Read Moyon Naga HIBREEU 4 Bible Online

HIBREEU 4 - Moyon Naga bible

HIBREEU 4

¹Chukhaenache Thangnang jaba-sumnii nache ivaruwh phanii chongreep omkhang nare, nenuw achuw yngkheh ivaruwh phamah vachii ynvaekho om arusa tanuwna ynriimruw.

²Yngkhaena ynchii imbe enuw ing entong vaang ynning nakho isa chongchu yntongpeehpae; changvakonchu ensii chongchu kaaniimah ae, akhaechuve aasii aenche ithacha thoh ynruw ing iraang mahsae.

³Thacha om inuw chuve jabasumnii nache ivaruwh ymphasa. Havi Thangnang ing ariir khajaeh vatah, kabarung asiklae chongreep katu, nong vakhae laaruw paam aan-seemna basenka chichirkhang nare, enuw ing kaja basumnii nache ivaruwh phamahnii ae.

⁴Ama ing denkhehna inii nisarii khaena ariirsa, “Thangnang ing anong aangkheng manchichirka inii nisarii inii nache aja abasumpa.”

⁵Hava nenkho vokheh chongna, “Enuw ing kaja basumnii nache ivaruwh phamahnii ae.”

⁶Chukhaenache mee topoh chuve ivaruwh phavachii omnae, changvakonchu amaaensana asii ae chumahpae akahechuve enuw chongriir manjiimahsae,

⁷Thangnang ing apha yngkheh amanaesa, ama aphachu atanii iva. Isivasah kum aajaehna Devit ajaarna chongka ynthiing thiimziihna ynthinna: “Atanii nenuw ing Thangnang aaruurchu siitanuwve nenbarungriir manpir mahruw.”

⁸Joshua ing enuwchu Thangnang ing chongreep atu jabasumniichu piae nave, Thangnang ing athar vokheh inii khaenache chongmah vachiiva.

⁹Amatah nache Thangnang mee ae khaena jabasumnii iniichu omna.

¹⁰Thangnang jabasumnii nache ivaruwh vasah mee inche, Thangnang ing anong tanii aja abasum vaangkhe amakho anong tanii aja abasumpa.

¹¹Chukhaenache inuw ing yncheh vakhae jabasumniichu ymphanii ing tutaruw, amana chembe achuw yngkheh tanga ingkho chongriir ynjiimah ae buwtinnii tingche bukmah manuw.

¹²Thangnang chongsae chuve iring vokhehkho ruwreng ipir amanche aha ynnii isuwm chemfhuw athi ing yngee, thavae re laetha aantuwnii vokhehkho aanjomnii riir iphaang asincheh vokhehkho ymmanden chaap amanghuwcheh chuva.

¹³Thangnang ningna ithuurfhuw peeh yntanga omah, changvakonchu peeh aangkheng amik barengna asaena amanche ynrangchirna.

¹⁴Thangnang sapa Jesu, thangbaen vakhae aphachir iruungpak Aanchung Jaethiim yngkhaena omna tasa manuwka aningna ynthacha omchu icheep ing bachuwther taruw.

¹⁵Inuw ynsuurnii amanghuwmah aan-chung jaethiim yndeen changchii mahva, changvakonchu inuw vaang aangkhengna batheem aantuwhfhuw, changkhang nare isii omahdeh jaethiim yngkhaena omna.

¹⁶Chukhaenache inuw thona om ing Thangnang iruwngpham ongnii ting huungsataruw amanche aningsiih phanii khaena ongtaruw vokhehkho tungsiihchu phamanuwka ynvaehnii nache ibomsa vaata.