Read Navajo GENESIS 36 Bible Online

GENESIS 36 - Navajo bible

GENESIS 36

¹Díidí Íísa ba'áłchíní náás da'ahílchíihii ádaat'į́ (Íísa éí Íídam ałdó' wolyé).

²Íísa éí Kéínan dine'é bitsi'ké ba'ákéí áyiilaa: Het dine'é Íílan bitsi' Éídah wolyéii áádóó Háíva dine'é Zíbiyan bitsi' Éínah wolyéii bich'é'é Ahólibéíma wolyéii

³índa Íshmeiyel bitsi' Niibéíyath bilah Báshiimath wolyéii ba'ákéí áyiilaa.

⁴Áko Éídah éí Élifaz wolyéii Íísa yá yishchį́, áádóó Báshiimath éí Rúwel yishchį́,

⁵índa Ahólibéíma éí Jíí'ash áádóó Jéíyalam índa Kórah niyiishchį́; díidí Íísa biye'ké ádaat'į́; kéyah Kéínan biyi' bá niheezhchį́.

⁶Áádóó Íísa ba'ákéí áádóó biye'ké áádóó bitsi'ké índa bił nijikaígíí t'áá ałtso áádóó bibéégashii índa bilį́į́' áádóó Kéínan kéyahdóó hwee hazlį́'ígíí náájíizhchidgo hatsilí Jéíkab bits'ą́ą́' náánáła' kéyahgóó dashdiiná.

⁷Háálá jit'ínígíí t'óó ahayóigo biniinaa t'áá ła' kééhojit'į́į dooleełígíí doo bohónéedzą́ą da, áádóó éí kéyahgi dé'éyóní dajílį́įgo halį́į́' t'áá át'é doo bohóoghah da.

⁸Íísa éí Dził Síyerdi kééhat'į́; Íísa t'áá éí Íídam wolyé.

⁹Díí éí Dził Síyerdi Íísa éí Íídam dine'é yizhé'é nilíinii ba'áłchíní náás da'ahílchíihii ádaat'į́.

¹⁰Áko Íísa biye'ké kódaolyéé nít'éé': Íísa be'asdzą́ą́ Éídah biyáázh Élifaz wolyéii áádóó Íísa be'asdzą́ą́ Báshiimath biyáázh Rúwel wolyéii.

¹¹Élifaz biye'ké éí Tííman áádóó Ómar áádóó Zíífai áádóó Géítam índa Kíínez daolyé.

¹²Áko Tímna éí Íísa biye' Élifaz be'asdzą́ą́ yíł'íní jílį́; Ámalek éí Élifaz yá yishchį́; díí éí Íísa be'asdzą́ą́ Éídah biyáázhké ádaat'į́.

¹³Áádóó Rúwel biye'ké: Néíhath áádóó Zíírah áádóó Shámmah índa Mízzah daolyé; díí éí Íísa be'asdzą́ą́ Báshiimath biyáázhké ádaat'į́.

¹⁴Áko Zíbiyan wolyéii bitsi' Éínah hach'é'é Ahólibéíma éí Íísa be'asdzą́ą́ nilį́, áko díí Ahólibéíma biyáázhké ádaat'į́: Jíí'ash áádóó Jéíyalam índa Kórah éí Íísa yá niyiishchį́.

¹⁵Díí Íísa biye'ké naat'áanii danilį́: Íísa bá alą́ąjį' yizhchínígíí Élifaz biye'ké éí naat'áanii Tííman áádóó Ómar áádóó Zíífai áádóó Kíínez

¹⁶áádóó Kórah áádóó Géítam índa Ámalek daolyé. Díí t'áá ałtso naat'áanii danilį́įgo Íídam kéyahdi Élifaz ba'áłchíní náás da'ahideeshchíinii danilį́; díí t'áá ałtso Éídah binálíké ádaat'į́.

¹⁷Índa díí Íísa biye' Rúwel biye'ké naat'áanii danilį́: naat'áanii Néíhath áádóó Zíírah áádóó Shámmah índa Mízzah; éí Íídam kéyahdi Rúwel ba'áłchíní náás da'ahideeshchíinii danilį́; éí Íísa be'asdzą́ą́ Báshiimath binálíké ádaat'į́.

¹⁸Díí Íísa be'asdzą́ą́ Ahólibéíma biyáázhké; naat'áanii Jíí'ash áádóó Jéíyalam índa Kórah daolyé; éí t'áá ałtso naat'áanii danilį́; díí éí Éínah bich'é'é Ahólibéíma Íísa be'asdzą́ą́ bits'ą́ą́dóó naat'áanii ch'éheeskaígíí ádaat'į́.

¹⁹Díidí Íísa, t'áá éí Íídam wolyéego biye' ádaat'į́; t'áá éí naat'áanii danilį́.

