Read Navajo I CHRONICLES 1 Bible Online

I CHRONICLES 1 - Navajo bible

I CHRONICLES 1

¹Ádam, Seth, Íínash,

²Kéínan, Mahéílalíyel, Jííred,

³Íínak, Miithúzelah, Léímek,

⁴áádóó Nóah éí Shem áádóó Ham índa Jéífeth há neheezhchį́.

⁵Jéífeth biye'ké éí Gómar áádóó Méígag áádóó Madéíyai áádóó Jéívan áádóó Túbal áádóó Mííshek índa Tíras daolyé.

⁶Gómar biye'ké éí Áshkenaz áádóó Ráífath índa Togármah daolyé.

⁷Jéívan biye'ké éí Iiláísha áádóó Társhish áádóó Kítim índa Dódanim daolyé.

⁸Ham biye'ké éí Kush áádóó Mízreiyim áádóó Put índa Kéínan daolyé.

⁹Kush biye'ké éí Sííba áádóó Hávilah áádóó Sábta áádóó Réíyamah índa Sábtiika daolyé. Réíyamah biye'ké éí Shííba áádóó Díídan wolyé.

¹⁰Kush éí Nímrad há yizhchį́, áko nihokáa'gi diné bidziilii yileeł.

¹¹Mízreiyim há neheezhchínígíí éí Lúdim áádóó Ánamim áádóó Liihéíbim áádóó Naftúhim

¹²áádóó Pathrúsim áádóó Kaslúhim índa Kaftórim daolyé. Kaslúhim bits'ą́ą́dóó Filístiya dine'é hodideezlį́į́'.

¹³Kéínan éí átsé há yizhchínígíí Sáídan áádóó Het há yizhchį́,

¹⁴áádóó Jííbas dine'é, Ámor dine'é, Gérgash dine'é,

¹⁵Háíva dine'é, Árka dine'é, Sin dine'é,

¹⁶Árva dine'é, Zémar dine'é índa Héíma dine'é dabizhé'é jílį́į́ nít'éé'.

¹⁷Shem biye'ké éí Íílam áádóó Ásher áádóó Arfáksad áádóó Lud áádóó Áram áádóó Uz áádóó Hul áádóó Gííther índa Mííshek daolyé.

¹⁸Arfáksad éí Shíílah há yizhchį́ áádóó Shíílah éí Ííber há yizhchį́.

¹⁹Áko Ííber éí biye' naaki. Ła' éí Pííleg wolyé, háálá t'ah nijighá yę́ędą́ą́' kéyah t'áá da'níł'ąą nahaz'ą́ silį́į́'. Bik'is éí Jáktan wolyé.

²⁰Jáktan há neheezhchínígíí éí Almódad áádóó Shíílef áádóó Héízar-méíveth áádóó Jíírah

²¹áádóó Hadóram áádóó Yúzal áádóó Díklah

²²áádóó Ííbal áádóó Abímeiyel áádóó Shííba

²³áádóó Ófer áádóó Hávilah índa Jóbab. Díí éí t'áá ałtso Jáktan bá neheezhchį́.

²⁴Shem, Arfáksad, Shíílah,

²⁵Ííber, Pííleg, Ríyu,

²⁶Síírag, Néíhor, Tíírah,

²⁷áádóó Éíbram, t'áá éí Éíbraham wosye'.

²⁸Éíbraham biye'ké éí Áízak áádóó Íshmeiyel.

²⁹Díí éí ba'áłchíní náás da'ahílchíihii át'é. Íshmeiyel átsé bá yizhchínígíí éí Niibéíyath áádóó Kíídar áádóó Ábdiil áádóó Míbsam

³⁰áádóó Míshma áádóó Dúmah áádóó Mássa áádóó Héídad áádóó Tííma

³¹áádóó Jííter áádóó Néífish índa Kédiimah. Díí éí Íshmeiyel biye'ké ádaat'é.

³²Éíbraham be'asdzą́ą́ yíł'íní Ketúrah éí biyáázh Zímran áádóó Jákshan áádóó Míídan áádóó Mídiyan áádóó Íshbak índa Shúwah niyiishchį́. Jákshan biye'ké éí Shííba áádóó Díídan wolyé.

