Read Navajo I CHRONICLES 9 Bible Online

I CHRONICLES 9 - Navajo bible

I CHRONICLES 9

¹Áko Ízrel dine'é t'áá ádzíłtso ahii' háá'ahijiyoolchíiłii haa dahane'go Ízrel dine'é áádóó Júdah dine'é aláahgo binanit'a'í binaaltsoos bik'inídaháasdzo. Ízrel dine'é áádóó Júdah dine'é bee haz'áanii nidayiizti'ígíí bąą Bábilangóó abidi'noolkaad.

²Ízrel dine'é binááda'iiłniihii áádóó Líívai dine'é índa níbaal bii' hodílzinii yindaalte'ii Néthinim wolyéii bikéyahgi bikin hadaas'áago bí átsé ákwii ninádahaasná.

³Áko Júdah dine'é áádóó Bénjamin dine'é áádóó Íífreiyim dine'é índa Manáseh dine'é ła' Jerúsalemgi kéédahat'į́.

⁴Amáíhad biye' Yúthai wolyé, Ámrai biye' Amáíhad wolyé, Ímrai biye' Ámrai wolyé éí Júdah biye' Píírez ba'áłchíní náás ahoolchíiłii ła' Béínai biye' Ímrai wolyé.

⁵Áádóó Sháíloh kin haal'áádóó dine'é nilíinii Aséíyah alą́ąjį' bi'dizhchínígíí índa biye'ké

⁶áádóó Zíírah biye'ké ła' Jiyúwel wolyéii áádóó bik'isóó danilíinii éí hastą́ądi neeznádiindóó ba'aan náhást'édiin ánéelą́ą́'.

⁷Bénjamin biye'ké náás ahoolchíiłii ła' Miishálam biye' Séílu wolyé. Séílu biye' Hodaváíyah wolyé. Hodaváíyah biye' Hasiinúwah wolyé.

⁸Áádóó Jiiróham biye' Ibnáíyah wolyé índa Ázai biye' Íílah wolyé, Íílah biye' Míkrai wolyé áádóó Shefatáíyah biye' Miishálam wolyé, Miishálam biye' Rúwel wolyé áádóó Rúwel biye' Ibnáíjah wolyé

⁹áádóó dabik'isóó náás da'ahílchíihii bik'ehgo dabi'déélta'go náhást'éidi neeznádiindóó ba'aan ashdladiindóó ba'aan hastą́ą́h ánéelą́ą́'. Díí t'áá ałtso dabizhé'é yę́ę ba'áłchíní náás ahoolchíiłii yá aląąjį' naazíinii danilį́.

¹⁰Áádóó díí éí nááda'iiłniihii danilį́į́ nít'éé': Jedéíyah áádóó Jiihóíyarib índa Jéíkin daolyéii

¹¹áádóó Diyin God bikin bii' sohodizin bee bóhólníihii Azaráíyah éí bizhé'é Hilkáíyah wolyé, Hilkáíyah bizhé'é Miishálam wolyé, Miishálam bizhé'é Zéídak wolyé, Zéídak bizhé'é Miiréíyath wolyé índa Miiréíyath bizhé'é Aháítab wolyé.

¹²Áádóó Adéíyah wolyéii éí bizhé'é Jiiróham wolyé, Jiiróham bizhé'é Pásher wolyé, Pásher bizhé'é Malkáíjah wolyé áádóó Meiyasíyai bizhé'é Éídiyel wolyé. Éídiyel bizhé'é Jázerah wolyé, Jázerah bizhé'é Miishálam wolyé, Miishálam bizhé'é Miishíliimath wolyé índa Miishíliimath bizhé'é Ímer wolyé.

¹³Dabik'isóó ałdó' éí dabizhé'é yę́ę ba'áłchíní náás da'ahílchíihii yá aląąjį' naazíinii danilį́įgo Diyin God bikin bii' sohodizingi t'áá íiyisí yídaneel'ą́ągo chodao'ínígíí bi'déélta'go t'ááłáhídi mííldóó ba'aan tsosts'idi neeznádiindóó ba'aan hastą́diin ánéelą́ą́'.

