Read Navajo NEHEMIAH 7 Bible Online

NEHEMIAH 7 - Navajo bible

NEHEMIAH 7

¹Ákódzaadóó tsé ahéná'áhígíí ałtso ahéé'ítł'ingo áádóó ch'ída'iiztiingóó dáádílkał dah dasínilgo áádóó ch'é'étiin yaa ádahalyánígíí áádóó dahataałígíí índa Líívai dine'é nibidee'nilgo

²shik'is Hanéínai áádóó siláo bighan yinanit'a'í Hananáíyah ałdó' Jerúsalem kin haal'á yinant'áago íishłaa, háálá Hananáíyah éí diné ba'ahódlíii nilį́įgo diné lą'í biláahgo Diyin God yidósin.

³Áádóó ábidííniid, Jerúsalemgi bidáń'daditį́hígíí náhoniigahgo índa ąą ándaal'įįh doo; nídídáhí t'ah t'áá ákwe'é naazį́įgo dáń'dadołkałgo bił dah nída'ohtį́į́h áádóó Jerúsalemgi kéédahat'íinii bitahdóó ha'ídées'į́'í nidahidoohnił: t'ááłá'í jinítínígo haa dadeest'ą́ą́góó éí t'ááłá'í jinítínígo hakin bíighahdóó hada'ízdées'į́į' doo.

⁴Ákohgo kin haal'á nídoodleełgi ayóó áhoníłtéél áádóó t'áá íiyisí hótsaa, nidi ákwe'é diné doo lą'í hólǫ́ǫ da índa kin t'áá díkwíhí yee' naaznil.

⁵Áádóó shiDiyin God shijéí tsíideeskéezgo aląąjį' naazíinii índa naat'áanii danilíinii áádóó diné t'áá ałkéé' nidaho'diizhchínígíí bik'ehgo dahodi'dóoltah biniyé ahąh áhodeeshłííł niizį́į́'. Áko nít'éé' áłtsé ninádahaas'nánígíí t'áá ałkéé' nidahaazhchínígíí bik'ehgo bízhi' naaltsoos bii' ádaalyaa yę́ę nídii'ą́ągo éí biyi' kót'éego bii' bik'eda'ashchį́.

⁶Bábilan dine'é aláahgo binanit'a'í Nébukadnézzar hasnáago náánáła' kéyahgóó ahoniiskaadgo áadi yisnááh dajílį́įgo ła' áádę́ę́' ninádadziiskaii áádóó Jerúsalem kin haal'áajį' índa Júdah kéyahdi t'ááłá'í jinítínígo hakin hadaas'áhíjį' anídadziiskaígíí díí éí ádajit'į́:

⁷éí Jerábabel, Jéshuwa, Niihemáíyah, Azaráíyah, Reiyamáíyah, Neihaméínai, Mórdiikai, Bílshan, Míspiireth, Bígveiyai, Nííhum áádóó Béíyanah bił níjí'ná. Ízrel dine'é bitahdóó diné yéélta'go bił níjí'nánígíí díí éí ádaat'į́:

⁸Péírash ba'áłchíní ahoolchíiłii éí naakidi mííldóó ba'aan t'ááłáhídi neeznádiindóó ba'aan tsosts'idiindóó ba'aan naaki.

⁹Shefatáíyah ba'áłchíní ahoolchíiłii táadi neeznádiindóó ba'aan tsosts'idiindóó ba'aan naaki.

¹⁰Éírah ba'áłchíní ahoolchíiłii hastą́ądi neeznádiindóó ba'aan ashdladiindóó ba'aan naaki.

¹¹Jéshuwa áádóó Jó'ab bits'ą́ą́dóó ahoolchíiłii éí ła' Péíhath-mó'ab ba'áłchíní ahoolchíiłii naakidi mííldóó ba'aan tseebíidi neeznádiindóó ba'aan tseebííts'áadah.

¹²Íílam ba'áłchíní ahoolchíiłii t'ááłáhídi mííldóó ba'aan naakidi neeznádiindóó ba'aan dį́į́'.

¹³Zátu ba'áłchíní ahoolchíiłii tseebíidi neeznádiindóó ba'aan dízdiindóó ba'aan ashdla'.

¹⁴Zákeiyai ba'áłchíní ahoolchíiłii tsosts'idi neeznádiindóó ba'aan hastą́diin.