³³Mídiyan biye'ké éí Íífah áádóó Íífer áádóó Héínak áádóó Abáída índa Eldéíyah daolyé. Díí t'áá ałtso Ketúrah binálíké ádaat'é.

³⁴Éíbraham éí Áízak há yizhchį́. Áízak biye'ké éí Íísa áádóó Ízrel.

³⁵Íísa biye'ké éí Élifaz áádóó Rúwel áádóó Jíí'ash áádóó Jéíyalam índa Kórah daolyé.

³⁶Élifaz biye'ké éí Tííman áádóó Ómar áádóó Zíífai áádóó Géítam áádóó Kíínez áádóó Tímna índa Ámalek daolyé.

³⁷Rúwel biye'ké éí Néíhath áádóó Zíírah áádóó Shámmah índa Mízzah daolyé.

³⁸Síyer biye'ké éí Lótan áádóó Shóbal áádóó Zíbiyan áádóó Éínah áádóó Dáíshon áádóó Íízar índa Dáíshan daolyé.

³⁹Lótan biye'ké éí Hórai áádóó Hómam wolyé. Lótan bilah éí Tímna wolyé.

⁴⁰Shóbal biye'ké éí Álvan áádóó Mánahath áádóó Ííbal áádóó Shíífai índa Ónam daolyé. Zíbiyan biye'ké éí Éíyah áádóó Éínah wolyé.

⁴¹Éínah biye' éí Dáíshon wolyé; Dáíshon biye'ké éí Ámram áádóó Éshban áádóó Íthran índa Kííran daolyé.

⁴²Íízer biye'ké éí Bílhan áádóó Zéíyavan índa Jéíkan daolyé. Dáíshan biye'ké éí Uz áádóó Éíran wolyé.

⁴³Ízrel dine'é t'ah doo aláahgo binanit'a'í haleehgóó Íídam kéyahgi díí aláahgo naat'áanii nidant'áá nít'éé': Bíyor biye' Bíílah; éí bikin haal'áhígíí Dínhabah hoolyéé nít'éé'.

⁴⁴Bíílah daaztsą́ągo Bázra kin haal'áádóó diné Zíírah biye' Jóbab hatsásk'ehgi aláahgo nant'á silį́į́'.

⁴⁵Jóbab daaztsą́ągo Tííman kéyahdóó diné Húsham wolyéii hatsásk'ehgi aláahgo naat'áanii náánásdlį́į́'.

⁴⁶Húsham daaztsą́ągo Bíídad biye' Héídad éí Mó'ab kéyahgi Mídiyan dine'é yik'eh deesdlį́'ígíí hatsásk'ehgi aláahgo nant'á silį́į́' áádóó bikin haal'áhígíí Éívith hoolyé.

⁴⁷Héídad daaztsą́ągo Mazrííkah kin haal'áádóó diné Sámlah wolyéii hatsásk'ehgi aláahgo nant'á silį́į́'.

⁴⁸Sámlah daaztsą́ągo Yofréítiiz tooh nílíní bibąąhgóó Riihóbath kin haal'áádóó diné Shéíyal wolyéii hatsásk'ehgi aláahgo nant'á silį́į́'.

⁴⁹Shéíyal daaztsą́ągo Ákbor biye' Béíyal-héínan hatsásk'ehgi aláahgo nant'á silį́į́'.

⁵⁰Béíyal-héínan daaztsą́ągo Héídad wolyéhígíí hatsásk'ehgi aláahgo nant'á silį́į́'. Bikin haal'áhígíí Péíyu hoolyé áádóó be'asdzą́ą́ Mézeihab bitsóí éí Méítred bich'é'é Mehétabel wolyé.

⁵¹Héídad ałdó' daaztsą́. Íídam kéyahgi díí aláahgo naat'áanii danilį́įgo kódaolyéé nít'éé': éí Tímna, Álvah, Jíítheth,

⁵²Ahólibéíma, Íílah, Pínon,

⁵³Kíínez, Tííman, Míbzar

⁵⁴áádóó Mágdiyel índa Áíram. Díí éí Íídam kéyahdóó aláahgo naat'áanii danilį́į́ nít'éé'.