Read Moyon Naga AMANDANG 12 Bible Online

AMANDANG 12 - Moyon Naga bible

AMANDANG 12

¹Aanuwnache minvaenna ichiisuwh yngkheh itheng. Amachuve rupanuw yngkhehchu inii ing ynthongka, akhi dernache tha ing amanche arusae nache aesii suum ariiniichu phurchii ing akhumpa.

²Atakchu mikniika asiti abaring phana ikhaang achehmah ing ichap.

³Athar reentaang buwtinni yngkheh thangbaenna yndangsa enruw, ichiisuwhpak tangkhonglae yngkheh arusae sarii, arakii ing suummeh amana arakiichu siir phurchii yngkhehter ing yngkhum.

⁴Arumi ing thangbaen tanii aesii kaarna aruwr ynthummeh ruwka laaruw paam ting ajeren. Naeduung abaringthong maensokna ngiirka jungomvachii naeduungchu isiihnii khaena ahah.

⁵Rupanuw inche naeduung pasarti yngkhehchu abaringpa, ama naeduung inche siir rumor chinaka paam puhvachiiva changvakonchu naeduungchu siihka Thangnang aaruwngpaam tingche aruwpa.

⁶Rupa-nuwchu akhaena Thangnang ing ongnii aseem paamfhuw tingche sisa amana rupanuwchu inii lising yngkheh chanii somruk cheerpeeh vachii vatah.

⁷Atiive thangbaen nache Maikel re avaarmee aeng tangkhonglae re alaarchang ae taklina nam aeka laar entuk.

⁸Amachu enchehtah nache tangkhonglae re alaarchang aechu thangbaen nache engongnii omahsa.

⁹Umlae vokhehkho ajaennii baruwr ipirpak tangkhonglae laaruw paam ajeehnii amachu taangting arenpa vo-khehkho atakchu laaruw paam tingche avaarmee ae thohche ajerenpa.

¹⁰Aanuwdeh nache thangbaen tanii ipirpak iruur yngkheh ing ariir kasii, “Atiive apa Thangnang ing laarchu chehka mee vakhae akarniichu tuvaata. Ama khaena ajaera ajeer vakhae ing laaruw paamna theng ae naka mee cheervaatae. Akhaechuve umlae inche Thangnang kuurna ongcheh mahsa vokhehkho mee vakhae isii lamting manjiicheh mahsa. Ama khaena umlaechu thangbaen tanii thangting ajerenpa.

¹¹Jaoti sii vokhehhko ynthiing barungriir jaarna umlaechu enthehpa akhaechuve emanden khaena ithiikho enchehpa.

¹²Atiive rotha manrohruw, O thangbaenna ong ae. Changvakonchu laruw re chifhuw khaena chenbe ijaniisapa! Umlae inche thirfhuwr ing apha topoh sungna hentuvachii omna.”

¹³Tangkhonglae inche laruw ting ynrenpa ichiichu amanghuwtah nache naeduung abaring rupanuwchu ipaanii khaena vaksa.

¹⁴Changvakonchu rupanuwchu ipirpak mamuw batha ynniimeh inche lamlahpak paamfhuw tingche baruwr ningtanii ynjaapnii khaenache apeehpa. Amana kumthum abarii cheerpeeh ae naka tangkhonglae ing utaenkho vatukchehmahnii.

¹⁵Rupanuwchu chikriim ing ataennii khaena baruwr inche abae tanii chii avesohpa.

¹⁶Changvakonchu rupanuwchu ikarnii khaena laruw ing hungsuwhka chii chaapchu abaduwr chirpa.

¹⁷Rupanuw taklinache tangkhonglae ing abarung sikka atuti bahsuwm ae vokhehkho Thangnang chonghak angah ae amanche Jesu khaena saarkhii ireep ae taklinache laar atukpa.

¹⁸Amana tangkhonglae inche chifhuw ataang nache ngiirsa.