Read Moyon Naga AMANDANG 14 Bible Online

AMANDANG 14 - Moyon Naga bible

AMANDANG 14

¹Aanuwna paamkhuw kathiir tahnache Zaion Bungna Jaoti angiirnii buumna Isrel laak yngkheh lising somanrii arii manrii (144,000) embachirna aruminglae Ampa ruming ynziih aekho ingiir ae,

²amanche chii ruwsa vokhehkho tenlungpa ruwsa pingeng ichii thangbaen tanii iruur yngkheh kasii, ama senruwrchu seemruwr huwrusa itam iruur pingeng tasa

³vokhehkho iruwngpham ongnii maanache iring laetha re upa aenche ithar la entu. Enuw vakhae i ikarpeeh aphachupae.

⁴Enuw vakhae i ichuwhmah naamak changchiina yntanga omah ynthiing chupae. Enuw ing Jaoti ing asiniitah vakhaenache aanuwchu ajiiae. Enuw ae i ikarpeeh aphavasah ae Thangnang vokhehkho Jaoti ningting ympivachii ae aren chupae.

⁵Enuw i emare omah vokhehkho ibuwrmahdeh meepae.

⁶Aanuwna thangbaen rikna reen-taang vaarmee yngkheh ing laaruw mee vakhaena ichen naemah isa thamin atongchu kamu

⁷Ama inche ariir, “Thangnang chiiruw vokhehkho alaar isachu manpahruw, akhaechuve vajeer tuphachu ahenphapa, thang-baen, laaruw paam vokhehkho chiitaang ifhuwr aseem Thangnang chu rumruw.”

⁸Avoniinii reentaang vaarmee yngkheh inche ariir, “Tiihsa, iruungpak Babilon kha tiihsa, ama ing mee vakhaechu ynthiingmah ipirpak juw manginka amamaang chirpa!”

⁹Avomanthumnii reentaang vaar-mee ing henjiika senruwr ipirpak ing ariir, Achuw yngkheh ing saklaang vokhehkho aruthaksiichu rumnaka abachirna vokhehkho akikna buwtinnii phanave;

¹⁰ama mee inche Thangnang barungsii juwchu invaata. Amana ynthiing vaarmee aere Jaoti maensok nache ijachaam ing mi sungna kaangvaatae.

¹¹Enuw engkaangnii mikhuwhchu ichen naemah ing khukjaeh vaata. Saklaang vokhehkho aruthaksii arum ae amanche buwtinnii ruming aaraang ae khaenache siim jaen ija basumnii omahnii.

¹²Havi Thangnang amee ynthiing aenche khaangva chiipae; enuw ing Thangnang chonghakchu manjiiva chiipae vokhehkho Jesu Khrista ningna thachachu mangomjaeh vachiipae achiiniiva.

¹³Aanuwnache thangbaen tanii iruur ing kaningna ariir kasii, havi baziihra: “Atarae basenka Aafhuw nongtuna ithii aechu bor aphapae.” Chumna taka ynthiing laetha inche abasang, “Enuw ing ipirpak nong entu ajaar inche nungaepak ing ija basum vaatae, akhaechuve enongtu inche enuwthoh ynruwhak jaehna.”

¹⁴Aanuwnache paamkhuw kathiir tahnache ruwrduh ivaar kaarna mee reentaang yngkheh kamu; amachuve arusaena sana phurchii vokhehkho akikna chemki yngeepak achi.

¹⁵Rumniieen tanii reentaang vaarmee yngkheh ing uungka ruwrduh kaarna ong ningnache ariirpa, “Aphachu ahenphapa imin chaapkha chemki ing aehra, akhaechuve laaruw paamna ikuumfhuw chaap hungmin chirsa.”

¹⁶Aanuwnache vokheh ruwrduh kaarna ong inche achemki chika laaruw paamna imin chimuw bajaang chaapchu aruwppa.

¹⁷Amana thangbaen rumniieen tanii reentaang vaarmee yngkheh inche hungsuwhka ama ingkho chemki ing aehnii khaena ynthongsa.

¹⁸Amana mi chuwhnii ruwreng adeen thiimkung tanii reentaang vaarmee yngkheh ing hungsuwhka yngeepak chemki achi tingche uungka ariir, “Nachemki yngeepak amakha chira amanche laaruw paamna vomrip aekha khuum aera, akhaechuve vomrip aekha minsae.”

¹⁹Chukhaenache vaarmee inche laaruw paamna chemki irehka vomrip aanlachu aehka Thangnang barungsii vomrip chaniinii nache arenpa.

²⁰Amana vomrip aanlachu khuwruung taangting achaniipae amanche ijungsuwhchu sii ing bariimka adung meil chanii vokhehkho ithuwh ing khaap runga taang ruwngsa.