¹⁵Bínuwai ba'áłchíní ahoolchíiłii hastą́ądi neeznádiindóó ba'aan dízdiindóó ba'aan tseebíí.

¹⁶Bííbeiyai ba'áłchíní ahoolchíiłii hastą́ądi neeznádiindóó ba'aan naadiin tseebíí.

¹⁷Ázgad ba'áłchíní ahoolchíiłii naakidi mííldóó ba'aan táadi neeznádiindóó ba'aan naadiin naaki.

¹⁸Adonáíkam ba'áłchíní ahoolchíiłii hastą́ądi neeznádiindóó ba'aan hastą́diindóó ba'aan tsosts'id.

¹⁹Bígveiyai ba'áłchíní ahoolchíiłii naakidi mííldóó ba'aan hastą́diindóó ba'aan tsosts'id.

²⁰Éídin ba'áłchíní ahoolchíiłii hastą́ądi neeznádiindóó ba'aan ashdladiindóó ba'aan ashdla'.

²¹Heziikáíyah bits'ą́ą́dóó Éíter ba'áłchíní ahoolchíiłii náhást'édiindóó ba'aan tseebíí.

²²Héísham ba'áłchíní ahoolchíiłii táadi neeznádiindóó ba'aan naadiin tseebíí.

²³Bíízeiyai ba'áłchíní ahoolchíiłii táadi neeznádiindóó ba'aan naadiin dį́į́'.

²⁴Héírif ba'áłchíní ahoolchíiłii t'ááłáhídi neeznádiindóó ba'aan naakits'áadah.

²⁵Gíbiyan ba'áłchíní ahoolchíiłii náhástédiindóó ba'aan ashdla'.

²⁶Béthlehem kin shijaa'dóó áádóó Niitófa kin shijaa'dóó dine'é t'ááłáhídi neeznádiindóó ba'aan tseebídiindóó ba'aan tseebíí.

²⁷Ánathath kin haal'áádóó dine'é t'ááłáhídi neeznádiindóó ba'aan naadiin tseebíí.

²⁸Beth-azméíveth kin shijaa'dóó dine'é dízdiindóó ba'aan naaki.

²⁹Kírjath-jíyarim, Kiifáírah índa Biyérath kin naazhjaa'dóó dine'é tsosts'idi neeznádiindóó ba'aan dízdiindóó ba'aan táá'.

³⁰Réímah índa Géíba kin haal'áádóó dine'é hastą́ądi neeznádiindóó ba'aan naadiin ła'.

³¹Míkmas kin shijaa'dóó dine'é t'ááłáhídi neeznádiindóó ba'aan naadiin naaki.

³²Béthel kin shijaa'dóó índa Éí'ai kin haal'áádóó dine'é t'ááłáhídi neeznádiindóó ba'aan naadiin táá'.

³³Náánáła' Nííbo kin shijaa'dóó dine'é éí ashdladiindóó ba'aan naaki.

³⁴Náánáła' Íílam kéyahdóó dine'é éí t'ááłáhídi mííldóó ba'aan naakidi neeznádiindóó ba'aan ashdladiindóó ba'aan dį́į́'.

³⁵Héírim ba'áłchíní ahoolchíiłii táadi neeznádiindóó ba'aan naadiin.

³⁶Jériko kin haal'áádóó dine'é táadi neeznádiindóó ba'aan dízdiindóó ba'aan ashdla'.

³⁷Lad, Héídid índa Óno kin naazhjaa'dóó dine'é éí tsosts'idi neeznádiindóó ba'aan naadiin ła'.

³⁸Siinéíyah ba'áłchíní ahoolchíiłii táadi mííldóó ba'aan náhást'éidi neeznádiindóó ba'aan tádiin.

³⁹Náá'iiłniihii ła': Jéshuwa bits'ą́ą́dóó oochíiłii Jedéíyah éí ba'áłchíní da'ahílchíihii náhást'éidi neeznádiindóó ba'aan tsosts'idiindóó ba'aan táá'.

⁴⁰Ímer ba'áłchíní ahoolchíiłii t'ááłáhídi mííldóó ba'aan ashdladiindóó ba'aan naaki.

⁴¹Pásher ba'áłchíní ahoolchíiłii t'ááłáhídi mííldóó ba'aan naakidi neeznádiindóó ba'aan dízdiindóó ba'aan tsosts'id.

