Read Mpumpong 1 Kolɛ̂ŋt 5 Bible Online

1 Kolɛ̂ŋt 5 - Mpumpong bible

1 Kolɛ̂ŋt 5

¹Ī tí ɛlɛ́ɛ́aa ipyaāt ɓyɛ̂ɛs nāá, í nɛ cyuk ímɔlā pāká nyēn, mbi ɗí ɓot o ɗí ta gú Zɛ́mb ɓák ɛ́, ɓā ā sá ê! Ɓɛ́ lɛ́ɛ nāá, mot ŋgwát tí ndɔŋ wēn ɛ́ ɛ́ nwɔŋ myáá sāŋg!

²Ɓī thɔ́k tí ɛɓākā sá ókhɔ́nj, ɓī lyūk nāá ɓī ɗí nɛ phimb twóó milyém myēn, ɓī sɔ́ mbi mót ték tí gós yēn.

³Ɓɛ wám pák ɛ́, ɗɛ ɗí nāá, ma a ɓɛ̄ pāká nyēn tí nól ipúnd, sá gwát tí zɔnjā kányīnā tí Sisímb mí Zɛɛ̄mb ɛ́, mi pāká nyēn ékɛ́, mí í síl ɛ́cyúkɛ̌l tɔɔ̄p mót ték ɛ́, mi jüē ɛ́ mɛkua ɗɛ mót ké ni ɓɛ̄ ká ndɔŋ.

⁴Tɛ́m ɓí wā gwêsla tí ɗín ɛ̄ Ɗá káwūnā Yésus ékɛ́, má á ɓɛ pāká nyēn tí sisímb, nɛ khul Ndə́ə́ káwūnā Yésus kilîs.

⁵Ɓí dala ɛ́jüe Sátan mbi mót ték, tí nāá á á samb ípúnd ɓyɛ̄, i zyē Zɛɛ̄mb á á cǐs sisímb yɛ̄ mwēs Ɗá wā zye ê.

⁶Yīnɛ́ɛ̌ŋ yá a ɓɛ̄ sá ɗí ī jüê ɓěn ɛɓén ɛ̄ nól ê. Ɓī tí gú ɛ́nwɔŋnwɔŋ nāá: «Ɓīɓyɔ̄k levü̂ü ī tí ɛsá nāá, ɓúk ɓelé yɛ̂ɛs ī gbɛ́pa.»

⁷Í je nāá, ɓī ɗüîs ndǒmb lɛvü̂ü pāká nyēn. I zyē ɓyá á ɗǐ ta ɓɛ nɛ jüas ɗakɛ ɓúk ɓelé myēnj ɗí ta ɓɛ nɛ levü̂ü ê. Nɛ dɔ nāá, Kūmāndē Zɛ́mb a kɛs ɔ́kɛ́, ɗí Mwâthɛmbɛ Páska ɓā sâ ɛ mɛtûnka tí mɛsú kámīnā ɔ̂.

⁸Nī ɓwâlka phɛ̄ ɓwók Páska, ta kā ɓɛ nɛ mwâpha ɗí nɛ ndɔ̌mb levü̂ü mísɛ̄m nɛ osapák ê. Sá gwát ɛ́, nɛ mwâpha ta ɓɛ nɛ levü̂ü, mwâpha ɛ́chánjɔɔ, nɛ oceece.

⁹Mā til ɓeēn tí mɛkanā mɛ̄ ɛ́sɔ́k mám nāá, ɓyá a ɗǐ ndɔŋ nɛ ɓot ɓɛ̄ ósapâk.

¹⁰Ma a kām ɛ́lɛ́ɛ́ wák ɓot ɓyɛ̂ɛs o ɗí tí sī nyúk tí ɛcyǔk cyuk ósapák, nɛ ɛgómb ísɛ̄ɛ̄ ī ɓôt, nɛ ɛsá jyûu, nɛ ɛɗúɛl íɓyǒla ɓī ózɛɛ̄mb ɓâk. Nɛ dɔ nāá, tí nāá ɓyá nɛ nɔ̄ɔ̄ ɓyá á ɓɛ́sa, í je nāá, ɓī péma tí sī nyûk.

¹¹Mā kam ɛlɛ́ɛ ɓeēn nāá, ɓyá a ɗǐ ndɔŋ nɛ mot lɛ̄ɛ̄ nāá, ɛ mwânǎŋg wēn twóó mí Yésus Kilís, ɓyela nāá, ɛ mot osapâk, ɛ mot mɛgômb, ɛ mot ɗūɛ̄l iɓyǒla ɓī ózɛɛ̄mb ɔ̂, ɛ mot lüíí ɛ́ɓyóóɓyóó nɛ mín mɛ̄ ɓót ō ndɔŋ yɛ́ ɔ̂, ndél mɛnɔk gú thɔ́k ájyûujyuu ɔ̂. Mbi mót ték ɛ́, ɓyá a ɓoma mɛ́ɓɔ́ nɛ nɛ̄ tí kat íɗôo.

¹²Yá a ɓɛ̄ myám dálā ɛ́dɔ́s ɓót ō ɗí ta ɓɛ ɓót ō mí Yésus Kilís ɓâk. Í Zɛɛ̄mb wā dɔ́s ɓɛ̂. Sá gwát, ɓyɔ̂ɔ ɓí dala ɛ́dɔ́s ɓót ō gós-óɓúkɛl yēn. Nɛ dɔ nāá, Ɓaáchāāchānj ō Mítilā ɓɛ́ lɛ̄ɛ̄ nāá: «Sɔká ɓyǒla mót pāká nyēn.»