Read Moyon Naga 2 TIMOTHI 2 Bible Online

2 TIMOTHI 2 - Moyon Naga bible

2 TIMOTHI 2

¹Kasiti, nakhaena chembe, nang ing Jesu Khrista tungsiih inche ipirther ynsuwhra.

²Aanemna saarkhii om ajaarna kaning tanii nasii chong vakhaekha reentaang mee ae ningnakho manchuwcheh vachii ithacha aru meechu mansirla.

³Jesu Khrista chongriir ynjii isapak laarchang mee yngkheh ynsuwhra.

⁴Laarchang mee achuwti ingkho, laarchang ynsuwhnii khaena aruming ahechar meechu apennii khaenache simrii nongtuna vaanther nohmah.

⁵Achuw yngkheh ing itaen yntaarnii nache ynjiifhuw vakhaechu manjii-chehmah nave nongmen phacheh mahnii.

⁶Havi ruw itu mee inche anongtu aren aanlachu ataksah ing aphakha vatah.

⁷“Ki ing ynchii kariirva ichii i nabarungriir sungna thinjaehra, Thangnang ing naningna losing ipivaata.”

⁸Ki ing naningna isa chong katong inuwzii ing ithiiae kaartanii ihangring Devit tuti Jesu Khrista kha yndenjaehra.

⁹Havi khaene ki ing itufhuwmah katu mee vaang ymphuwp ae phanii ing ija kakhaangva; changvakonchu Thangnang chongsae chuve ymphuwpmah.

¹⁰Chukhaenache aateer vasah aechu ichen naemah alaar isa thohche Jesu Khrista ningna om iringnii lamchu iphanii khaena enuw khaenakho ki ing aangkhenglaangna ijachaam kakhaangva.

¹¹Havana kachongjeer i ichumva: Inuw ing Aafhuw thohche thik-hak manuwve, inuw ing Aafhuw thohche hangringhak vataruw.

¹²Inuw ing ikhaang chehmanuwve, iruwngthoh aanghak ing ipaarkho paarhak vataruw; changvakonchu Aafhuw chu rumah manuwve, Aafhuw ingkho irumahnii.

¹³Yntaklina thachafhuw omahkhang nakho, Aafhuw ningna chembe thachafhuw omjaehna; akhaechuve Aafhuw ing ataksah ithachafhuwmah ynsuwhchehmah.

¹⁴Namee aechu hava vakhae i imanthangpeeh aera amanche ynchii tangakho kaniimahva enchii ing chong enriirniimah khaena riirla.

¹⁵Nang ing nacheh vakhae Thangnang ing ynrunii khaena nataksahrap ympidehra, nongtu meechu utaraenkho ningjak phanii omah, ichum chongchu isajaeh ing bachuwtherla.

¹⁶Changpang mahka ikaniimah chongpang ichongkha bathenla; ama ingkhe Thangnang yndenniimah henthisehseh vaata,

¹⁷vokhehkho enchong inche isamahting mamaang vaate; chukhaenache ama kaarnache Himanija re Philetus ynvaenae.

¹⁸Enuw ing atiive hangringchu isuwh vasahva, atii chisa ta aeka ichum chong nache manreeh aeka achuw yngkheh mee ae ningna enriirtahna thacha tanii ynriaeka imaang sipjaehnae.

¹⁹Changche takhangnare, Thangnang ningna icheep eenphambur chuve ynlaaprudeh ing omna; havi jinge ichii ing ynghakka omna: “Aafhuw ing amee vakhaechu amanghuwsa,” amana “Aafhuw ruming asuursah mee vakhae ing isamah nongtuchu bathenva chiiva.”

²⁰Iruungpak een nache sana rupa bukam jaekhi pangchu omahva, thing ingkho, pir ingkho ynseem omna; ama sungnache yngkheh chuve iruwpak ing ensichinniinah amanche yngkheh chuve iraena ensichinniinah.

²¹Chu-khaenache achuw yngkheh ing havi tanii ynthiingcheh sanave, Aafhuw ing sichinnii vachii ikanii isa nongtunii khaena mee yngkhehchu ynsuwh vaata.

²²Ilerlaam barungriir amakha bathen nana amanche barungriir ynthiing ing Aafhuw ing a-een ae thohche ichum ynthiing, thacha, ningsiih vokhehkho idae aanuwchu jiira.

²³Ising iveermah, ipang ing ichong mee thohche nongtuhak rumah; hava ae inge ynnahnii ahenreennah ichii nang ing namanghuwsa.

²⁴Aafhuw meenae mee chuve meethoh hungana vaana tumahva chiiva, ama changdenna mee ningnache ningsiih omvachii, mee manchuwnii ihae, ikhaangcheh adeen,

²⁵amanche ynrumah mee aechu iduwrjaeh ing amanchumcheh mee vachiiva. Apha vokhehna Thangnang ing ichumchu emanghuwnii inche embarungriir ihuungchu irupeehkho arusa,

²⁶vokhehkho Umlae ing asuwr vasah kiktanii hunganjoh vaatae.