⁴²Héírim ba'áłchíní ahoolchíiłii t'ááłáhídi mííldóó ba'aan tsosts'idts'áadah.

⁴³Líívai dine'é ła': Jéshuwa áádóó Kádmiyel índa Hódavah ba'áłchíní da'ahílchíihii tsosts'idiindóó ba'aan dį́į́'.

⁴⁴Dahataałii ła': Éísaf ba'áłchíní ahoolchíiłii t'ááłáhídi neeznádiindóó ba'aan dízdiindóó ba'aan tseebíí.

⁴⁵Dáádílkał yaa ádahalyáanii ła': Shálam ba'áłchíní ahoolchíiłii, Éíter ba'áłchíní ahoolchíiłii, Tálman ba'áłchíní ahoolchíiłii, Ákab ba'áłchíní ahoolchíiłii, Hatáíta ba'áłchíní ahoolchíiłii, Shóbai ba'áłchíní ahoolchíiłii t'ááłáhídi neeznádiindóó ba'aan tádiindóó ba'aan tseebíí.

⁴⁶Néthinim ła': Záíha ba'áłchíní ahoolchíiłii, Hashúfa ba'áłchíní ahoolchíiłii, Tabéíyath ba'áłchíní ahoolchíiłii,

⁴⁷Kííras ba'áłchíní ahoolchíiłii, Sáíyah ba'áłchíní ahoolchíiłii, Péídan ba'áłchíní ahoolchíiłii,

⁴⁸Lébanah ba'áłchíní ahoolchíiłii, Héígabah ba'áłchíní ahoolchíiłii, Shálmai ba'áłchíní ahoolchíiłii,

⁴⁹Héínan ba'áłchíní ahoolchíiłii, Gídel ba'áłchíní ahoolchíiłii, Géíhar ba'áłchíní ahoolchíiłii,

⁵⁰Riyéíyah ba'áłchíní ahoolchíiłii, Ríízin ba'áłchíní ahoolchíiłii, Niikóda ba'áłchíní ahoolchíiłii,

⁵¹Gázam ba'áłchíní ahoolchíiłii, Ázza ba'áłchíní ahoolchíiłii, Pasíyah ba'áłchíní ahoolchíiłii,

⁵²Bíísai ba'áłchíní ahoolchíiłii, Miyúnim ba'áłchíní ahoolchíiłii, Niifíshesim ba'áłchíní ahoolchíiłii,

⁵³Bákbak ba'áłchíní ahoolchíiłii, Hakúfa ba'áłchíní ahoolchíiłii, Hárhur ba'áłchíní ahoolchíiłii,

⁵⁴Bázlith ba'áłchíní ahoolchíiłii, Miiháída ba'áłchíní ahoolchíiłii, Hársha ba'áłchíní ahoolchíiłii,

⁵⁵Bárkas ba'áłchíní ahoolchíiłii, Sísera ba'áłchíní ahoolchíiłii, Téímah ba'áłchíní ahoolchíiłii,

⁵⁶Niizáíyah ba'áłchíní ahoolchíiłii, Hatáífa ba'áłchíní ahoolchíiłii.

⁵⁷Sálaman bá nidaal'a'í bada'áłchíní da'ahílchíihii: Sótai ba'áłchíní ahoolchíiłii, Sófiireth ba'áłchíní ahoolchíiłii, Piiráída ba'áłchíní ahoolchíiłii,

⁵⁸Jéíyalah ba'áłchíní ahoolchíiłii, Dárkan ba'áłchíní ahoolchíiłii, Gídel ba'áłchíní ahoolchíiłii,

⁵⁹Shefatáíyah ba'áłchíní ahoolchíiłii, Hátil ba'áłchíní ahoolchíiłii, Pókiireth ba'áłchíní ahoolchíiłii, Ziibéíyam ba'áłchíní ahoolchíiłii, Éíman ba'áłchíní ahoolchíiłii.

⁶⁰Néthinim t'áá ałtso áádóó Sálaman bá nidaal'a'í bada'áłchíní da'ahílchíihii táadi neeznádiindóó ba'aan náhást'édiindóó ba'aan naaki.

⁶¹Tel-míílah, Tel-haríísha, Kíírab, Ádan índa Ímer kin hadaas'áádóó díí ninádahaasná, nidi dabizhé'é yę́ę dabik'éí áádóó ba'áłchíní da'ahílchíihii éí Ízrel dine'é daats'í danilį́įgo éí naaltsoos bee hwéédahózinígíí hwee ádaadin.

