Read Moyon Naga AMANDANG 10 Bible Online

AMANDANG 10 - Moyon Naga bible

AMANDANG 10

¹Aanuwnache reentaang vaarmee yngkheh ing thangbaen tanii ijuwng kamupa. Amana arusaechu tungnusapa ing aruwkuwr amanche amaechu inii vaang ichii re akhi nache mi ichuwh uchu vaang ichii inche ruwrduh kaarna junganjaapsa.

²Akik nache ynlang vasah ynjuwr thiimbuwr isiing yngkhehchu achi. Amana akhi tachang inche chifhuwna vokhehkho atari tanii akhi inche taangna chuwngsa,

³amana nongsha ing ymphuwh vaangche ipirpak inche uungsa. Vokhehkho auung tahnache tenlungpa sarii aenche ynteenpak ing embasangpa.

⁴Amana tenlungpa sarii aechu enchong raenche ki ing ynziih kabasenpa. Changvakonchu thangbaen tanii senruwr yngkhehchu kasii, “Tenlungpa sarii aeng enriirkha nabarungriir sungna yndenjaehra; baziih mahra.”

⁵Aanuwnache chifhuwna vokhehkho taangna ingiir vaarmee inche thangbaen ting akik tachang ithohka

⁶thangbaen, laaruw, chifhuw vokhehkho asungna om vakhae aaseem ichen naemah Thang-nang arumingchu vaarmee inche parka saarkhii aripa, “Atiive thirmahnii!

⁷Changvakonchu avosariinii vaarmee inche atumpeehchu atum raenche ajae ameenae jaephar ae ningna amanthang vasah inuwzii ingkhe anongchu hentuvaata.”

⁸Aanuwnache thangbaen tanii kasii senruwr yngkheh inche kaningna ariir, “Chifhuwna vokhehkho taangna ingiir vaarmee kikna ynlangka om ynjuwr thimbuwrchu vaknana varira.”

⁹Amana vaarmee ningna ynjuwr thiimbuwr isiingchu kaniihcha ama ing kaningna ariir, “Jeri nana sara; naven sungna inempak khak vaata, changvakonchu nabae nave khiniing vaang thumpak vaata.”

¹⁰Amana vaarmee akik tanii isiing ynjuwr thiimbuwrchu veri ingka kasahpa, changvakonchu kabaduwr nuwtingche kaven sungnache khakpohsa.

¹¹Aanuwtingche kaningna ariirpa, “Athar vokheh Thangnang isa chong i mee vakhae khaena vokhehkho jaati vakhae khaena amanche chong omchaap ae khaena vokhehkho iruwng aajaeh ae khaenache vatongla.”