Read Mundani Ètsə 19 Bible Online

Ètsə 19 - Mundani bible

Ètsə 19

¹Mbɨ̀Ꞌɨ̀ àyaa a tsè la, e ndzə àghɨa ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt a ègwet, ŋȩ̀a shua nê, “Alèluyà! Mèmpème nè ènɨ̧ nè mètàŋ wu abua Tǎt wa Mbɔ̧ɔ̧mà.

²Tà wu wòt nkûŋ, mè me saꞋa mènəè wuê ndɨŋndɨ̀ŋ. Tà saꞋa àghɨꞋna ghȩ̀ȩ̀nè ghȩȩne wu ane àbɨ̧ tà nɨŋ ndiꞋi ngɔ̀ŋ la. Mbɔ̧ɔ̧mà nɔ̀ŋe ngoꞋ àtsə atò nkàà àlo̧ bɔfàꞋ bi bu tà ghɨ̀ a chɨ̧ɨ̧te a si la.”

³Bɔ ghɨ̀ ale, me ŋȩa shua nê, “Àlèluyà! NdiꞋte èwet wu e tò̧a atò la, tea me gha a ègwet ane àlia nè àlia.”

⁴Bɔɔjuŋ bu èghem yebe ntsɔ̀b bakwì la, nè èghɨ bu bekwì è wu yu̧ la è bɔte a si ngùꞋtè a Mbɔ̧ɔ̧mà wu tà tseke a ègwet àtɨ̧a kèfɔ̧̀ yu la. Bɔ bɔ̀te ale me shu nê: “Àmèn, Alèluyà!”

⁵Àtɔŋ ako a dzəè adù̧ àtɨ̧a kèfɔ̧̀ yu me shu nê, “Bɨ̀a wu bɨ̀ wu bɔfàꞋ Mbɔ̧ɔ̧mà la, mè nè bɨ̀a bɔɔjuŋ nè bɔ̀techɨɨle bu bɨ̀a mbɔɔ atò la, bɨ̀agème bɨ̀ wùꞋta Tǎt wa Mbɔ̧ɔ̧mà.”

⁶ÀfɨꞋa mbɔŋ e ndzə àghɨ ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt, me jùꞋù mbɨꞋɨ̀ mèdzî nàa nchua a ègwet èbȩ la, mè me jùꞋù mbɨꞋɨ̀ èfâŋ nkwàta la è shua nê, “Alèluyà! Lèfɔ̧̀ tsiꞋi abua Tǎt wa Mbɔ̧ɔ̧mà Àtsèàngɔ̀ŋ.

⁷Bà me tà̧à̧tè àwa ngùꞋtè àwa, nkùkta Mbɔ̧ɔ̧mà, nkàà nê àfɨꞋa Wanjɨ̀ Mbɔ̧ɔ̧mà nàa nɨ ndzà zi la a kuêꞋ. Ndzà tò mbɔŋ mè ntàŋke avi tè nkùꞋ.

⁸Mbɔ̧ɔ̧mà ŋa ndìte ntsɔ̧̀ tèa fəèəèta mbɔ̀ la abua tò taa kwaãaã.” Ndìte ntsɔ̧̀ mbɔŋ wu mènəè ntsɔ̧̀ mu bòt Mbɔ̧ɔ̧mà e ghɨ̀ la.

⁹Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”

¹⁰E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

¹¹ÀfɨꞋa mbɔŋ e me ye ègwet e ghaꞋà, e me ye ndzèa loà kèfə. Bɔ me tɔ wòt wu ta tseke a ègwet la nê wòt nkûŋ, betsiꞋa wòt lɨ̀Ꞌà àvi ane tò la. Tàà nɨ̀a nkûŋ ka sàꞋa mènəè mè nùà èbet.

¹²Àghɨ a tò a me beꞋe mbɨ̀Ꞌɨ̀ èwet nkòòlâ la, tà mè kwà̧aã ntaãte tèa nyɨ̀Ꞌta mètàŋ tò la nyaŋ àtsə azi. Mè mbɔ̀ èlen ko bɔ shɨ ane tò, wòt kǒ tsa bakà ko ka nè tòà la.

¹³Ndǐ tà li nkwaã la bɔ li ndzì a èbem àlo̧. Bɔ me tɔ èlen tò nê Èngǎ̧ Mbɔ̧ɔ̧mà.

¹⁴Bèshujà ègwet e kwaãaã ndìte kèfə tèa mbɔ̀ la, nkɔ̀Ꞌa ègwet bèloà kèfə me kùŋe atò.

¹⁵Nyi dzəè a ètsəê tò, tàa nɨ nù èlaꞋ la. Taa me baãaã èlaꞋ mbɔŋ kà ku tèsȩ, ngɔ̀Ꞌɔ̀ àwɔb, e mě tɔ̀Ꞌtè àwɔb mbɨ̀Ꞌɨ̀ bɔ̀ɔ ntsəèꞋa tètaãaãte àyɨt a èbem àdziꞋ yu bɔ̀ɔ ntsəèꞋa ntsìà mèlùꞋ, à wua nyɨ̀Ꞌta ntsǒ Mbɔ̧ɔ̧mà Àtsèàngɔ̀ŋ la.

¹⁶Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”

¹⁷ÀfɨꞋa mbɔŋ e ndze wantu̧ Mbɔ̧ɔ̧mà kǒ tà tɨ̧ɨ̧ adù̧ àtaãnyèm la. Tà ŋȩ ane taꞋà àtɔŋ ntɔ banɨ̧̀ bu bèa ndèa a ègwet la bàgème nê, “Bɨ̀ kɨꞋɨ mbù̧ù̧tè njɨ taꞋa èpà̧ wu Mbɔ̧ɔ̧mà taŋke la.

¹⁸Bɨ̀ kɨꞋɨ nkwet nyaãte bèfɔ̧̀, nè ète bètǎt bèshujà, nè ète bòt kekweelè, nè ète bèloà bɔ̂ bòt bu bɔ̀ɔ nkɔ̀Ꞌa ègwet la, nè ète bòt bàgème, èbùꞋ nè bòt kà wu èbùꞋ, ebùꞋu ane bɔ̀techɨɨle eghǎ wu ane bɔɔjuŋ.”

¹⁹E mè ndze nyà̧mɔ̀Ꞌ yu bɔ̂ bèfɔ̧̀ sitsǎꞋ nè bèshujà bɔb bɔ taŋkè e màꞋà èbet adù̧ wòt wu tà tseke a ègwet loà wu la bɔ̂ èbi nê bèshujà.

²⁰Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

²¹Wòt wu tà tseke a ègwet loà wu la nɨ nyi tètɔ yu, è dzəâ a ètsəê vi la mbùŋè bòt ko bu bàgème. Banɨ̧̀ bu bàgème e kɨꞋɨ̀ nkwet èpfəꞋte bɔb tè e tsè àwɔb.