Read Moyon Naga 2 JOHON 1 Bible Online

2 JOHON 1 - Moyon Naga bible

2 JOHON 1

¹Ynteer vasah sanuw vokhehkho asiti ae ningna, upa yngkheh ynsuwh ing kabaziih sahva. ki ing nenuwchu atatak ichum ing kaning kamansiih-vachuw, vokhehkho kipang ingmahka ichumchu amanghuw vakhae aeng khomba;

²keningna apha om vakhaena vokhehkho keningna ichen naeru ing omjaeh vachii ichum khaena chenva.

³Apa Thangnang tanii vokhehhko asapa Jesu Khrista ningtanii, tungsiih, ningchuwh vokhehkho idaechu ympeeh ynsuwhrasiing; hava ae i ichum vokhehkho ningsiih inche yntachu ynsuwhrasiing.

⁴Nasiti topoh ae ing Thangnang ing ariir chonghak ichum nache isiae kaantuwhfhuw tahna inempak karotha rohna.

⁵Ataraene, ki ing sanuw naningna ithar chonghak kajebaziih mahva changvakonchu aburna yndeenvasah, yngkheh re yngkheh ningsiih om vaanchiiva ichii khavatah.

⁶Haviva ningsiihchu: Thangnang chonghak chaapchu manjii manuwka paarvaan chiiva. Aburna nasii vaangkhe, nenuw vakhae ningsiih inche paarva nenchiiva.

⁷Jesu Khrista inche hakchaang ing jungthengsa ichii arumah mee inempak laaruw paamne thengsae. Enuw vakhaechu ichummah chupae, vokhehkho khrista arumah chupae.

⁸Chukhaenache nenuw ing nentu nenrichu maangrudeh ing isajaeh ing nongmen ynriimjor ing nenphanii khaena nentaksah ynriimsaruw.

⁹Achuw mee yngkheh ing Khrista ing amanchuw nache iraen naka siniimah nave aningna Thangnang chu omahsa; achuw yngkheh ing amanchuw nache sijaehnave, Thangnang vokhehkho asapa chu aningna omna.

¹⁰Achuw yngkheh ing naningna thengnaka havana chongjeer i henreenmah nave, na-eensung manruwh mahra vokhehkho bariim mahra.

¹¹Achuw yngkheh ing amachu bariim nave, isamah avereenchu savuw emphahakpa.

¹²Naningna ynziihfhuw inempak omna, changvakonchu chepaang vokhehkho mukchii ing baziih ningka tamah ing. Rotharohchu athisehnii khaena nangchu yntuwhfhuw ningchiika thamin jaera tonghak manuwka ichii khaenava.

¹³Ynteer vasah nanaenuw asiti ae ing salaam ynjetusahnah ae.