Read Mundani Matìù 1 Bible Online

Matìù 1 - Mundani bible

Matìù 1

¹Eyaa wu bètǎt nyaꞋ Yesò Klistò wu tà lè wu wòt ləlob Fɔ̧̀ Dàbid wu tà li ngu wòt ləlob Abàlàghâm la.

²Abàlàghâm lè wu tǎt Asàk,Asàk wu tǎt Jàkɔ̂b,Jàkɔ̂b wu tǎt Judà bɔ̂ bɔnyɨ bi.

³Judà lè wu tǎt Pelèz bɔ̂ Zelà,nyɨ̌ awɔb wu Tamà.Pelèz lè wu tǎt Eslɔ̀n,Eslɔ̀n wu tǎt Lam,

⁴Lam wu tǎt Àminadàb,Àminadàb wu tǎt Nashòn,Nashòn wu tǎt Sàlemun.

⁵Sàlemun lè wu tǎt Boà wu nyɨ̌ tò lè wu Leghàb la,Boà wu tǎt Obèd wu nyɨ̌ tò le wu Luêt la.Obèd lè wu tǎt Jesì,

⁶Jesì wu tǎt fɔ̧̀ Dàbid. Dàbid lè wu tǎt Sàlemun wu nyɨ̌ tò lè lɔ̂Ꞌ ngu vi Yulìà la.

⁷Sàlemun lè wu tǎt Lèoboàm,Lèoboàm wu tǎt Àbijà,Àbijà wu tǎt Asà.

⁸Asà lè wu tǎt Jèghoshafàt,Jèghoshafàt wu tǎt Jolàm,Jolàm wu tǎt Yuzìà,

⁹Yuzìà wu tǎt Jotàm,Jotàm wu tǎt Aghàs,Aghàs wu tǎt Ezedìà,

¹⁰Ezedìà wu tǎt Mànasì,Mànasì wu tǎt Amòn,Amòn wu tǎt Jòsià,

¹¹Jòsià wu tǎt Jèkonìà nè bɔnyɨ bi àfɨ̀Ꞌ yu bɔ li mbà̧aã bòt Izəèlȩê nɨŋ ngà a Babilɔ̀n la.

¹²Bɔ li ngà a Babilɔ̀n ale,Jèkonìà bia Shialtièl,tà lɔ̀Ꞌ mbia Zèlubabèl,

¹³Zèlubabèl lɔ̀Ꞌ mbia Abùd.Abùd lè wu tǎt Èliakìm,Èliakìm wu tǎt Azɔ̀,

¹⁴Azɔ̀ wu tǎt Zadɔ̀k,Zadɔ̀k wu tǎt Achìm,Achìm wu tǎt Elùd.

¹⁵Elùd lè wu tǎt Èlèazà,Èlèazà wu tǎt Matàn,Matàn wu tǎt Jàkɔ̂b,

¹⁶Jàkɔ̂b wu tǎt Jòsêb lu̧ Màlià wu tà lè bia Yesò wu bɔ̀ le wua ntɔ̌ tò nê Klistò la.

¹⁷Ale, lətelob te li ntsè èghem ntsɔ̀b tekwì ebùꞋu ane Abàlàghâm e ghǎ wu ane Dàbid, ntsè èghem ntsɔ̀b tekwì ebùꞋu ane Dàbid e ghǎ wu àfɨ̀Ꞌ yu bɔ̀ le baã bòt Izəèlȩê nɨŋ ngà a Babilɔ̀n la, mè ntsè èghem ntsɔ̀b tekwì ebùꞋu àfɨꞋa mbɔŋ ekɨꞋɨ wu àfɨꞋa bɔ̀ le bia Fɔ̧̀ wu Mbɔ̧ɔ̧mà li ndzɔꞋ ntsà la.

¹⁸Eyaa wu ndɨ bɔ li mbi a Yesò Klistò la. Nyɨ̌ tò Màlià lè wu èleè Jòsêb, me laꞋ nê yeà nkɨ̀Ꞌa a lob tò bɔ tùꞋ nê tà tɨ̧ɨ̧ èbêm tè ndɔ̀Ꞌ. Me bɔ èbêm lu ale, è ghɨ̀à Fo Kèfə.

¹⁹Jòsêb wu tà le wua nkɨ eyɔꞋɔ atò la, li ngu wòt tàa nɔ̀ŋà mbɨ̧te Musì la, ka tà kà wua nkɨ ezǐ atò a ntsoꞋ ayɔɔ bòt mbɨ̀Ꞌɨ̀ mbɨ̧te mbɔŋ te kɨa la, ale, tà kwàꞋtè nê yea tu̧ atò a ntsèm.

²⁰Tà bela nkwàꞋtà ale, wantu̧ Mbɔ̧ɔ̧mà kɨ̀Ꞌɨ̂ a ndzò̧ shu abua to nê, “Jòsêb wòt àndà̧ Dàbid, ko mbɨ̀Ꞌɨ̀ a bɔ̀ɔ enɨ a Màlià ane vi wè, nkàà nê wu Fo Kèfə ka è ghɨ̂ tà bɔ̌ èbêm la.

²¹Taa bi wambâ̧ bɨa tsì èlen tò nê Yesò, nkàà nê taa li tsǐ bòt bi a èbem mènəè kàbɔ̀ŋ mɔb e ghɨ̌ bɔɔ peme.”

²²Èghɨ bàa e li ngɨ̀ anè mbɨ̀Ꞌɨ̀ e ghɨ̌ mènəè mu Mbɔ̧ɔ̧mà li ngɨ̀ ndàꞋàtɔŋ vi shu la, naa wu nkûŋ. NdàꞋàtɔŋ wu li shu nê,

²³“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

²⁴ÀfɨꞋa Jòsêb lɔ̀Ꞌɔ a kèlɔ la, tà ghɨ̀ mbɨ̀Ꞌɨ̀ wantu̧ Mbɔ̧ɔ̧mà è shu la, nɨ̀ èleè vi Màlià.

²⁵Tà nɨ atò ale, ka tà kà nɔ̀ŋkè bɔ̂ tò tè tà ghɨ̀ mbì wambâ̧ wu, tà tsì èlen tò nê Yesò.