Read Moyon Naga JEMS 2 Bible Online

JEMS 2 - Moyon Naga bible

JEMS 2

¹Kauw kanae ae, Aafhuw Jesu Khrista alaar isa, aningna athacha mee vakhae ing mee taklina adongchang tumahrasii.

²Nenuw ing meekong tunii nache sana kikchii niinaka amanche isapak peendiir niinaka vokhehkho baruw peendiir anii sara thohche varuwhak ae nave;

³changlaenche nenuw ing peendiir isapak aniichu enchuwka, naningsiihna havana isapak ongniine ongpeehra, changvakonchu sara ningna chembe amanakhe ngiirjaeh tahra changmahka kangiirniine ongla tatanuwcha,

⁴nenuw ing nensungsahna adongchang tuchuwka vokhehkho isamah ing nenbarungriirna vajeer tumah chuwkhang?

⁵Kaningsiih kauw kanae ae, rungaeruw, thacha nache savang suwhnii ing vokhehkho Thangnang chu ning amansiih ae ningna iruwng lipah phanii khaenache sara aechu Thangnang ing aateermah paekhang?

⁶Changvakonchu nenuw inchembe sara meechu thosapeeh mahchuw. Savang aenche nenuwchu ijuum aeka vajeer tuniiting ymmanruwh chakmah paekhang?

⁷Changlaenche nenuw ing savang ae rumingchu ithipak ing nenriir chakmah vakhang?

⁸Ynthiing chongjeer inuwzii ing naveenchaangchu naning mansiihva nachiiva ichii iruungpak vajeer chong-hakchu mapung mampha tanuwve, atatak ing nenuw isa nongchu nentuva.

⁹Changvakonchu nenuw ing adongchang nentu vanave isii itu mee vachuw, changpangmahka vajeer chonghakchu isamahting nenbabuw inche isiichu nentuva.

¹⁰Chutahnache achuw yngkheh ing vajeer chonghakchu aangkheng kamanjiiva tanaka, denkhehna raarnave aangkhenglaang araar chirpa.

¹¹Chukhaenache Aafhuw ing ajeer chuve, “Reentaang rumee fhuwsar taklina ichuwhmah tumah vokhehkho mee thehmahra taka ariirsa.” Chukhaenache nang ing reentaang rumee fhuwsar taklina ichuwhmah tumahkhang taniire meechu thehtaniive, vajeer chong-hakchu ichummahva ichii meechu vachii.

¹²Ruwkuwrjoh ympeeh vajeer chonghak inche vajeer tuvachii achuw yngkheh mee vaang chongla vokhehkho nong ing mandangla.

¹³Changvakonchu ningsiih omah mee chuve avajeer nache ningsiih ynvaemahsa; akhaechuve ningsiih inche vajeerchu achehva.

¹⁴Kauw kanae ae, achuw yngkheh ing kathacha omna tanaka nong ynvaemah nave, aningna ynchii kaaniivaate! Athacha inche karchehva takhang?

¹⁵Nauw nanae yngkheh ing changmahka nasar najuwr yngkheh ing peen deensamah naka vokhehkho anasiirna isahfhuw avaehraenche,

¹⁶nenuw achuw mee yngkheh ing, “Idaejaeh ing yngkaetahra vokhehkho navenkho bavarasii,” tanaka ama ing kaaniivachii chucha pimah nacha ynchii ikanii omva takhang!

¹⁷Havi vaange thacha chukho nong ynvaemah nave, aringsen ing ithii chuva.

¹⁸Changvakonchu mee yngkheh ing tavaata, “Nang chuve nathacha omna amanche ki chuve nong ing omna.” Chukhaenache nang nathacha nong taniichu asik ing kaningna imansiira, amanche ki ingkho nong ing kanongchu naningna mandang kata.

¹⁹Nang ing Thangnang yngkhehpang vatah tachiika nathacha vakhaka, nathacha chuve sakna. Umlae aengkho thacha aeka enchii ing emuwr penna.

²⁰Chukhaenache ikanii omah mee, nong ynvaemah thacha chuve aanla omahva ichii i nang ing mandang naka nachiiva?

²¹Inuw vakhae apa Abraham ing asapa Isakchu Thangnang ningting thiimkungna apeehtahna anong inche amanchummah vakhang?

²²Athacha inche nongthoh ynruw ing atuhakva,

²³amanche nong inche thachachu amandangpehna ichiichu nang ing namusa; “Thangnang chu Abraham ing athachapa, vokhehkho ichum ynthiing meeva ichii ing arupeehpa; Chukhaenache Abraham chu Thangnang aarangva ichii khaena ynthiing thiimziih taniichu hungchumsa.”

²⁴Nong ing meechu amanchumpehva, thacha ompang ing mahva ichii nenuw ing nemusa.

²⁵Amavaange ichuwhmah rupanuw Rahaap ing ynruwh chong aathak mee aechu nong ing bomka reentaang lamting amansitahna aeche, anong inche atakchu amanchummah vakhang?

²⁶Chukhaenache laetha omah hak-chaangchu ithii vaang, nong ynvaemah thacha chuve ithiiva.