Read Moyon Naga AMANDANG 15 Bible Online

AMANDANG 15 - Moyon Naga bible

AMANDANG 15

¹Ki ing thangbaenna iruung-pak vokhehkho ruwriimniipak reentaang yngkheh achiniideh ichiichuve, adongniideh riirae mang-khiing sarii engaanruwfhuw vaarmee sarii aechu kamupae, akhaechuve eningnache Thangnang barungsiichu adongnii chakva.

²Amana mi ynvae vaartha pingeng ichii chifhuw vokhehkho saklaang masak amanche aruming masingchu acheh mee aenche, Thangnang tumpeehchu engkikna chiaeka vaartha pingeng ichii chifhuw nache ingiir aechu kamupa.

³Amana enuw ing Thangnang meenae Mosi la vokhehkho Jaoti lachu jinge entu, “Nanongtu vakhae i aajaehmeh iruungva vokhehkho ruwriimniiva, O Aacheh Aafhuw Thangnang! Ibuwr mahdeh re ichum vakhaechu nalamva,

⁴O ichiim omah Iruwng! O Aafhuw achuw ing narumingchu chiimahva chiiva? Vokhehkho manpahmah vachii vakhang? Nangpang tahchii ynthiing. Mee vakhae ing naningting thengnaka irum vaata, akhaechuve navajeer vakhaechu namandangpa.”

⁵Havi aanuwnache thangbaenna om rumniieen ynrangka, asungnache Thangnang ongnii rumniithaam kamu,

⁶amanche rumniieen tanii riirae mangkhiing aanruwfhuw vaarmee sarii ae ing iseengjaeh peendiir ing ynthong aeka vokhehkho endiiriimna ynchiimnii sana ingkho ynchiim aeka hungsuwhsae.

⁷Amana iring laetha ipaar yngkheh inche vaarmee sarii ae nache ichinaemah iring Thangnang achiniikak ing barungsii ing isip sana kamfhuwchu ajepeehpae.

⁸Rumniieenchu Thangnang tanii alaar isa re aruwreng mikhuwh inche sipchaksa, amana achuw ingkho vaarmee sarii aeng riirae mangkhiingchu enghenchi suwmahri raentaangche rumniieen sungtingche varuwhcheh mahsa.