Read Moyon Naga 2 TIMOTHI 1 Bible Online

2 TIMOTHI 1 - Moyon Naga bible

2 TIMOTHI 1

¹Jesu Khrista ningna om iringnii chongreepchu itongnii khaena, Thangnang ing amanden ajaarnache Jesu Khrista achongthang Pol ki ing,

²kaning kamansiihpak kasiti Timothi naningna: Apa Thangnang tanii re inuw vakhae Aafhuw Jesu Khrista tanii tungsiih re ningchuwh vokhehkho idaechu omlasii.

³Afhuw fhuwven aeng entuvaang, kavakhar ynthiingkiir ing manghuw ingka anong katu Thangnang chu siim jaen kathamsahrae yndenchii ingka anasiirna Thangnang chu kaman-pahsahva.

⁴Rotharoh ing kasipnii khaena, namikrichii yntachu ynsiisa ingka, nangchu inempak muningka kachiisah vachii.

⁵Nangpuw Lois re Eunis ae ningna om aren ynthiing nathacha amakha kaansiisa. Hava thacha i naningna omjaeh vaata ichii kamandensahnah.

⁶Chukhaenache nataklina kakik kaathohrae, Thang-nang ing ympeeh kikthuur amakha manringjaehra ta ingka naningna kajeriirva.

⁷Thangnang ing ympeeh laetha ive ynchiknii khaena mahva; changvakonchu laetha inche ruwreng, ningsiih vokhehkho yntaksah ynchah-sah chehniichu ajemansip niiva.

⁸Aafhuw khaena saarkhii ipeeh naning manjakmahra; Khrista khaena kaeshumna ong kakhae nakho naning manjakmahra. Changvakonchu Thangnang ruwreng inuwzii ing isa chong itongnii khaena ijachaam ikhaangfhuwra.

⁹Aafhuw inche inuwchu yngkarpa amanche ynthiing inche yngeenpa, yntaksah nongtu ing mahva, Aafhuw ing amanden inuwzii ing vokhehkho atungsiih inuwzii inche ajae tuna pharnungna basenka Jesu Khrista jaarna ympeeh vasahva.

¹⁰Changvakonchu atiive eekarpeeh Aafhuw Jesu Khrista yndang ajaar inche ithiinii ruwrengchu amamaangpa amanche isa chong inche ithii omah iringniichu amandangpa.

¹¹Havana isa thamin khaene kichu aatong vokhehkho aanchuwmee yngkheh ing pham ynthinpa,

¹²chukhaenache havi khaene ki ing ijachaam kakhaangsah i kaning ynjak-mah, ki ing kathachachu achuwva ichii kamanghuwsa amanche Aafhuw ing kaningna ymmansir inii ipha inche ngiirchehva kata ta ingka kathachanah.

¹³Jesu Khrista ningna om thacha re ningsiih, nang ing kaningna nasii ichumkha natak ing manjiira.

¹⁴Naningna kamansirchii ichumkha yntaklina om ynthiing laetha ajaar inche ngahthella.

¹⁵Philegus re Harmajenes ynvae ing, Asia na ong vakhae ing kaningtanii yngheersae ichii nang ing namang-huwsa.

¹⁶Thangnang ing Onesiphora eengkuw aechu aning mansiihsa ae rasiing; akhaechuve ama ing kichu inempak ija ymbasumpeeh chakva,

¹⁷ama ing Rom na avatungrae abarungriir iruwhdeh ing ijongsaka yntuwhsahpa.

¹⁸Aafhuw ing ama Inii nache ningchuwh aphanii ing ama ing Ephisia na aajaehmeh nong atupa ichii nang ing isajaeh ing namanghuwsehva.