Read Navajo I CHRONICLES 13 Bible Online

I CHRONICLES 13 - Navajo bible

I CHRONICLES 13

¹Nít'éé' siláo mííl níjaa'ígíí bindanit'a'í áádóó siláo neeznádiin níjaa'ígíí bindanit'a'í índa aląąjį' naazíinii t'áá ałtso David yinaha'áii bił baa niyádadzisti'.

²Áádóó David éí Ízrel dine'é t'áá ałtso yich'į' haadzíi'go ání, Nihił yá'ádaat'ééh ládą́ą́' áádóó nihiBóhólníihii Diyin God íinízin ládą́ą́', nihik'isóó danilíinii Ízrel dine'é bikéyahgi kéédahat'ínígíí áádóó nááda'iiłniihii índa Líívai dine'é danilíinii bikin hadaas'áágóó áádóó binaagóó dahootsooígi t'áá ałtso bich'į' hane' ádadiilníiłgo nihaa hidookahgo bił áłah diidleeł.

³Haa'íshą' nihiDiyin God bitsits'aa' dílzinii nihaa nídadiit'ááł, háálá Saul hináádą́ą́' t'áadoo nida'ídéelkid da.

⁴Áko áłah nilínígíí t'áá át'é ádadííniid, T'áá ákódadii'nííł, háálá diné t'áá ałtso bił yá'ádaat'ééh.

⁵Áádóó Kírjath-jíyarimdę́ę́' Diyin God bitsits'aa' dílzinii nídoot'áá ł biniyé Ííjip kéyah Sháíhar tooh nílínídóó t'áá Héímath kin haal'áajį' Ízrel dine'é kéédahat'ínígíí t'áá ałtso David hágo bidííniidgo áłah ábiilaa.

⁶Áko David áádóó Ízrel dine'é t'áá ałtso Béíyalahgóó, t'áá éí Kírjath-jíyarim ałdó' hoolyé éí Júdah dine'é bikéyahgi áhoolyéego ákwii jíkai. Diyingo naal'a'í chérabim wolyéii yita'gi Bóhólníihii Diyin God hólónígi bitsits'aa' dílzinii bízhi' bee wójíhígíí nídazhdoo'ááł biniyé ákǫ́ǫ́ jíkai.

⁷Áádóó Abínadab bighandóó Diyin God bitsits'aa' dílzinii ch'ídadziz'ą́. Áko Ázah áádóó Aháíyo wolyéii tsinaabąąs naaldlózígíí tsits'aa' dílzinii yił ch'íiníłbą́ą́z.

⁸Nít'éé' David áádóó Ízrel dine'é t'áá ałtso dziilí bee dahataałgo tsin tł'óół naakits'áadah bąąh daneelzhee'go bee nida'a'néii áádóó tsin tł'óół neeznáá bąąh daneelzhee'go bee nida'a'néii áádóó ásaa' yilghaałígíí áádóó béésh ahídí'niłgo diits'a'ígíí índa béésh dilní bee í'dílzoołí yee nidaanéego Diyin God binááł yaa naaskai.

⁹Áádóó Káídan bitł'oh naadą́ą́' ha'íná'ál'isígi jíkaigo béégashii deezgo'go Ázah éí tsits'aa' dílzinii bich'į' k'ízdeeshchidgo dzisił.

¹⁰Nít'éé' Bóhólníihii éí Ázah yich'į' báhóóchįįdgo tsits'aa' dílzinii dzisiłígíí biniinaa Bóhólníihii binááł dadziztsą́.

¹¹Áádóó Bóhólníihii éí Ázah tíidiilaaígíí biniinaa David doo hoł hózhǫ́ǫ da, áko díí jį́įjį' ákwii Píírez-ázah hoolyé.

¹²Áko t'áá éí oo'ááł biyi' David éí Diyin God béédzíldzidgo ájíní, Haa lá yit'éego Diyin God bitsits'aa' dílzinii shighanjį' deesh'ááł?

¹³Áko David bikin haal'á hoolyéegi haghanjį' tsits'aa' dílzinii t'áadoo názhní'ą́ą da nidi náánáłahdi Gath kin haal'áádóó diné Óbed-íídam wolyéii bighanjį' dadziz'ą́.

¹⁴Áko Óbed-íídam áádóó ba'áłchíní ba'ałk'ee Diyin God bitsits'aa' dílzinii si'ą́ągo táá' nídeezid. Áko Bóhólníihii éí Óbed-íídam bighandóó áádóó bee hólónígíí t'áá ałtso yik'idzisdli'.