¹⁴Díí Líívai dine'é danilį́: Shiiméíyah wolyéii éí bizhé'é Háshab wolyé, Háshab bizhé'é Ázrikam wolyé, Ázrikam bizhé'é Hashabáíyah wolyé, Hashabáíyah éí Miirárai biye'ké náás ahoolchíiłii ła' nilį́

¹⁵áádóó Bakbákar, Hííresh, Géílal índa Máíkah biye' Matanáíyah; Máíkah bizhé'é Zíkrai wolyé, Zíkrai bizhé'é Éísaf wolyé

¹⁶áádóó Obadáíyah wolyéii éí bizhé'é Shiimáíyah wolyé, Shiimáíyah bizhé'é Géílal wolyé, Géílal bizhé'é Jedúthan wolyé índa Berakáíyah wolyéii éí bizhé'é Éísaf wolyé, Éísaf bizhé'é Elkéínah wolyé; éí Niitófahdóó dine'é bikin naazhjaa'ígi kééhat'į́į́ nít'éé'.

¹⁷Díí éí yah a'atiingi yaa ádahalyáanii danilį́: Shálam, Ákab, Tálman índa Aháíman dabik'isóó t'áá bił. Shálam éí alą́ąjį' bóhólnííh.

¹⁸Aláahgo naat'áanii bich'į' ha'a'aahjigo yah a'atiinígi yaa ádahalyą́ą́ nít'éé', nidi k'ad Líívai dine'é kéédahat'ínígi yah ada'iiztiingi yaa ádahalyą́.

¹⁹Áádóó Shálam wolyéii éí bizhé'é Kórii wolyé, Kórii bizhé'é Iibáíyasaf wolyé, Iibáíyasaf bizhé'é Kórah wolyé áádóó Shálam bik'isóó éí Kórah dine'é danilį́įgo níbaal bii' hodílzinii yii' nidaalnishgo yee bídahólnííh áádóó yah ada'iiztiinígi yaa ádahalyą́. Dabizhé'é yę́ę éí Bóhólníihii bidine'é dah yinééł bee bídahólnííh áádóó Bóhólníihii biníbaal bii' hodílzinii yah a'atiingi yaa ádahalyą́ą́ nít'éé'.

²⁰Áádóó Eliyéízar biye' Fíniyas wolyéii hananit'a'í nilį́įgo Bóhólníihii bił hólǫ́ǫ́ nít'éé'.

²¹Miisheliimáíyah biye' Zekaráíyah wolyéii níbaal bii' dahozdísinii bii' áłah ná'ádleehgi yah a'atiinígi yaa áhályą́ą́ nít'ę́ę́'.

²²Díí yah ada'aztiinígi yaa ádahalyą́ą doo biniyé nídabidiisdlá'ígíí t'áá ałtsogo naakidi neeznádiindóó ba'aan naakits'áadah ánéelą́ą́'. Hakin naazhjaa'góó éí dahazhé'é yę́ę bits'ą́ą́dóó da'ahijílchíihii házhi' naaltsoos bik'idaasdzoh. David áádóó Sámuel joolyéii áhodoonííł baa hojilne'ii hada'ahódlíigo hondaanish danilíinii bich'į' nihodee'nil.

²³Áko bí áádóó biye'ké éí Bóhólníihii bikin bii' sohodizin t'áá éí níbaal bii' hodílzinii wolyéego yah a'atiinígi yaa ádahalyáanii danilį́.

²⁴Díí dį́į́'dę́ę'go, ha'a'aahjigo, e'e'aahjigo, náhookǫsjigo índa shádi'áahjigo yah ada'aztiinígi yaa ádahalyáanii danilį́.

²⁵Áádóó tsosts'id néílkáahjį' bik'éí bikin naazhjaa'dę́ę́' yaa nídaakahgo yíká anájahgo hoolzhish.

²⁶Háálá díí Líívai dine'é dį́lt'éhígíí yah ada'aztiin yaa ádahalyáanii yá aląąjį' naazíinii éí Diyin God bikin bii' sohodizin biyi' nahaz'ánígíí áádóó yódí bá dahooghanígíí yaa ádahalyą́.

