Read Navajo JOB 26 Bible Online

JOB 26 - Navajo bible

JOB 26

¹Áádóó Job ánááhodoo'niidgo ání,

²Diné dziil bee ádinii yee' bíká íínílwod lá! Diné doo bidziilii yee' yisdéíníłtį́į́ lá!

³Diné hódzą́ bee ádinii yee' kót'éego dooleeł bidííníniid áádóó lą'ígóó ił ééhózin bee bich'į' háínídzíí' lá!

⁴Háísh bíniik'ehgo kót'éego hahínídzíí'? Háíyee' nitsíniiłkeesgo kót'éego hahídziih?

⁵Dazneeznánígíí há haz'ą́ądi áádóó tónteel bii'dóó áadi dahojílóonii hatah dahoditłid.

⁶Diyin God éí ch'į́įdiitah doo bich'ą́ą́h hólónígóó yoo'į́ áádóó hool'áágóó atí'éł'ínígíí t'áadoo bahat'aadí hólǫ́.

⁷Yádiłhił biyi'di sǫ' doo naaznilgi náhookǫs yiníłbaal; nahasdzáán t'áadoo bótą'ígóó dah yiz'ą́.

⁸T'áá bí k'os diłhił bii' tó háidiłbį́į́h, áko k'os biyaadę́ę́' doo bighádlaad da.

⁹Bibikáá'dóó nahat'áii yinées'į́į́' áádóó t'áá bí k'osígíí yik'ínéíłtih.

¹⁰Tónteel bikáá' názbąsgo hodeezooígíí bee adinídíín éí chahałheeł yił ałts'ánéi'nił.

¹¹Yá'ąąshdi áyah danii'áii daditłid áádóó Diyin God biditehgo t'óó bił adahayói łeh.

¹²Bibee adziil bee tónteel hasht'éidoołt'eeł; yik'idi'yiitįįhígíí bee ádaa ha'niihii atíyiił'įįh.

¹³BiNíłch'i Diyinii yee yót'ááh hiníláii ayóó áhonóolningo áhoolaa; bibee adziil yee tł'iish nooltł'ishgo yi'nahii áyiilaa.

¹⁴Shoo, díí éí Diyin God át'éii t'įįhdígo yee' daah'į́; t'įįhdígo yee' baa dahodoohts'a'. Nidi bibee adziilii bee ii'ni' diits'a'ígíísh háí yik'idi'dootį́į́ł?