Read Navajo PSALMS 1 Bible Online

PSALMS 1 - Navajo bible

PSALMS 1

¹Diné doo Diyin God k'ehgo ádaat'éii na'ak'íyádaałti'ii doo bik'ehgo joogáałii, bąąhági ádaaníiłii nidi doo bitah dzizíinii áádóó ándahałt'i'ii nidi doo bitah dzizdáii éí hoł hózhǫ́,

²nidi Bóhólníihii yee has'áanii bąą hoł nihoozhǫǫh; t'áá ákwíí jį́ índa t'áá ákwíí tł'éé' yee has'áanii nabik'ítsídzíkees.

³Índa tó danílíinii bibąąhgi tsin bąąh ant'áanii íí'áhígíí nahojílin; baa náhwiilzhíishgo honeest'ą' hąąh náhoodleeł; hat'ąą' éí doo niiłnéeh da. Áádóó t'áá ájoolíłígíí yá'át'éehgo há áánííł.

⁴Doo Diyin God k'ehgo ádaat'éii éí doo ákódajít'ée da, nidi éí azhool bił yóó'adahayółígíí nidahojílin.

⁵Éí bąą Diyin God doo bik'ehgo ádajít'éii ánihwiit'aah beiníłką́ądi doo atah dadzoozįįh ádajít'ée da, índa t'áá ákogi ádaadzaii áłah nilį́įgi bąąhági ádajooníiłii doo atah nidzizį́į da doo,

⁶háálá t'áá ákogi ádaat'éii bá honít'i'jí Bóhólníihii bił bééhózingo yaa áhályą́, nidi doo Diyin God k'ehgo ádaat'éii bá honít'i'jí bił yóó'ahodoogááł.