Read Navajo I CHRONICLES 24 Bible Online

I CHRONICLES 24 - Navajo bible

I CHRONICLES 24

¹Áko Éran biye'ké kót'éego ałts'ábi'dee'nil. Éran biye'ké Néídab, Abáíhu, Eliyéízar áádóó Íthamar daolyé.

²Nidi Néídab áádóó Abáíhu ba'áłchíní ádingo bizhé'é t'áá yítséedi neezná; éí bąą Eliyéízar áádóó Íthamar t'éiyá náá'iiłniihii nilį́.

³Áádóó David hániik'ehgo Eliyéízar ba'áłchíní ahoolchíiłii ła' Zéídak wolyéii índa Íthamar ba'áłchíní ahoolchíiłii ła' Ahímelek wolyéii náá'iiłniihii nilį́įgo binaanish dadooleełii bik'ehgo nidajil'a' doo biniyé nihonínil.

⁴Áko Íthamar ba'áłchíní ahoolchíiłii bitahdóó aláahgo bídahólníhígíí biláahgo Eliyéízar ba'áłchíní ahoolchíiłii bitahdóó aláahgo bídahólníihii alááh ánéelą́ą́', áádóó kót'éego ałts'áho'dee'nil. Dabizhé'é yę́ę ba'áłchíní náás ahoolchíiłii bik'ehgo Eliyéízar biye'ké bitahdóó hastą́'áadah yilt'éego aláahgo bídahólnííh áádóó Íthamar biye'ké bitahdóó tseebílt'éego aláahgo bídahólnííh.

⁵Áádóó yáá'iilt'e' bik'ehgo t'áá aheełt'éego ałts'áho'dee'nil, áko hodiyingo haz'ánígíí bee hódahólnííh áádóó Diyin God yá nidaal'a'í bee hódahólnííh; éí Eliyéízar biye'ké bitahdóó áádóó Íthamar biye'ké bitahdóó dajílį́.

⁶Áádóó aláahgo naat'áanii áádóó naat'áanii danilíinii, áádóó Zéídak náá'iiłniihii nilíinii, áádóó Abáíyathar biye' Ahímelek wolyéii áádóó nááda' iiłniihii índa Líívai dine'é dabizhé'é yę́ę ba'áłchíní náás ahoolchíiłii binanit'a'í nilíinii dabinááł Líívai dine'é Niithániyel biye' Shiiméíyah wolyéii naaltsoos ííł'íní nilį́įgo naaltsoos yikáá' ak'e'ashchį́; alą́ąjį' bídahólníihii éí Eliyéízar ba'áłchíní náás ahoolchíiłii bitahdóó ła' nídiiltį́, áádóó Íthamar ba'áłchíní náás ahoolchíiłii bitahdóó ałdó' ła' nídiiltį́.

⁷Áłtsé yáá'iilt'e'ígíí Jiihóíyarib bich'ijí ni'níkę́ę́z. Naaki góne' Jedéíyah bich'ijí ni'níkę́ę́z,

⁸táá' góne' Héírim bich'ijí ni'níkę́ę́z, dį́į́' góne' Siyórim bich'ijí ni'níkę́ę́z,

⁹ashdla' góne' Malkáíyah bich'ijí ni'níkę́ę́z, hastą́ą́h góne' Míjamin bich'ijí ni'níkę́ę́z,

¹⁰tsosts'id góne' Hákaz bich'ijí ni'níkę́ę́z, tseebíí góne' Abáíjah bich'ijí ni'níkę́ę́z,

¹¹náhást'éí góne' Jéshuwa bich'ijí ni'níkę́ę́z, neeznáá góne' Shekanáíyah bich'ijí ni'níkę́ę́z,

¹²ła'ts'áadah góne' Iiláíyashib bich'ijí ni'níkę́ę́z, naakits'áadah góne' Jéíkim bich'ijí ni'níkę́ę́z,

¹³táá'ts'áadah góne' Háppah bich'ijí ni'níkę́ę́z, dį́į́'ts'áadah góne' Jiishébiyab bich'ijí ni'níkę́ę́z,

¹⁴ashdla'áadah góne' Bílgah bich'ijí ni'níkę́ę́z, hastą́'áadah góne' Ímer bich'ijí ni'níkę́ę́z,

¹⁵tsosts'idts'áadah góne' Híízer bich'ijí ni'níkę́ę́z, tseebííts'áadah góne' Áfsiiz bich'ijí ni'níkę́ę́z,

¹⁶náhást'éíts'áadah góne' Pethaháíyah bich'ijí ni'níkę́ę́z, naadiin góne' Jiihéziikel bich'ijí ni'níkę́ę́z,

¹⁷naadiin ła' góne' Jéíkin bich'ijí ni'níkę́ę́z, naadiin naaki góne' Géímal bich'ijí ni'níkę́ę́z,

¹⁸naadiin táá' góne' Diiléíyah bich'ijí ni'níkę́ę́z, naadiin dį́į́' góne' Meiyazáíyah bich'ijí ni'níkę́ę́z.

¹⁹Díí éí kót'éego Bóhólníihii bikin bii' sohodizin góne' binaanish dadooleełii biniyé ałkéé' niho'dee'nil. Ízrel dine'é biBóhólníihii Diyin God éí Éran hazhé'é nilíinii bich'į' yee haadzíi'ii bik'ehgo dajíkáah dooleeł.

²⁰Áádóó díí Líívai dine'é ła'ígíí éí biye'ké ádaat'į́. Ámram biye'ké bitahdóó Shiibúwel wolyé; Shiibúwel biye'ké bitahdóó Jedíyah wolyé.

²¹Riihabáíyah biye'ké bitahdóó Aisháíyah alą́ąjį' sizį́.

²²Ízxar biye'ké bitahdóó Shiilómith wolyé; Shiilómith biye'ké bitahdóó Jéíhath wolyé.

²³Hííbran biye'ké bitahdóó Jiiráíyah alą́ąjį' naaghá, Amaráíyah naaki góne' naaghá, Jahéíziyel táá' góne' naaghá, Jékamiyam dį́į́' góne' naaghá.

²⁴Áádóó Azáíyel biye'ké bitahdóó Máíkah wolyé; Máíkah biye'ké bitahdóó Shéímer wolyé.

²⁵Máíkah bik'is Aisháíyah wolyéii biye'ké bitahdóó Zekaráíyah wolyé.

²⁶Miirárai biye'ké Málai áádóó Múshai wolyé. Jeiyazáíyah biye'ké bitahdóó Bííno wolyé.

²⁷Miirárai dine'é, Jeiyazáíyah nilíinii biye'ké Bííno, Shóham, Záker índa Íbrai daolyé.

²⁸Málai biye' Eliyéízar wolyéii biye'ké doo ła' hólǫ́ǫ da.

²⁹Kish bił áhoot'éii, Kish biye' Jíírahmíyel wolyé.

³⁰Múshai biye'ké ałdó' Málai, Ííder índa Jériimath daolyé. Díí éí Líívai dine'é biye'ké dabizhé'é yę́ę bits'ą́ą́dóó náás oochíiłii bik'ehgo bízhi' ałkéé' nii'nil.

³¹Aláahgo naat'áanii David áádóó Zéídak áádóó Ahímelek índa nááda'iiłniihii áádóó Líívai dine'é dabizhé'é yę́ę aląąjį' naazíinii danilį́įgo dabinááł da'azhé'é yę́ę aląąjį' naazíinii danilį́įgo éí dabitsilíké Éran biye'ké danilį́įgo yáá'iilt'e' yaa naaskaígíigi át'éego baa nidziskai.