Read Moyon Naga 3 JOHON 1 Bible Online

3 JOHON 1 - Moyon Naga bible

3 JOHON 1

¹Upa yngkheh ynsuwh ing kaning kamansiihtak kaanchaarfhuw Gaius ningna kabaziih sahva.

²Kaan-chaarfhuw kaarang nang ing nasha nungae iphanii khaenakho amanche natu narina nungae iphanii khaena kathamsahnah amanche laethana nungaenachii ichii kamanghuwsa.

³Nang ing ichumna isichii vokhehkho ichumna namandenchu unae ae ing enriir kasiitahna inempak karotha rohna.

⁴Kasiti ae ing ichumna sinae ichii chong kasiitahna ama chungna rotharohnii reentaang omah.

⁵Kaanchaarfhuw nang ing unae aechu reentaang mee ae khangnare natupeeh naripeeh ae khaenache inempak sakna.

⁶Enuw ing ruwrthiing sungna nang ing eningna ningsiih namandang khaena entongsa. Enuw ing lamkhii ensirae bompeeh ae taniive, amachu Thangnang ing amandenrem chuva.

⁷Khrista nong khaena enuw ing thacha omah mee ae tanii ibomsah pharu aeng lamkhii isi meepae.

⁸Chukhaenache enuw thohne ichumna nong ituhaknii khaena enuwchu inuw ing bom vaanchiipae.

⁹Ki ing ruwrthiing ae ningna chong topoh kabaziihsa; changvakonchu enuw khaena iruwng viningka achii Diotrephes ing inuwchu irumah.

¹⁰Chukhaenache ki ing thengcheh ningve, ama ing yntaklina atu ari nongchaap, vokhehkho isamah chong ariir chaapchu mandang peehchir vakata. Isamah chongpang inche penmahka, ama ing auwnae vakhae chukho bariimmahsa. Amanache auwnae bariim ningka achii mee ae chukho ruwrthiing tanii athurnah.

¹¹Kaanchaarfhuw, isamahchu manjiimahra changvakonchu isachu manjiira. Achuw mee yngkheh ing isachu tunave amachu Thangnang taniiva. Isamah atu mee inche Thangnang chu mumahri.

¹²Mee vakhae ing isapak inche Demetrius taklina saarkhiichu emandangsa. Kenuw ingkho asaarkhiichu kemandangnah vokhehkho saarkhii i ichumva ichii nang ingkho namanghuwsa.

¹³Ki ing inempak baziih saningka kachiinah, changvakonchu pen re mukchii ing baziih ningka tasamah ing.

¹⁴Nangchu ithupak ing yntuwh-fhuw ningchiika vokhehkho thamin jaera tonghak manuwka ichii ing kamandenpa.

¹⁵Naningna idaechu omrasiing. Naarang vakhae ing naningna salaam ynjetusahnah ae. Nang ingkho naarang aechu nasalaam jepisa aera.