²⁷Áádóó Diyin God bikin bii' sohodizin binaagóó dazhnijah, háálá baa ádahojilyánígíí bee hódahólnííh, índa abínígo aańdazhditį́įhgo bee hódahólnííh.

²⁸Ła' éí t'áá ha'át'íhída chodao'ínígíí yah anáhájáahgo áádóó índa ch'éhéjáahgo nídajóltahgi bee hódahólnííh.

²⁹Náánáła' éí kin bii' sohodizin bibeedí, diyingo chodao'íinii t'áá ałtso áádóó ak'áán áádóó wáin áádóó ak'ah áádóó tsin bijeeh łikání halchinii fránkinsens wolyéii índa spáis wolyéii yaa ádahalyą́ą doo biniyé nibi'dee'nil.

³⁰Náánáła' náá'iiłniihii biye' danilíinii éí spáis wolyéii ak'ah bee alyį́įhii ałtah nídeidzi'.

³¹Áádóó Líívai dine'é ła' Matitháíyah wolyéii éí Kórah dine'é nilíinii Shálam wolyéii alą́ąjį' bá ho'dizhchį́. T'áá da'níłtah át'éego bee aná'ákáhí bii' daazt'éii bee hóhólnííh nít'éé'.

³²Náánáła' bik'éí éí Kóhath dine'é danilíinii t'áá háá'áyį́į́h jį́ ná'ádleeh bik'eh Diyin God bich'į' bááh nááhániihii hasht'éédayiil'įįh nít'éé'.

³³Díí éí Líívai dine'é dabizhé'é yę́ę ba'áłchíní náás ahoolchíiłii yá aląąjį' naazíinii sin yee dahataałii danilį́; wóne'é t'éí nidaakaigo doo ha'át'íhída yaa nidaakai da, háálá jį́įgoda índa tł'ée'goda t'éí chodajoo'į́.

³⁴Díí Líívai dine'é dabizhé'é yę́ę ba'áłchíní ahii' háá'ahiyoolchíiłgo aląąjį' naazíinii Jerúsalemgi kéédahat'į́į́ nít'éé'.

³⁵Gíbiyan kin haal'áadi Gíbiyan dine'é bizhé'é Jáíyel kééhat'į́į́ nít'éé'. Be'asdzą́ą́ Méíyakah wolyé.

³⁶Haye' alą́ąjį' há yizhchínígíí Ábdan wolyé áádóó náá'ákéé' góne'ígíí Zer wolyé. Haye'ké Kish áádóó Béíyal áádóó Ner áádóó Néídab

³⁷áádóó Gíídar áádóó Aháíyo áádóó Zekaráíyah índa Míklath daolyé.

³⁸Míklath éí Shímiyah há yizhchį́. Díí ałdó' Jerúsalemgi bik'isóó yił ahíishghahgóó kéédahat'į́.

³⁹Áádóó Ner éí Kish há yizhchį́ áádóó Kish éí Saul há yizhchį́ áádóó Saul éí Jánathan áádóó Malkishúwa áádóó Abínadab índa Esh-béíyal há neheezhchį́.

⁴⁰Áádóó Jánathan éí Mérib-béíyal há yizhchį́ índa Mérib-béíyal éí Máíkah há yizhchį́.

⁴¹Máíkah biye'ké Páíthan áádóó Míílek áádóó Taríya índa Éíhaz daolyé.

⁴²Áádóó Éíhaz éí Jéírah há yizhchį́ índa Jéírah éí Álemeth áádóó Azméíveth índa Zímrai há neheezhchį́ áádóó Zímrai éí Móza há yizhchį́,

⁴³Móza éí Bíniya há yizhchį́, Bíniya biye' Riifáíyah wolyé. Riifáíyah biye' Eliyéísah wolyé. Eliyéísah biye' Éízel wolyé.

⁴⁴Éízel biye'ké hastą́ą́h: Ázrikam, Bókeru, Íshmeiyel, Shíyaráíyah, Obadáíyah índa Héínan daolyé. Díí Éízel biye'ké danilį́.