Read Murui Carta a los Hebreos 8 Bible Online

Carta a los Hebreos 8 - Murui bible

Carta a los Hebreos 8

¹Cristomo ite rafuena lloitɨcue. Caɨ facaina ñaɨraɨmana birui naimɨe ite. Illaɨmana naimɨe illa jira, monamo Jusiñamui ecɨmo ite.

²Jusiñamui illanomo naimɨe illanona, nainomo caɨ facaina birui ñaɨcabite. Moisés mɨcorɨ facaise comɨnɨ fɨnoca jofomo Jusiñamui dɨga ñaɨuidɨmacɨ; ia birui Jusiñamui fɨnoca illanomo Cristo illamona, caɨ facaina ñaɨcabite.

³Moisés mɨcorɨ naga ñaɨraɨma jeacɨno facaina Jusiñamuimo faga toɨnɨaɨna fecauillena llote. Cristodɨ comɨnɨ jeacɨno facaina toɨnɨaɨna fecañede; iadedɨ naimɨe jitailla jira, caɨ jeacɨno facaina naimɨe dama fiodaite.

⁴Moisés mɨcorɨ jaie llua isoi, benomo ite ñaɨraɨnɨ faga toɨnɨaɨna fecauilla jira, enɨruemo Cristo nia ia, ñaɨraɨmana naimɨe jainide.

⁵Comɨnɨ facaina Jusiñamui dɨga ñaɨllena, Moisés mɨcorɨ facaise naie ñaɨraɨnɨ Jusiñamui jofomo jaisoidɨmacɨ. Iemona Cristo monamo fɨnocabilla rafuena uiñotɨcaɨ. Monamo caɨ facaina Jusiñamui dɨga Cristo birui ñaɨcabite. Iemo naimɨe comecɨna facajanona, Jusiñamui jofona Moisés mɨcorɨ jaie niacania, Jusiñamui naimɨena llofuete: “Monamo itɨcue; ia cue jofo enɨruemo jɨaɨ fɨnoitomoɨ. Sinaí railla anedu navui o ia, ona llofuetɨcue. Ona cue llofuia isoi, cue jofona fɨno” llofuete.

⁶Enɨruemo Cristo birui iñenamona, monamo caɨ facaina Jusiñamui dɨga birui ñaɨcabite. Cristomona caɨ cacaja rafuedɨ Moisés mɨcorɨ facaise ñaɨraɨnɨmona caɨ cacaja rafue baɨfemo faɨa jira, Cristodɨ Moisés mɨcorɨ facaise ñaɨraɨnɨ baɨfemo faɨte. Cristomona caɨ cacaja rafuedɨ caɨ comecɨaɨ marena itatate. Ie jira, bie rafue jɨaɨe rafue baɨfemo faɨte.

⁷Moisés mɨcorɨ facaina rafuedo jaillamona, Jusiñamui jitailla isoi buna marebicaiñede. Ie jira Jusiñamui jɨaɨe rafue illena llote.

⁸Moisés mɨcorɨ lloga uaina caɨ jaiagaɨ ɨɨnoñena jira, Jusiñamui jai llote:Naie comɨnɨmo jɨaɨe rafuena ɨco jɨaɨruido lloitɨcue.

⁹Naimacɨ jaiagaɨmo cue lloga rafuena jaie llotɨcue.Naie facaiseconi Egiptomona naimacɨna canuanona, naimacɨna atɨdɨcue;iadedɨ Moisés mɨcorɨmo cue lloga rafuedo jaiñedɨmacɨ.Ie jira naimacɨna faɨnonocaidɨcue.

¹⁰Naimacɨmo jɨaɨe rafuena ɨco jɨaɨruido lloitɨcue.Iena naimacɨ uiñuamona, cuena raise ɨɨnoitɨmacɨ.Naimacɨ Jusiñamuidɨcuena jira, naimacɨ cuena sedaitɨmacɨ.Cue anamo raise naimacɨ illa jira, cue comɨnɨnitɨmacɨ.

¹¹Nana naimacɨ cuena uiñoitɨmacɨ.Ie jira naimacɨmo: “Caɨ Namana omoɨ ɨɨno” buna nɨese lloñeite.Jamai bue isoidɨnomona cuena ɨɨnoitɨmacɨ.Jamai bue isoiñedɨnomona cuena jɨaɨ ɨɨnoitɨmacɨ.

¹²Naimacɨna cue duenaillamona, naimacɨ jeacɨnona jaca feitaitɨcue llote.

¹³Jɨaɨe rafuena Jusiñamui jai lluamona, Moisés mɨcorɨmo lloga rafue jai saillana uiñotɨcaɨ. Moisés mɨcorɨ lloga rafue caɨmo jai duiñede. Cristomona jɨaɨe rafuena birui jai cacadɨcaɨ.