Read Moyon Naga 1 JOHON 1 Bible Online

1 JOHON 1 - Moyon Naga bible

1 JOHON 1

¹Abasemlimna om vasah kenuw ing kensii, kemik ing kemuvasah, kik ingkho kempar vasah iringnii chongsae khaena, kenuw ing neningna kenjebaziihva.

²Iringnii chongsae inche aandanglae kenuw ing kemupa, chukhaenache keningna amandang apa Thangnang thoh omhak ichen naemah ringkum khaenache asaarkhii ynsuwh ungka neningna kenriirva.

³Kenuw ing kemu vokhehkho kensiichu nening nakho kemanthangva, amana chembe kenuw ing ampa vokhehkho asapa Jesu Khrista thoh kempurnii nache nenuwkho ynvaeva nenta.

⁴Havana kenbaziih inge kenbarung ngamniichu ynsuwh vaata.

⁵Kenuw ing Aafhuw tanii isa chong siiungka neningna kemanthang chongchu haviva; Thangnang chuve irengva, Aafhuw ningnache ynthimchu omahdeh.

⁶Chunuwnave, inuw vakhae Aafhuw thohche iringnii ymphahakva tamanuwka ynthim tingche simanuwve, inuw i ynchong vokhehkho yntu ynrina mee ymmanchaeva.

⁷Changvakonchu Aafhuw ing irengna omvaang inuwkho irengnache ongmanuwve, inuw yngkheh yngkheh barungriir ynneeng samuw vokhehkho Jesu Khrista sii inche aangkheng ymmanthiingpa.

⁸Changvakonchu ynningna isii omahdehsa tamanuwve, yntaksah ynchaesah vamuw amanche ichumchu yntaklina omahsa.

⁹Yntaklina isii icherchu Thangnang ningna riirsa manuwve, ama achongreep omvasah inuwzii ing inuw vakhaechu ikuhpeeh vaata amanche yntu ynrina ynraar vakhae chukho imanthiingpeeh vaata.

¹⁰Inuw ing isii tumahmuw tamanuwve, apa Thangnang chu ymmanchaeva vokhehkho yntaklina ynthiing chongchu omahsa.