Read Navajo I CHRONICLES 3 Bible Online

I CHRONICLES 3 - Navajo bible

I CHRONICLES 3

¹Jó, Hííbrangi David haye'ké há neheezhchį́; Jézriyeldóó asdzání Ahínowam wolyéii éí Ámnan átsé há yishchį́; Kármeldóó asdzání Ábigeil wolyéii éí naaki góne' Daniel há yishchį́,

²áádóó Gíísherdóó aláahgo naat'áanii Tálmai wolyéii bitsi' Méíyakah éí táá' góne' Ábsalam há yishchį́, índa Hágith éí dį́į́' góne' Adonáíjah há yishchį́.

³Abáítal éí ashdla' góne' Shefatáíyah há yishchį́ áádóó hwe'asdzą́ą́ Églah éí hastą́ą́h góne' Íthriyam há yishchį́.

⁴Díí Hííbrangi haye'ké hastą́lt'éego neheezhchį́; áadi tsosts'id nááhaidóó hastą́ą́h nídeezidjį' nazhnit'áá nít'éé', áádóó Jerúsalemgi nazhnit'áago tádiindóó ba'aan táá' nááhai.

⁵Áko Jerúsalemgi díí ashiiké há neheezhchį́; Shamúwa áádóó Shóbab áádóó Néíthan índa Sálaman díí dį́į'go éí Ámiyel bitsi' Bath-shííba há niyiishchį́.

⁶Íbhar ałdó' áádóó Iilíshuwa áádóó Iilífalet

⁷áádóó Nógah áádóó Níífeg áádóó Jafáíya

⁸áádóó Iilíshama áádóó Iiláíyada índa Iilífalet, díí náhást'éigo há neheezhchį́.

⁹Díí t'áá ałtso David biye'ké danilį́, áádóó bilah t'éí t'ááłá'í éí Téímar wolyé. Hwe'asdzą́ą́ dajíł'íní ałdó' biyáázhké dahólǫ́.

¹⁰Áádóó Sálaman biye' Riihobówam wolyé; Riihobówam biye' Abáíjah wolyé; Abáíjah biye' Éísa wolyé; Éísa biye' Jiiháshafat wolyé;

¹¹Jiiháshafat biye' Jóram wolyé; Jóram biye' Eihazáíyah wolyé; Eihazáíyah biye' Jó'ash wolyé;

¹²Jó'ash biye' Amazáíyah wolyé; Amazáíyah biye' Azaráíyah wolyé; Azaráíyah biye' Jótham wolyé;

¹³Jótham biye' Éíhaz wolyé; Éíhaz biye' Heziikáíyah wolyé; Heziikáíyah biye' Manáseh wolyé;

¹⁴Manáseh biye' Éíman wolyé índa Éíman biye' Josáíyah wolyé.

¹⁵Áádóó Josáíyah biye'ké éí alą́ąjį'ígíí Johéínan; naaki góne'ígíí Jiihóíyakim, táá' góne'ígíí éí Zedekáíyah índa dį́į́' góne'ígíí éí Shálam.

¹⁶Jiihóíyakim biye' Jekonáíyah wolyé; Jekonáíyah biye' Zedekáíyah wolyé.

¹⁷Áádóó Jekonáíyah yisnááh nilíinii biye'ké éí Saléíthiyel,

¹⁸Malkáíram, Piidéíyah, Shiinázar, Jekamáíyah, Hóshama índa Nedabáíyah daolyé.

¹⁹Piidéíyah biye'ké Zerábabel índa Shímiyai wolyé, áádóó Zerábabel biye'ké Miishálam índa Hananáíyah wolyé; éí bideezhí hólǫ́ǫgo Shiilómith wolyé.

²⁰Áádóó náánáła' díí ashdlalt'éego Hashóbah, Óhel, Berakáíyah, Hasadéíyah índa Jóshab-híísed daolyé.

²¹Hananáíyah biye'ké Pelatáíyah áádóó Jiiséíyah wolyé; Riifáíyah biye'ké, Árnan biye'ké, Obadáíyah biye'ké, Shekanáíyah biye'ké.

²²Áádóó Shekanáíyah biye' Shiiméíyah wolyé. Hátash, Áígeiyel, Baráíyah, Niyaráíyah índa Shéífat éí Shiiméíyah haye'ké danilį́įgo bił hastą́jílt'é.

²³Niyaráíyah biye'ké tált'éego éí Íílaiyowíínai áádóó Heziikáíyah índa Ázrikam daolyé.

²⁴Áádóó Íílaiyowíínai biye'ké tsosts'id éí Hodéíyah, Iiláíyashib, Piiláíyah, Ákab, Johéínan, Diiléíyah índa Anéínai daolyé.