Read Navajo I CHRONICLES 2 Bible Online

I CHRONICLES 2 - Navajo bible

I CHRONICLES 2

¹Díí Ízrel biye'ké ádaat'į́: Rúben, Símiyan, Líívai, Júdah, Ísakar, Zébyulan,

²Dan, Jóseph, Bénjamin, Náftalai, Géed índa Ásher.

³Júdah biye'ké éí Er áádóó Ónan índa Shíílah daolyé. Éí Kéínan dine'é nilíinii bitsi' Shúwa nihwiishchį́. Nít'éé' Júdah átsé bá yizhchínígíí Er éí Bóhólníihii binááł doo yá'ádaashóonii baa nijigháhígíí biniinaa hwiisxį́.

⁴Áádóó Téímar éí Júdah bizháá'áád nít'é'ígíí éí Píírez índa Zíírah há yishchį́. Júdah biye'ké t'áá ałtsogo ashdla' yilt'éé nít'éé'.

⁵Píírez biye'ké éí Hézran áádóó Héímal wolyé.

⁶Zíírah biye'ké éí Zímrai áádóó Ííthan áádóó Hííman áádóó Kálkal índa Dára daolyé. T'áá ałtsogo ashdla' yilt'éé nít'éé'.

⁷Kármii biye' Éíkan wolyéii Ízrel dine'é bide áhodzósinii, éí Bóhólníihii bich'į' nideet'ánígíí bidázhnoolníigo bee haz'áanii k'ízhníti'.

⁸Ííthan biye' éí Azaráíyah wolyé.

⁹Hézran haye'ké há neheezhchínígíí éí Jíírahmíyel áádóó Ram índa Kiilúbai daolyé.

¹⁰Ram éí Amínadab há yizhchį́ áádóó Amínadab éí Náshan há yizhchínígíí Júdah dine'é binanit'a'í nít'éé',

¹¹áádóó Náshan éí Sálman há yizhchį́ índa Sálman éí Bó'az há yizhchį́.

¹²Bó'az éí Óbed há yizhchį́; Óbed éí Jésii há yizhchį́.

¹³Áádóó Jésii átsé há yizhchíinii éí Iiláíyab; naaki góne' éí Abínadab; táá' góne' éí Shímiya;

¹⁴Niithániyel éí dį́į́' góne'; Rádeiyai éí ashdla' góne';

¹⁵Ózem éí hastą́ą́h góne' índa David éí tsosts'id góne' há yizhchį́.

¹⁶Bilahkéí éí Zerowáíyah áádóó Ábigeil wolyéé nít'éé'. Áko Zerowáíyah biyáázhké éí táá': Abísheiyai áádóó Jó'ab índa Éísahel daolyé.

¹⁷Ábigeil éí Améísa yishchį́; Améísa bizhé'é Jííther éí Íshmeiyel dine'é nilį́.

¹⁸Hézran biye' Kéíleb éí hwe'asdzą́ą́ naaki: Azúbah áádóó Jériyath t'áá áłah há ni'iishchį́; Azúbah biyáázhké éí Jésher áádóó Shóbab índa Árdan daolyé.

¹⁹Áko Azúbah daaztsą́ągo Kéíleb éí Éfrath hwe'asdzą́ą́ ánáájiidlaago Her há yishchį́.

²⁰Áádóó Her éí Yúrai yizhé'é nilį́ índa Yúrai éí Biizáliyel yizhé'é nilį́.

²¹Nít'éé' Méíkir éí Gíliyad bizhé'é jílį́įgo Hézran hastą́diin binááhaigo hatsi' yił ahaa yít'áazhgo yá Síígab yishchį́.

²²Síígab éí Jéíyer há yizhchį́. Gíliyad kéyahgi naadiin táá' kin haal'áii Jéíyer bee bóhólnííh nít'éé'.

²³Gíísher dine'é áádóó Áram dine'é éí Jéíyer bikin hadaas'áii áádóó Kíínath hoolyéegi kin haal'áii índa binaagóó kin dah naazhjaa'ígíí t'áá bił, hastą́diingo kin hadaas'áii haghaideet'ą́. Méíkir éí Gíliyad bizhé'é jílį́įgo hats'ą́ą́dóó díí t'áá ałtso náás ahoolchíiłii danilį́.

²⁴Áko Kéíleb-éfratahgi Hézran dadziztsą́ą́dóó bik'ijį' hwe'asdzą́ą́ Abáíyah éí há Ásher yishchį́. Ásher éí Tekówa bizhé'é dzizlį́į́'.

²⁵Áádóó Jíírahmíyel éí Hézran biye' jílį́įgo alą́ąjį' nijigháago haye'ké kódaolyé: Ram átsé yizhchį́ áádóó Búnah áádóó Óren áádóó Ózem índa Aháíjah daolyé.

²⁶Jíírahmíyel náánáła' be'asdzą́ą́ nááhódlǫ́ǫgo Átarah wolyé; biyáázh éí Ónam wolyé.

²⁷Áádóó Jíírahmíyel biye' alą́ąjį' naagháhígíí éí Ram haye'ké kódaolyé: Méíyaz áádóó Jéímin índa Ííker.

²⁸Ónam biye'ké éí Shámeiyai índa Jéída wolyé áádóó Shámeiyai biye'ké éí Néídab índa Abáísher wolyé.

