Read Navajo I CHRONICLES 26 Bible Online

I CHRONICLES 26 - Navajo bible

I CHRONICLES 26

¹Yah a'atiin yaa ádahalyą́ą doo biniyé hatah hoolzhishígíí kódaolyé: Kórah dine'é nilíinii Éísaf biye' Kórii wolyéii biye' Miisheliimáíyah wolyé.

²Miisheliimáíyah biye'ké bitahdóó alą́ąjį' yizhchínígíí Zekaráíyah wolyé, naaki góne' yizhchínígíí Jedáíyeiyel wolyé, tá'á góne' yizhchínígíí Zebedáíyah wolyé, dį́'í góne' yizhchínígíí Játhniyel wolyé,

³ashdla' góne' yizhchínígíí Íílam wolyé, hastání góne' yizhchínígíí Jiihohéínan wolyé áádóó tsosts'idí góne' yizhchínígíí Íílaiyowíínai wolyé.

⁴Áádóó ałdó' Óbed-íídam biye'ké bitahdóó Shiiméíyah wolyéii alą́ąjį' yizhchį́, akéé' góne' yizhchínígíí Jiihózabad wolyé, tá'á góne' yizhchínígíí Jó'ah wolyé, dį́'í góne' yizhchínígíí Séíkar wolyé, ashdla' góne' yizhchínígíí Niithániyel wolyé,

⁵hastání góne' yizhchínígíí Ámiyel wolyé, tsosts'id góne' yizhchínígíí Ísakar wolyé áádóó tseebíí góne' yizhchínígíí Piiyólthai wolyé; jó, Diyin God hak'ijisdli'.

⁶Áádóó ałdó' haye' Shiiméíyah wolyéii biye'ké neheezhchínígíí bizhé'é yę́ę ba'áłchíní náás da'ahílchíihii yee bídahólnííh, háálá diné dahayóii áádóó doo nídanilyéesii danilį́.

⁷Shiiméíyah biye'ké Áthnai, Ríífeiyel, Óbed índa Elzéíbad daolyéii; bik'is Iiláíhu áádóó Semakáíyah wolyéii diné ayóó ábóodziilii danilį́.

⁸Díí Óbed-íídam haye'ké áádóó haye'ké dabiye'ké índa dabik'isóó danilíinii t'áá ałtso diné dabidziilii áádóó naanish yídaneel'áanii hastą́diindóó ba'aan naaki ánéelą́ą'go Óbed-íídam ba'ałk'eedóó ádaat'į́.

⁹Miisheliimáíyah biye'ké áádóó bik'isóó danilíinii diné bidziilii danilį́įgo tseebííts'áadah yilt'é.

¹⁰Áádóó Miirárai ba'ałk'eedóó Hósah wolyéii biye'ké hólǫ́. Shímrai aláahgo bóhólnííh. Éí doo átsé yizhchíinii nilį́į da, nidi bizhé'é aláahgo bóhólníihgo ábiilaa.

¹¹Naaki góne' Hilkáíyah bóhólnííh, táá' góne' Tiibaláíyah bóhólnííh áádóó dį́į́' góne' Zekaráíyah bóhólnííh. Áko Hósah biye'ké índa bik'isóó t'áá ałtsogo táá'ts'áadah yilt'é.

¹²Yah a'atiin baa ádahojilyáanii díí hatahdóó hatah hoolzhishgo aláahgo bídahólníihii ałkéé' has'nilgo ałk'isóó dajídlį́įgo Bóhólníihii bikin bii' sohodizin biyah a'atiingi hada'jisíidgo nidajilnish.

¹³Áádóó dabizhé'é yę́ę ba'ałk'eedóó danilíinii bik'ehgo a'ohgo ádaat'éii áádóó ayóó ádaat'éii t'áá aheełt'éego t'áá yah ada'iiztiinígi ła' baa ádahojilyą́ą doo biniyé yáá'iilt'e' yaa naaskai.

¹⁴Áádóó ha'a'aahjigo biniyé yáá'iilt'e'ígíí Shelemáíyah bich'ijí ni'níkę́ę́z. Áko biye' Zekaráíyah hóyą́ągo kót'é nínígíí nilį́įgo yáá'iilt'e' yá yaa naaskaigo náhookǫsjigo bá ni'níkę́ę́z.

¹⁵Óbed-íídam éí shádi'áahjigo bá ni'níkę́ę́z, áádóó kin bii' nooh ná'áchíihii yaa ádahalyą́ą dooígíí biye'ké bich'ijí ni'níkę́ę́z.

¹⁶Sháppim áádóó Hósah éí e'e'aahjigo bá ni'níkę́ę́z; yah a'atiin Sháleketh hoolyéiidóó dego atiiníjį' ałkéé' ha'asíid doo.

¹⁷Ha'a'aahjigo Líívai dine'é hastą́lt'é hada'asííd índa náhookǫsjigo dį́lt'é hada'asíidgo aná'át'ááh; shádi'áahjigo dį́lt'é hada'asíidgo aná'át'ááh áádóó kin bii' nooh ná'áchíihii bich'į'go nidilt'éego áádóó ła' nináádílt'éego hada'asííd.

