Read Navajo EZRA 10 Bible Online

EZRA 10 - Navajo bible

EZRA 10

¹K'ad Ézra ádaa halne'go sodoolzingo, Diyin God bikin bidáahjį' jichago tsé'yaa jineeshjoolgo Ízrel dine'é bits'ą́ą́dóó ts'ídá t'óó ahayóigo diné áádóó asdzání índa a'áłchíní haa áłah silį́į́'; jó, t'áá íiyisí diné daachxa.

²Áko Íílam ba'áłchíní náás da'ahílchíihii ła' Jiiháíyel biye' Shekanáíyah éí Ézra ábizhdííniid, NihiDiyin God bich'į' doo ákǫ́ǫ́ ádeiit'įįdgóó diné kéyahgóó kéédahat'íinii bitahdóó dé'éyóní danilį́įgo niheda'asdzą́ą́ ádeiilyaa. Azhą́ ákót'ée nidi, t'ahdii Ízrel dine'é bá ił chohoo'į́ hólǫ́.

³Éí bąą k'ad, shinanit'a'í áádóó nihiDiyin God bibik'eh ó'oo'níiłii bik'ee bił daayée'ii bił na'ak'íyádasíníłti'ii bik'ehgo haa'íshą' nihiDiyin God bił bee aha'deet'áanii ádadiilníiłgo díí e'asdzą́ą́ danilíinii t'áá ałtso áádóó bada'áłchíní t'áá bił yóó'adahididiit'ááł, áko háni' bee haz'áanii bik'ehgo ákódadiilnííł.

⁴Nídii'nééh; jó, díí nídadéét'i'ii át'é; nihí éí nił dahoniidlǫ́ǫgo nizhónígo chánah nílį́įgo ádíínííł.

⁵Ákohgo Ézra nídii'na'go aláahgo nááda'iiłniihii áádóó Líívai dine'é índa Ízrel dine'é t'áá ałtso díí saadígíí bik'ehgo ádee hadahididoodzihgo ájiilaa. Áádóó índa ádee hadahideesdzíí'.

⁶Ákohgo Diyin God bikin si'ánídóó dashdiiyáago Iiláíyashib biye' Johéínan ba'ałk'ee da'njah bá haz'ání góne' yah ajííyá. Ákwii jiníyáago bááh t'áadoo jííyą́ą' da, tó nidi t'áadoo joodlą́ą' da, háálá yisnááh danilį́į́ nít'ée'go ninádahaaskaígíí doo ákǫ́ǫ́ ádáát'įįdígíí biniinaa baa yínííł jílį́į́ nít'éé'.

⁷Áko Júdah kéyahgóó índa Jerúsalem kin haal'áágóó nidahozdeesdláadgo yisnááh danilį́įgo ninádahaaskai nít' éé' yę́ę t'áá ałtso Jerúsalemjį' áłah áńdoolníiłgo baa nidahojisne'.

⁸Áádóó t'áá háiida t'áadoo jígháhí táá' yiską́ąjį' naat'áanii danilíinii índa aląąjį' naazíinii ádaaníinii bik'ehgo hanaalye'é t'áá át'é doo hódéét'i'góó ádoolnííł índa yisnááh danilį́į́ nít'éé' yę́ę t'áá hó bits'áhodi'dooltééł.

⁹Ákohgo Júdah dine'é áádóó Bénjamin dine'é danilíinii t'áá ałtso táá' yiską́ąjį' Jerúsalemgi náhást'éí nídízííd binih naakits'áadahgóó yoołkáałgo t'áá bí áłah áda'ahiilyaa. Áádóó Diyin God bikingi kintah atiingóó diné t'áá át'é naháaztą́. Díigi ádahat'ínígíí índa t'áá íiyisí nahałtinígíí biniinaa diné bił daayée'go bitah dahoditłid.

¹⁰Áko Ézra náá'iiłniihii jílíinii dziizį'go diné ábizhdííniid, Bee haz'áanii k'ídahisooti' índa dé'éyóní danilíinii niheda'asdzą́ą́ ádaahłaago Ízrel dine'é nilíinii doo ákǫ́ǫ́ ádáát'įįdii bóóltą'go k'ee'ąą deeshzhiizh.

¹¹Éí bąą k'ad, danihizhé'é yę́ę biBóhólníihii Diyin God bich'į' ádaot'įįdii bee ádaa dahołne' índa bił hóshóonii ádadoohłíiłgo kéyahgóó diné kéédahat'ínígíí áádóó dé'éyóní danilíinii niheda'asdzą́ą́ ádaahłaaígíí t'áá nihí bits'ánóhkááh.

¹²Ákohgo diné áłah nilínígíí t'áá ałtso ádadííniidgo ayóó íits'a'go ádaaní, T'áá ádííníniidígi át'éego ts'ídá t'áá ákódadii'nííł.

¹³Nidi diné ts'ídá t'óó ahayóí áłah nilį́, áádóó doo tł'óó'dóó nidzizį́į le' át'éégóó t'óó ahayóí nahałtin; ła'a jį́da, doodaii' naaki jį́da díigi áhoot'éego doo na'ónish áhoot'ée da łeh, háálá nihí t'óó ahonii'yóigo díigi át'éego bee haz'áanii k'ídasiiti'.

¹⁴Haa'íshą' k'ad nihinanit'a'í dajílíinii éí diné áłah nilínígíí t'áá ałtso bá deizdoozįįł áádóó nihiDiyin God t'óó báhádzidgo báháchį'ígíí nihits'ą́ąjį' kódzaajį' nihikin hadaas'áádóó dé'éyóní e'asdzą́ą́ daazlį́į'ii índa t'áá kin hadaas'áhídę́ę́' aląąjį' naazíinii áádóó ándahwii'aahii t'áá bił bee há náhoot'aah góne' bił nijiikáah doo.

