Read Navajo I CHRONICLES 7 Bible Online

I CHRONICLES 7 - Navajo bible

I CHRONICLES 7

¹Ísakar biye'ké dį́lt'é; éí Tóla, Púwa, Jéíshab índa Shímran daolyé.

²Tóla biye'ké éí Ázai, Riifáíyah, Jííriyel, Jáhmeiyai, Jíbsam índa Shému'el daolyé. Tóla azhé'é nilíinii ba'áłchíní náás da'ahílchíihii yá aląąjį' naazíinii, diné bidziilii áádóó doo nídanilyéesii danilį́. David bíyoołkááł yę́ędą́ą́' bi'déélta'go naadiin naakidi mííldóó ba'aan hastą́ądi neeznádiin ánéelą́ą́'.

³Ázai biye' Izraháíyah wolyé; Izraháíyah biye'ké Máíkel, Obadáíyah, Jówel índa Aisháíyah daolyé. Díí ashdlalt'éego aląąjį' naazíinii danilį́.

⁴Dahazhé'é yę́ę bits'ą́ą́dóó ahii' háá'ahiyoolchíiłii éí hasiláo hoł dah deínéhígíí tádiindóó ba'aan hastą́ądi mííl ánéelą́ą́', háálá bida'asdzą́ą́ áádóó bada'áłchíní t'óó adahayóí nít'éé'.

⁵Hak'isóó danilíinii Ísakar ba'áłchíní bitahdóó diné bidziilii áádóó doo nídanilyéesii danilį́, éí ahii' háá'ahiyoolchíiłii bi'déélta'go tseebídiindóó ba'aan tsosts'idi mííl ánéelą́ą́'.

⁶Bénjamin biye'ké tált'é éí Bíílah, Bííker índa Jedáíyeiyel daolyé.

⁷Bíílah biye'ké éí Ézban, Ázai, Azáíyel, Jériimath índa Ir daolyé. Díí ashdlalt'éego da'azhé'é yę́ę ba'áłchíní náás da'ahílchíihii yá aląąjį' naazíinii, diné bidziilii áádóó doo nídanilyéesii ahii' háá'ahiyoolchíiłii bi'déélta'go naadiin naakidi mííldóó ba'aan tádiindóó ba'aan dį́į́' ánéelą́ą́'.

⁸Bííker biye'ké Ziimáíra, Jó'ash, Eliyíízer, Íílaiyowíínai, Ámrii, Jériimath, Abáíjah, Ánathath índa Álemeth daolyé. Díí t'áá ałtso Bííker biye'ké danilį́.

⁹Dahazhé'é yę́ę ba'áłchíní náás da'ahílchíihii yá aląąjį' naazíinii, diné bidziilii áádóó doo nídanilyéesii ahii' háá'ahiyoolchíiłii bi'déélta'go naadiindi mííldóó ba'aan naakidi neeznádiin ánéelą́ą́'.

¹⁰Jedáíyeiyel biye' éí Bílhan wolyé. Bílhan biye'ké Jíí'ash, Bénjamin, Ííhad, Kiinéíyanah, Zííthan, Társhish índa Ahíshahar daolyé.

¹¹Díí t'áá ałtso Jedáíyeiyel biye' bee binálíké ádaat'į́. Dahazhé'é yę́ę ba'áłchíní náás da'ahílchíihii yá aląąjį' naazíinii, diné bidziilii áádóó doo nídanilyéesii anaa'góó dadookahgo yídaneel'ánígíí bi'déélta'go tsosts'idi mííldóó ba'aan naakidi neeznádiin ánéelą́ą́'.

¹²Ir biye'ké Sháppim índa Háppim wolyé; Éíher biye' Húshim wolyé.

¹³Náftalai biye'ké Jáhziyel, Gúnai, Jíízer índa Shálam daolyé; éí Bílhah binálíké danilį́.

¹⁴Manáseh biye' Ásriyel joolyéii Áram dine'é ła' hazhé'é be'asdzą́ą́ yíł'íní hashchį́. Méíkir ałdó' yishchį́; éí Gíliyad dine'é yizhé'é nilį́į́ nít'éé'.

¹⁵Áádóó Méíkir éí Háppim áádóó Sháppim bilah Méíyakah wolyéego hwe'asdzą́ą doo biniyé nízhdiiłtį́. Naaki góne' haye' silį́'ígíí Ziilófehad wolyé, áádóó Ziilófehad bitsi'ké t'éí hólǫ́.

¹⁶Méíkir be'asdzą́ą́ Méíyakah wolyéii ashkii yishchį́įgo Pííresh yee yiyíízhi', áádóó bik'is Shííresh wolyé. Shííresh biye'ké Yúlam áádóó Réíkem wolyé.

¹⁷Yúlam biye' Bíídan wolyé. Díí Gíliyad biye'ké ádaat'į́. Méíkir biye' Gíliyad wolyé áádóó Manáseh biye' Méíkir wolyé.

¹⁸Áádóó Gíliyad bilah Hamolííketh wolyéego éí Áíshad, Éíbiyíízer índa Mahéílah niyiishchį́.

