Read Nalca MATIUS 1 Bible Online

MATIUS 1 - Nalca bible

MATIUS 1

¹Yesus Kristus beiyimek nang yilaʾ, Abraham bek ab uboka, Daud dubnya bek ab uboka, ulumek nimi si ara ban. Anasa Abraham bek abaʾ ara, Daud be ulumok salek enyek uboka Yesus beibek nimi yilaʾ era ban:

²Abraham bedya me nera Ishak, Ishak bedya me nera Yakub, Yakub bedya mab era Yehuda beb aljaʾ hemyab eb,

³Yehuda bedya mab era Peres beb Zerah beb (sikjaʾ genong gera Tamar ge ulumok), dara Peres bedya me nera Hezron be ulumok, alja me nera Ram,

⁴Ram bedya me nera Aminadab, Aminadab bedya me nera Nahason, Nahason bedya me nera Salmon,

⁵Salmon bedya me nera Boas (Boas eiling gera Rahab), Boas bedya me nera Obed (Obed eiling gera Rut), Obed bedya me nera Isai,

⁶Isai bedya dara, Daud be dubnya beibuk. Wera onoʾ Daud bek abaʾ ara, Yehuda sokok nimi henga gouboka Babel heikek beil bisik salek ulumek nimi si dara, ban: Daud bedya me nera Salomo (alja genong gera men dara Uria bedya domok),

⁷Salomo bedya me nera Rehabeam, Rehabeam bedya me nera Abia, Abia bedya me nera Asa,

⁸Asa bedya me nera Yosafat, Yosafat bedya me nera Yoram, Yoram bedya me nera Uzia,

⁹Uzia bedya me nera Yotam, Yotam bedya me nera Ahas, Ahas bedya me nera Hizkia,

¹⁰Hizkia bedya me nera Manasye, Manasye bedya me nera Amon, Amon bedya me nera Yosia,

¹¹Yosia bedya mab era Yekhonya beb al kabo nang eb beibsuk.

¹²Wera onoʾ Yehuda sokok nimi Babel heikek henga gouboka bobogeisik salek ebaʾ ara, Yesus beibekaʾ wenyek nimi yilaʾ era ban: Yekhonya bedya me nera Sealtiel, Sealtiel bedya me nera Zerubabel,

¹³Zerubabel bedya me nera Abihud, Abihud bedya me nera Elyakim, Elyakim bedya me nera Azur,

¹⁴Azur bedya me nera Zadok, Zadok bedya me nera Akhim, Akhim bedya me nera Eliud,

¹⁵Eliud bedya me nera Eleazar, Eleazar bedya me nera Matan, Matan bedya me nera Yakub,

¹⁶Yakub bedya me nera Yusuf. Dara, Yusuf bedya gel gera Maria. Anya ban Maria gedya danyek, Yesus ara beibuk. Yesus ara onoʾ Kristus aboka si silimek.

¹⁷Anasa wera Abraham bek ab uboka Daud bek hiboka likimek nang yilaʾ era hiboka dara, meijaʾ dubukaʾ badya nimi yilaʾ likimek. Dara onoʾ Daud bek ab uboka, Yehuda sokok nimi Babel heikek henga gouboka bo bisik salek era, nimi yilaʾ denga meijaʾ dubukaʾ badya likimek. Anya Yehuda sokok nimi Babel heikek bo bilisik salek eb uboka, Kristus sokok beibek salek era, onoʾ nimi yilaʾ denga meijaʾ dubukaʾ badya likek.

¹⁸Yesus Kristus beibukaʾ ara ban unuwoka beibuk. Yesus alja genong Maria gera, Yusuf bedya molob lomok. Sikda anam dobdanggurek salek, Maria gera Geisinya adya me bobok.

¹⁹Yusuf bera Imik Neyung ak pelemoknya bek adya, alja molob lomok gel ge me boboka dara, Maria gera nimi hnoum laga lobnamna dara, alya dablyek senewoka, gelelenga lobnamna senewoka ganya lomok unu seinimok.

²⁰Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

²¹Maria gera eimik nengma ak beibnamla. Ban me nenedya alja nimi sikja malya unaʾ ak ab blebnesilaʾ anasa, alja si nera Yesus ak aboka sibnelam,” hyok.

²²Ban nidyaʾ unuwoknya nera, Imik Neyung adya alja ununumnaʾ len nang pik uboka lemokaʾ anyek gigiwolulaʾ aboka nera ubokaʾ ara,

²³”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

²⁴Wera Yusuf bera alda maboka bukok dara, Imik Neyung lero adya alak lendar pik wenyamoknya nera nidyaʾ gigiwoka unuwok. Dara Maria geb dobdarek.

²⁵Bok Maria gera Yesus anam beibnenggumok salek, Yusuf bera Maria gek ara mekaʾ bokaʾ denewanggumok. Anya wera Maria gera bomok me nera beibuk dara, Yusuf bedya me si ara Yesus aboka sibuk.