Read Naro 1Ko 13 Bible Online

1Ko 13 - Naro bible

1Ko 13

¹Ncẽè tãáka ta̱man khóè ne di cgoar kòo kg'ui naka moengelean dian cgoa hẽéthẽé e, igabar kò ncàm̀kuan úú tama ner nxãaska kg'ama ko tcẽé-tcẽes qanos khama ii kana xg'áḿa ko xg'aeè sara qano sara khama.

²A ncẽè porofitan dis aba sar kò úúa, a ra a wèé zi gúù zi chóm̀sea zi q'ana, a ra a wèé tc'ẽean q'ãan di ga úúa, a ra a wèé dtcòm̀an ga úúa ncẽe xàbìan ko nxònokagu u, igabar kò ncàm̀kuan úú tama ner gúù cgáér tama ra a.

³A ncẽè ẽer q'õòa hãan wèé gar kò ko ẽe dxàua ne máà, a ra a ko tc'áróa te tcg'òó, dàòè i gha ka, igabar kò ncàm̀kuan úú tama nes ẽe sa cúí gúù ga ka̱bi máá te tama.

⁴Ncàm̀ku sa qáò tcáó si i, a sa a qãè tcáó si i, ncàm̀ku sa tau di tama, a sa a bóò-boose di tama, a sa a koase di tama,

⁵a sa a tshúù cau tama, a sa a qaara mááse tama, a sa a qháése xgóàkaguè tama, a sa a cg'ãè gúùan kúrúèa hãa tcáóa sa koe tòó tama,

⁶a sa a cg'ãè zi gúù zi ka qãè-tcaokaguè tama, igabagas ko tseeguan di zi gúù zi ka qãè-tcaokaguè,

⁷a sa a ko wèé gúùan koe qgóóse, a sa a ko wèé gúùan koe dtcòm̀, a sa a wèé gúùan koe nqòòan úúa, a sa a ko wèé gúùan qáò-tcaoa máá.

⁸Ncàm̀ku sa chõò tite, si gha porofita sa kaà; si gha tãá xu ta̱m xu cgoa kg'ui sa chõò; i gha q'ãa di tc'ẽean kaà.

⁹Gatá di q'ãa di tc'ẽea nea tc'ãò tama, i gatá di porofitan ga tc'ãò tama khama.

¹⁰Igaba ẽe tc'ãòan kò ko hàà, ne i gha ẽe tc'ãò taman kaà.

¹¹Xg'aor cóá ii kar kòo cóá khama ma kg'ui, a ra a kòo cóá khama ma tc'ẽe, a ra a kòo cóá khama ma xo̱a, a ẽer ko hàà kaiam khóè ba kúrú kar kò cóán di zi dàò-kg'áḿ zi chõòkagu.

¹²Ncẽeska ta ko bóò-kg'áís koe nxòmase bóò khama, igaba ta gha hàà tchànose q'óáku cgoa Me a bóò Me. Ncẽeskar cg'árés xòè-coa sa q'ana, igabar gha ẽem x'aèm ka kaisase q'ãa, ncẽer ma kaisase q'ãaèa khamaga ma.

¹³Zi gha ncẽeska dtcòm̀ sa hẽé, nqòò sa hẽé, naka ncàm̀ku sa hẽéthẽé zi hãa, ncẽe zi nqoana zi, si gaa zi ka kaia sa ncàm̀ku si i.