Read Moyon Naga AMANDANG 20 Bible Online

AMANDANG 20 - Moyon Naga bible

AMANDANG 20

¹Vaarmee ing idong naemah ithuwhpak kuurdong longting re ipirpak siirruw runoh akikna chika ijungchumchu ki ing kamupa.

²Ama inche tuna raennii baruwr, umlae kho amanche saitaan kho ynsuwh saklaangchu suwrka, kum lising yngkheh khaena aphuwppa,

³amana vaarmee inche umlaechu mee vakhae athar amanchaeniimah inche kum lising yngkheh chakchu achimahri raentaangche kuurdong tingche jenbabukka akhumpangpa. Aanuwnache apha mongtehpang khaena bajohva tareeh.

⁴Amana ki ing iruwngpham ongnii inempakchu kamupa, ama taklina ong aechu eningna vajeer tunii ruwreng apeeh vasah meepae. Amanche Thangnang chong khaena vokhehkho Jesu khaena saarkhii empeeh tahna enrusae iten apha mee ae vokhehkho saklaangchu changmahka aruthaksii-chu arummah ae amanche embachirna changmahka engkikna buwtinnii aaraangmah laetha aechu kamupae. Enuw ing hangring aeka kum lising yngkheh Khrista thohche paarhaksae.

⁵Ithii arehchaap ae chuve kum lising yngkheh aantuwmahri raentaangche hangring mahrisae. Havi ahaarpa hangring chuva.

⁶Ahaarpa hangringna ynvae mee chuve alaepah isava vokhehkho bor aphava! Entaklina avomanii ithii inche chehmahnii ae; amanche enuw ing Khrista thohche kum lising yngkheh paarhak vaatae.

⁷Kum lising yngkhehchu ahungchi-chak aanuwtingche, umlaechu kaeshum tanii bajoh vaata

⁸amana hungsuwh naka arakiing manriina ong laaruw mee chaap manchae vaata, amachuve, Gok re Magok va. Umlae inche laar khaena mantuwhpoh vaatae, enuw inem ae chuve chifhuwna siih masing ynghuw chehmah thohkhe aanghak vaata.

⁹Enuw ing laaruw paam nache ynjarnong aenaka Thangnang mee ynthiing aere Thangnang ing aning amansiihpak khuwruungchu ihir vaatae; changvakonchu thangbaen tanii mi jungbuk naka mamaangchir vaatae,

¹⁰vokhehkho saklaang re ichuwhmah jaephar engongnii ichen naemah mi re ynsajaeh nache mee amanchae umlae atakchu babuk vaata, amanche siim jaen ichen naemahdeh ing ijachaam phavaatae.

¹¹Aanuwnache inempak ivaar iruwngpham ongnii nache Thangnang ong kamupa. Laaruw paam vokhehkho thangbaen aaniimehchu vokheh pangna omahchirka athar vokheh ymmumahsa.

¹²Amana ki ing ithii chaap ae, iruung isiing naeru ing iruwngpham ongnii maanache ingiir ae vokhehkho thiimbuwr chaapchu ymmong kamupa. Amana reentaang areh thiimbuwr chukho ymmongsa, amachuve iringnii thiimbuwrva. Amanache ithii ae chaapchu enuw ing entu nong inuwzii ing thiimbuwr chaapna ynziih vasah inuwzii inche vajeer atupa.

¹³Aanuwna chenkho chifhuw inche ithii aechu abathenpae, vokhehkho ithii re kuurdong inchenkho asungna ithii chaap aechu abathenpae. Amana enuw enongtu inuwzii inche vajeerchu atupa.

¹⁴Amanche ithii re kuurdong aechu mi sungtingche arenpae. Havi avomaniinii ithii chuva.

¹⁵Amana iringnii thiimbuwr nache aruming ynziih yntuwhmah vakhae aechu mi sungtingche arenpae.