¹⁸E'e'aahjigo yah a'atiinígíí Párbar hoolyéegi nidilt'éego ha'asííd áádóó dego atiiníjį' dį́lt'é hada'asííd.

¹⁹Díí Kórii biye'ké áádóó Miirárai biye'ké bitahdóó yah ada'iiztiin yaa ádahalyą́ą dooígíí bitah hahodiilzhiizhii ádaat'į́.

²⁰Áádóó Líívai dine'é bitahdóó Aháíjah éí Diyin God bikin bii' sohodizin góne' yódí da'ílíinii índa chodao'íinii dadílyinii baa áhojilyą́.

²¹Gérshan dine'é biye'ké bitahdóó Léíyadan biye'ké ła' Jiiháíyelai wolyé. Jiiháíyelai biye'ké éí azhé'é aláahgo bídahólníihii danilį́.

²²Jiiháíyelai biye'ké Zíítham áádóó Jówel éí Bóhólníihii bikin bii' sohodizin góne' yódí da'ílíinii bee bóhólnííh nít'éé'.

²³Ámram dine'é áádóó Ízxar dine'é áádóó Hííbran kin haal'áádę́ę́' dine'é índa Azáíyel dine'é ałdó' nidaal'a'.

²⁴Mózes biye' Gérsham wolyé. Gérsham biye' Shiibúwel éí yódí da'ílíinii yee bóhólníihii nilį́.

²⁵Eliyíízer bits'ą́ą́dóó ahidideeshchíinii hak'isóó danilį́. Eliyíízer biye' Riihabáíyah wolyé. Riihabáíyah biye' Jiiséíyah wolyé. Jiiséíyah biye' Jóram wolyé. Jóram biye' Zíkrai wolyé. Zíkrai biye' Shiilómith wolyé.

²⁶Díí Shiilómith áádóó bik'isóó danilíinii yódí da'ílíinii diyingo nidadeest'áanii yaa ádahalyą́. Aláahgo naat'áanii David áádóó azhé'é yę́ę aláahgo bídahólníihii áádóó siláo mííl daníjaa'ii áádóó siláo neeznádiin daníjaa'ii índa siláo dah deínéehii bindanit'a'í danilíinii yódí da'ílíinii diyingo nidadeest'áanii Bóhólníihii yaa nídeideez'ą́.

²⁷Anaa' bits'ą́ą́dóó naalye'é daasnáanii éí Bóhólníihii bikin bii' sohodizingi chodao'į́į doo biniyé deidíłyingo Bóhólníihii yaa nídeideez'ą́.

²⁸Sámuel náásgóó áhodoonííł yaa halne'ii áádóó Kish biye' Saul áádóó Ner biye' Ábner áádóó Zerowáíyah biyáázh Jó'ab índa t'áá háiida t'áadoo le'é diyingo nideideez'áanii t'áá ałtso éí Shiilómith áádóó bik'isóó danilíinii bee bídahólnííh nít'éé'.

²⁹Ízxar dine'é bitahdóó Kenanáíyah áádóó biye'ké éí t'áá sahdii naanish Ízrel dine'é bitahdi hódahólnííh nít'éé' índa ándahozhdii'aah nít'éé'.

³⁰Hííbran kin haal'áádóó dine'é bitahdóó Hashabáíyah áádóó bik'isóó éí diné doo nídanilyéesii danilį́įgo t'ááłáhídi mííldóó ba'aan tsosts'idi neeznádiin ánéelą́ą́'. Jórdan tooh nílínídóó e'e'aahjigo Bóhólníihii bá Ízrel dine'é bídahólnííh nít'éé' áádóó aláahgo naat'áanii yá nidaal'a' nít'éé'.

³¹Hííbran kin haal'áádóó dine'é bitahdóó dabizhé'é yę́ę ba'áłchíní náás da'ahílchíhígíí bik'ehgo Jiiráíyah aláahgo bóhólnííh. David aláahgo naat'áanii nilį́įgo dízdiin náhááh góne' Hííbran kin haal'áádóó dine'é bitahdóó bíká da'neestą́ą'go Gíliyad kéyahgi Jéízer kin haal'áhídi diné dahayóii áádóó doo nídanilyéesii bik'ídazneeztą́ą́'.

³²Áádóó bik'isóó diné doo nídanilyéesii danilį́įgo naakidi mííldóó ba'aan tsosts'idi neeznádiin ánéelą́ą́'. Azhé'é aláahgo bídahólníihii danilíinii David aláahgo naat'áanii nilíinii Rúben dine'é áádóó Géed dine'é índa Manáseh dine'é ałníí'dóóígíí Diyin God bídéét'i'ii áádóó aláahgo naat'áanii bídéét'i'ii bindazhnit'áago bee hódahólníihgo ádahoolaa.