¹⁹Shiimáídah biye'ké éí Aháíyan, Shííkem, Líkhai índa Anáíyam daolyé.

²⁰Íífreiyim biye' Shuthíílah wolyé, Shuthíílah biye' Bííred wolyé, Bííred biye' Téíhath wolyé, Téíhath biye' Éladah wolyé, Éladah biye' Téíhath wolyé,

²¹Téíhath biye' Zéíbad wolyé, Zéíbad biye' Shuthíílah wolyé áádóó Shuthíílah biye'ké nidilt'éego Íízer índa Éliyad éí Gathgi nidahaazhchínígíí bibéégashii beezhni'įįh biniyé ákwii niji'aashgo nidahastseed.

²²Nít'éé' hazhé'é Íífreiyim haa yínííł nilį́įgo atínídindleehgo lą'í yiską́, áádóó hak'isóó hak'i dahałta' doo biniyé haa haaskai.

²³Áko Íífreiyim be'asdzą́ą́ yił neezhtéezhgo be'asdzą́ą́ i'niiltsąądgo ashkii yishchį́ áádóó Biiráíyah yee yiyíízhi', háálá hak'éí danilíinii doo yá'át'éehii bik'i hoole'.

²⁴(Hatsi' éí Shíírah wolyéii Beth-hóran hoolyéego wódahdi áádóó wóyahdi kin haal'áhígíí índa Ázzen-shíírah kin haal'áhígíí áyiilaa.)

²⁵Áádóó Biiráíyah biye' Ríífah wolyé, Ríífah biye' Rííshef wolyé, Rííshef biye' Tíílah wolyé índa Tíílah biye' Téíhan wolyé,

²⁶Téíhan biye' Léíyadan wolyé áádóó Léíyadan biye' Amáíhad wolyé índa Amáíhad biye' Iilíshama wolyé

²⁷áádóó Iilíshama biye' Nan wolyé índa Nan biye' Jáshowa wolyé.

²⁸Bikédaayah áádóó kéédahat'ínígi éí Béthel hoolyéego kin haal'á áádóó binaagóó kin naazhjaa' nít'éé', áádóó ha'a'aahjigo Néíyaran hoolyéego kin shijaa' áádóó e'e'aahjigo Gíízer hoolyéego kin haal'á áádóó binaagóó kin naazhjaa' nít'éé', áádóó Shííkem hoolyéego kin haal'á áádóó binaagóó kin naazhjaa' nít'éé' índa Géíza hoolyéego kin haal'á áádóó binaagóó kin naazhjaa' nít'éé'.

²⁹Manáseh dine'é bikéyah hoodzooígíí bíighahgóó ałdó', Beth-shíyan hoolyéego kin haal'á áádóó binaagóó kin naazhjaa' nít'éé', Téíyanak hoolyéego kin haal'á áádóó binaagóó kin naazhjaa' nít'éé', Megído hoolyéego kin haal'á áádóó binaagóó kin naazhjaa' nít'éé', Dor hoolyéego kin haal'á índa binaagóó kin naazhjaa' nít'éé'. Ákǫ́ǫ́ Ízrel biye' Jóseph wolyéii biye'ké náás da'ahílchíihii kéédahat'į́į́ nít'éé'.

³⁰Ásher biye'ké Ímnah, Íshowah, Íshowai áádóó Biiráíyah daolyé índa bitsi' Síírah wolyé.

³¹Biiráíyah biye'ké éí Hííber índa Málkiyel wolyé. Málkiyel éí Birzéívith yizhé'é nilį́.

³²Hííber éí Jáflet, Shéímer áádóó Hótham há neheezhchį́ índa hatsi' Shúwa há yizhchį́.

³³Jáflet biye'ké Péísak, Bímhal índa Áshvath daolyé. Díí éí Jáflet ba'áłchíní ádaat'į́.

³⁴Shéímer biye'ké Éíhai, Róhgah, Jiihábah índa Áram daolyé.

³⁵Hak'is Héílam biye'ké Zófah, Ímna, Shíílesh índa Éímal daolyé.

³⁶Zófah biye'ké Súwah, Hárnefer, Shúwal, Bérai, Ímrah,

³⁷Bíízer, Had, Shámma, Shílshah, Íthran índa Biyéra daolyé.

³⁸Jííther biye'ké Jiifáneh, Píspah índa Éíra daolyé.

³⁹Álla biye'ké Éíra, Hániyel índa Riizáíyah daolyé.

⁴⁰Díí t'áá ałtso Ásher ba'áłchíní náás da'ahílchíihii da'azhé'é yę́ę ba'áłchíní náás ahoolchíiłii yá aląąjį' naazíinii, diné bidziilii áádóó doo nídanilyéésgóó bitahaasdláa'ii danilį́ índa naat'áanii nida'a'eeshii danilį́. Éí dabízhi' bik'inídaháasdzoh áádóó anaa' biniyé hasht'e'ádadólzinii bi'déélta'go naadiin hastą́ądi mííl ánéelą́ą́'.