¹⁵Éísahel biye' Jánathan áádóó Tíkvah biye' Jahéíziyah t'éiyá díí bee nihoot'ánígíí yik'ijį' nilį́į́ nít'éé', áko Miishálam áádóó Shábiithai, Líívai dine'é nilį́įgo éí háká ahi'noolchą́ą́'.

¹⁶Ákohgo yisnááh danilį́į́ nít'éé' yę́ę ákódáát'įįd. Áádóó Ézra náá'iiłniihii nilíinii éí hastóí aląąjį' naazíinii, dabizhé'é yę́ę ba'áłchíní da'ahílchíihii bik'ehgo áádóó t'áá ałtso dabízhi' bik'ehgo yits'éinínil. Éí neeznáá nídízííd binih ła'a jį́į́ góne' díí yaa nidaaskai yę́ę hazhó'ó bá nidazhdoołkah biniyé dashdineezbin.

¹⁷Áko átsé nídízííd binih ła'a jį́į́ góne' diné t'áá ałtso dé'éyóní hweda'asdzą́ą́ daazlį́į'ii ałtso bits'ádajiiskai.

¹⁸Áádóó nááda'iiłniihii biye'ké bitahgóó dé'éyóní hweda'asdzą́ą́ ádajiilaaígíí bééhoozin; éí Jázadak biye' Jéshuwa biye'ké áádóó bik'isóó danilį́: Méíyasíyah áádóó Eliyíízer áádóó Jéírib índa Gedaláíyah daolyé.

¹⁹Bida'asdzą́ą́ nahjį' kódeidoolíiłgo ádee hadahideesdzíí' áádóó doo ákǫ́ǫ́ ádáát'įįdii yee ádidahodiilt'i'go bąą deenásts'aa' nidanilkaadii ła' náádayiisnii'.

²⁰Áádóó Ímer ba'áłchíní da'ahílchíihii ła': Hanéínai áádóó Zebadáíyah.

²¹Héírim ba'áłchíní da'ahílchíihii ła': Méíyasíyah, Iiláíjah, Shiiméíyah, Jiiháíyel índa Azáíyah.

²²Pásher ba'áłchíní da'ahílchíihii ła': Íílaiyowíínai, Méíyasíyah, Íshmeiyel, Niithániyel, Jázabad índa Élasah.

²³Líívai dine'é ałdó' ła': Jázabad, Shímiyai, Kiiléíyah (éí Keláíta ałdó' bee wójí) áádóó Pethaháíyah, Júdah índa Eliyíízer;

²⁴dahataałii ałdó' ła': Iiláíyashib áádóó dáń'dítį́hí yaa ádahalyáanii ła': Shálam áádóó Tíílem índa Yúrai.

²⁵Náá'áłdó' Ízrel dine'é ła': Péírash ba'áłchíní da'ahílchíihii ła': Ramáíyah, Jiizáíyah, Malkáíyah, Máíyamin, Eliiyéízar, Malkáíjah índa Biinéíyah.

²⁶Íílam ba'áłchíní da'ahílchíihii ła': Matanáíyah, Zekaráíyah, Jiiháíyel, Ábdai, Jériimath índa Iiláíyah.

²⁷Zátu ba' áłchíní da'ahílchíihii ła': Íílaiyowíínai, Iiláíyashib, Matanáíyah, Jériimath, Zéíbad índa Azáíza.

²⁸Bííbeiyai ba'áłchíní da'ahílchíihii ła': Jiihohéínan, Hananáíyah, Zábeiyai índa Áthleiyai.

²⁹Béínai ba'áłchíní da'ahílchíihii ła': Miishálam, Málak, Adéíyah, Jéíshab, Shíyal índa Réímath.

³⁰Péíhath-mó'ab ba'áłchíní da'ahílchíihii ła': Ádna, Kíílal, Biinéíyah, Méíyasíyah, Matanáíyah, Biizáliyel, Bínuwai índa Manáseh.

³¹Héírim ba'áłchíní da'ahílchíihii ła': Eliyíízer, Aisháíjah, Malkáíyah, Shiiméíyah, Shímiyan,

³²Bénjamin, Málak índa Shemaráíyah.

³³Héísham ba'áłchíní da'ahílchíihii ła': Matiinéíyai, Mátathah, Zéíbad, Iilífalet, Jéremai, Manáseh índa Shímiyai.

³⁴Béínai ba'áłchíní da'ahílchíihii ła': Méíyadai, Ámram, Yúwel,

³⁵Biinéíyah, Biidíyah, Kélu,

³⁶Vanáíyah, Mériimath, Iiláíyashib,

³⁷Matanáíyah, Matiinéíyai, Jeiyaséíyu,

³⁸Béínai, Bínuwai, Shímiyai,

³⁹Shelemáíyah, Néíthan, Adéíyah,

⁴⁰Maknádiibai, Shéíshai, Sharéíyai,

⁴¹Azéíriyel, Shelemáíyah, Shemaráíyah,

⁴²Shálam, Amaráíyah índa Jóseph.

⁴³Nííbo ba'áłchíní da'ahílchíihii ła': Jáíyel, Matitháíyah, Zéíbad, Ziibáína, Jéído, Jówel índa Biinéíyah kódaadzaa.

⁴⁴Díí t'áá ádzíłtso dé'éyóní danilíinii hweda'asdzáá ádajiilaa yę́ę ádajit'į́ áádóó ła' éí bida'asdzą́ą́ bá nida'iishchį́į́ nít'éé'.