⁶²Diiléíyah ba'áłchíní ahoolchíiłii, Tobáíyah ba'áłchíní ahoolchíiłii índa Niikóda ba'áłchíní ahoolchíiłii hastą́ądi neeznádiindóó ba'aan dízdiindóó ba'aan naaki.

⁶³Áádóó nááda'iiłniihii bits'ą́ą́dóó ła': Habéíyah ba'áłchíní ahoolchíiłii, Kaz ba'áłchíní ahoolchíiłii, Barziléíyai ba'áłchíní ahoolchíiłii; éí hastiin náánáła' Gíliyad dine'é Barziléíyai wolyéii bitsi' ła' hwe'asdzą́ą́ silį́į'go éí bízhi'ígíí házhi' silį́į́'.

⁶⁴Díí diné éí náánáła' ałkéé' nidahazhchínígíí bik'ehgo naaltsoos biyi' bízhi' ádaalyaaígíí bitah házhi' ch'ééh hadazneeztą́ą́', nidi haa'ída doo bik'iisdzoh da; éí bąą doo dazhdiyingóó haa nitsídahakeesgo náá'iiłniihii doo dazhdooleełgóó nahjį' haho'doo'nil.

⁶⁵Áko naat'áanii áhodííniid, Náá'iiłniihii ła' Yúrim áádóó Thámmim yił deizį'go índa agháago dadiyinii dadoohsį́į́ł.

⁶⁶Diné t'áá yíl'áá nít'éé' éí dízdiindóó ba'aan naakidi mííldóó ba'aan táadi neeznádiindóó ba'aan hastą́diin ánéelą́ą́',

⁶⁷éí bighą́ąhjį' diné bá nidaal'a'ígíí áádóó asdzání bá nidaal'a'ígíí éí tsosts'idi mííldóó ba'aan táadi neeznádiindóó ba'aan tádiindóó ba'aan tsosts'id ánéelą́ą́', áádóó náá'ákóne' diné dahataałígíí índa asdzání dahataałígíí naakidi neeznádiindóó ba'aan dízdiindóó ba'aan ashdla' ánéelą́ą́'.

⁶⁸Dahalį́į́' éí tsosts'idi neeznádiindóó ba'aan tádiindóó ba'aan hastą́ą́h, dahadzaanééz éí naakidi neeznádiindóó ba'aan dízdiindóó ba'aan ashdla',

⁶⁹dahaghą́ą́'ask'idii éí dį́įdi neeznádiindóó ba'aan tádiindóó ba'aan ashdla', dahatélii éí hastą́ądi mííldóó ba'aan tsosts'idi neeznádiindóó ba'aan naadiin ánéelą́ą́'.

⁷⁰Ła' hatahgóó azhé'é aláahgo bídahólníihii naanish yá béeso adayiiznil. Naat'áanii éí óola t'ááłáhídi mííl dah hidiidlohgo, óola łeets'aa' ashdladiingo índa náá'iiłniihii dabi'éé' ashdladi neeznádiindóó ba'aan tádiin ayíínil.

⁷¹Nááná ła' azhé'é aláahgo bídahólníihii éí óola naakidi neeznádiindóó ba'aan tsosts'idiindóó ba'aan táá' dah hidiidlohgo índa béésh łigaii táadi mííldóó ba'aan naakidi neeznádiindóó ba'aan ashdla'áadah dah hidiidlohgo naanish biniyé adayiiznil.

⁷²Łahjį' dinéhígíí óola éí naakidi neeznádiindóó ba'aan tsosts'idiindóó ba'aan táá' dah hidiidlohgo áádóó béésh łigaii éí naakidi mííldóó ba'aan náhást'éidi neeznádiindóó ba'aan naadiin táá' dah hidiidlohgo índa náá'iiłniihii dabi'éé' éí tsosts'idiin adayiiznil.

⁷³Áko nááda'iiłniihii índa Líívai dine'é áádóó dáádílkał yaa ádahalyáanii índa diné dahataałii áádóó dine'é ła' índa Néthinim dine'é éí Ízrel dine'é t'áá ałtso hakin hadaas'áágóó kéédahojit'į́. Tsosts'id nídízííd baa hoolzhiizhgo Ízrel dine'é éí bikin hadaas'áagi kéédahat'į́į́ nít'éé'.