²⁰Díí Síyer wolyéii Hor dine'é nilíinii biye'ké éí kéyahdi kéédahat'íinii danilį́: Lótan áádóó Shóbal áádóó Zíbiyan áádóó Éínah

²¹áádóó Dáíshon áádóó Íízar índa Dáíshan ádaat'į́; díí éí Síyer ba'á łchíní Íídam kéyahdi Hor dine'é binanit'a'í danilį́.

²²Lótan ba'áłchíní éí Hórai índa Híímam wolyé áádóó Lótan bilah éí Tímna wolyé.

²³Díí Shóbal ba'áłchíní: Álvan áádóó Mánahath áádóó Ííbal áádóó Shíífai índa Ónam daolyé.

²⁴Díí éí Zíbiyan biye'ké: Éíyah índa Éínah wolyé; díí Éínah halgaidi bizhé'é Zíbiyan bitélii neiniłkaadgo tó sidoh háálį́įgo yik'íníyáhígíí át'į́.

²⁵Díí éí Éínah ba'áłchíní: biye' Dáíshon wolyé índa bitsi' Ahólibéíma wolyé.

²⁶Díí Dáíshon biye'ké ádaat'į́: éí Hémdan áádóó Éshban áádóó Íthran índa Kííran daolyé.

²⁷Díí Íízer ba'áłchíní ádaat'į́: éí Bílhan áádóó Zéíyavan índa Éíkan daolyé.

²⁸Índa Dáíshan ba'áłchíní éí Uz índa Éíran wolyé.

²⁹Díí Hor dine'é binanit'a'í danilį́: Lótan áádóó Shóbal áádóó Zíbiyan áádóó Éínah

³⁰áádóó Dáíshon áádóó Íízer índa Dáíshan daolyé; díí Síyer kéyahdi Hor dine'é bits'ą́ą́dóó naat'áanii danilį́.

³¹T'ah doo Ízrel dine'é binanit'a'í haleehdą́ą́' Íídam kéyahdi díí aláahgo naat'áanii danilį́į́ nít'éé'.

³²Bíyor biye' Bííla éí Íídam kéyahgi naat'áanii nilį́į́ nít'éé'; bikin haal'áhígíí éí Dínhabah hoolyéé nít'éé'.

³³Áádóó Bííla daaztsą́ągo bitsásk'ehgi Bázra kin haal'áádę́ę́' Zíírah biye' Jóbab aláahgo naat'áanii náánídlį́į́ nít'éé'.

³⁴Áádóó Jóbab daaztsą́ągo bitsásk'ehgi Hósham éí Tííman dine'é bikéyahdóó naagháago aláahgo naat'áanii náánídlį́į́ nít'éé'.

³⁵Áádóó Hósham daaztsą́ągo bitsásk'ehgi Bíídad biye' Héídad wolyéii Mó'ab halgaigi Mídiyan dine'é yik'eh deesdlį́į́' yę́ę aláahgo naat'áanii náánídlį́į́ nít'éé'; éí bikin haal'áago Éívith hoolyéé nít'éé'.

³⁶Héídad daaztsą́ągo bitsásk'ehgi Mazrííkah hoolyéédóó Sámlah aláahgo naat'áanii náánídlį́į́ nít'éé'.

³⁷Sámlah daaztsą́ągo bitsásk'ehgi Saul éí Riihóbath tooh bibąąhdóó naagháago aláahgo naat'áanii náánídlį́į́ nít'éé'.

³⁸Saul daaztsą́ągo bitsásk'ehgi Ákbor biye' Béíyal-héínan aláahgo naat'áanii náánásdlį́į́'.

³⁹Ákbor biye' Béíyal-héínan daaztsą́ągo bitsásk'ehgi Héídad aláahgo naat'áanii náánásdlį́į́'; bikin haal'áhígíí éí Péíyu hoolyéé nít'éé' áádóó be'asdzą́ą́ éí Mézeihab bitsi' Méítred bich'é'é Mehétabel wolyéé nít'éé'.

⁴⁰Áko díí Íísa bits'ą́ą́dóó naat'áanii danilį́įgo bada'áłchíní áádóó bił dah nahaz'ą́ índa dabízhi' bik'ehgo ch'éheeskai; éí Tímna áádóó Álvah áádóó Jíítheth

⁴¹áádóó Ahólibéíma áádóó Íílah áádóó Pínon

⁴²áádóó Kíínez áádóó Tííman áádóó Míbzar

⁴³áádóó Mágdiyel índa Áíram daolyé; díí t'áá ałtso naat'áanii danilį́į́ nít'éé'; Íídam kéyahdi, t'áá bí bikéyahdi kéédahat'į́į́ nít'éé'; díí Íísa éí Íídam dine'é yizhé'é nilį́.