae i ngahra; ynthiingmah chongna ynvaemah, ynthiir chongchu ising iveerniiva enchiikho ynvaena.

²¹Hangchii i emanjiitahna enthacha chukho ynthiirsa. Thangnang tungsiihchu nenuw vakhae ningna om ynsuwhrasii.