²⁹Abáísher be'asdzą́ą́ Ábiheil wolyé; éí Áhban áádóó Mólid há yishchį́.

³⁰Áádóó Néídab éí Sííled índa Ápeiyim há yizhchį́, nidi Sííled éí t'áadoo ha'áłchíní hazlį́'í dadziztsą́.

³¹Ápeiyim éí Íshai há yizhchį́, áádóó Íshai éí Shííshan há yizhchį́ índa Shííshan éí Áhlai há yizhchį́.

³²Shámeiyai bik'is Jéída éí díí biye'ké: Jííther áádóó Jánathan. Jííther éí t'áadoo ba'áłchíní haleehí daaztsą́.

³³Jánathan éí Pííleth índa Zéíza há yizhchį́. Díí Jíírahmíyel bits'ą́ą́dóó náás ahoolchíiłii danilį́.

³⁴Jó, Shííshan éí ashiiké t'áadoo ła' há yizhchį́į da, nidi at'ééké t'éiyá. Áko Ííjip dine'é ła' há naal'a'í nilį́įgo Járha wolyé.

³⁵Áádóó Shííshan hatsi' ła' éí há naal'a'í Járha wolyéii baazhníłtį́, áko éí bá Átayai yizhchį́.

³⁶Átayai éí Néíthan há yizhchį́, índa Néíthan éí Zéíbad há yizhchį́.

³⁷Zéíbad éí Éflal há yizhchį́, áádóó Éflal éí Óbed há yizhchį́;

³⁸Óbed éí Jííhu há yizhchį́ índa Jííhu éí Azaráíyah há yizhchį́;

³⁹Azaráíyah éí Híílez há yizhchį́, áádóó Híílez éí Eliyéísah há yizhchį́,

⁴⁰áádóó Eliyéísah éí Sísamai há yizhchį́, índa Sísamai éí Shálam há yizhchį́;

⁴¹Shálam éí Jekamáíyah há yizhchį́ áádóó Jekamáíyah éí Iilíshama há yizhchį́.

⁴²Áko Kéíleb éí Jíírahmíyel bił hajíí'áázh nilį́įgo Míísha alą́ąjį' há yizhchį́. Míísha éí Zif yizhé'é nilį́; Marííshah haye' éí Hííbran yizhé'é nilį́.

⁴³Áádóó Hííbran haye'ké kódaolyé: Kórah áádóó Tapúwah áádóó Rííkem índa Shííma.

⁴⁴Áádóó Shííma éí Réíham há yizhchį́, éí Jorkíyam yizhé'é nilį́. Áádóó Rííkem éí Shámeiyai há yizhchį́.

⁴⁵Shámeiyai éí Méíyan há yizhchį́; éí Béthzer yizhé'é nilį́.

⁴⁶Kéíleb be'asdzą́ą́ yíł'íní Íífah wolyéii éí Héíran áádóó Móza índa Géízez niyiishchį́, áádóó Héíran éí Géízez há yizhchį́.

⁴⁷Jahdéíyai dabiye'ké kódaolyé: Ríígem, Jótham, Gíísham, Píílet áádóó Íífah índa Shéíyaf.

⁴⁸Kéíleb be'asdzą́ą́ yíł'íní Méíyakah wolyéii éí Shííber áádóó Tirhánah yishchį́.

⁴⁹Shéíyaf ałdó' jishchį́įgo Madmánah yizhé'é nilį́, áádóó Shííva ałdó' jishchį́įgo Makbíínah áádóó Gíbiya yizhé'é nilį́. Áko Kéíleb bitsi' Éíksa wolyé.

⁵⁰Díí Kéíleb bits'ą́ą́dóó náás ahoolchíiłii danilį́. Her éí Éfratah alą́ąjį' há yizhchį́; náá'ákóne' Shóbal, éí Kírjath-jíyarim bizhé'é dzizlį́į́',

⁵¹áádóó Sálma ałdó' éí Béthlehem bizhé'é dzizlį́į́' índa Héíref ałdó' éí Beth-géíder bizhé'é dzizlį́į́'.

⁵²Shóbal éí Kírjath-jíyarim bizhé'é jílį́įgo náánáła' ałdó' haye'ké hólǫ́: ła' Haróweh wolyé, náánáła' Manéíhath dine'é ałníí'dóó ałdó' bizhé'é jílį́.

⁵³Kírjath-jíyarim ba'áłchíní ahoolchíiłii éí Íthra dine'é áádóó Púhai dine'é áádóó Shúmath dine'é índa Mish dine'é; díí éí Zórah bits'ą́ą́dóó dine'é índa Éshteiyal dine'é hazlį́į́'.

⁵⁴Sálma biye'ké éí Béthlehem dine'é áádóó Niitófah dine'é danilį́. Átarathgi Jó'ab ba'áłchíní náás ahideeshchį́ áádóó Manéíhath dine'é ałníí'dóó ła' índa Zórath dine'é éí Sálma bits'ą́ą́dóó ahidideeshchį́.

⁵⁵Áádóó naaltsoos ííł'íní ba'áłchíní éí Jéíbezgi kéédahat'íinii, éí Tírath dine'é, Shímiyath dine'é índa Súkath dine'é danilį́. Díí Rííkab dine'é éí bizhé'é Hámmath yę́ę bits'ą́ą́dóó Kííni dine'é náás ahoolchííł.