Read Navajo PSALMS 101 Bible Online

PSALMS 101 - Navajo bible

PSALMS 101

¹Aa a'ááh hasin áádóó doo haada yit'éii baa hashtaał doo. Bóhólníihii nílíinii, naa hashniihgo nich'į' hashtaał doo.

²T'áadoo bee bik'íhót'ahíjí honít'i' baa ákonisingo bikáá' yisháał doo. Bóhólníihii nílíinii, hahgoshą' shaa díínááł? Shighan haz'ą́ągi shijéí t'áá ákogi át'éego hinishnáa doo.

³T'óó badaa'ihii doo ła' nídideeshłéełgo dinéesh'įįł da. Nits'ą́ąjį' náníjahii yaa nidaakaii jooshłxá; doo beinísht'į́į da doo.

⁴Shijéí bee ák'eh hash'į́įgo nitsískeesígíí shits'ą́ąjį' kódoonííł. Doo yá'át'éehii doo baa násht'į́į da doo.

⁵Bił kééhojit'íinii t'áá nahont'inee t'áá ádzaagóó baa hojilne'ii áhodeeshdįįł. Diné ádaa ha'niihii índa t'áá shí t'éí nízinii doo bídínéeshnáa da doo.

⁶Kéyahgi diné bada'ahódlíii shił kéédahat'į́į doo biniyé bik'i désh'į́į' doo. T'áadoo bee bik'íhót'ahígóó áhoot'ééjí yigáałii éí shá naal'a' doo.

⁷Diné bina'adlo'ii éí shighan góne' doo kééhat'į́į da doo. Shidáahgi diné biyooch'íidii doo nida'áhodidláa da doo.

⁸T'áá ákwíí abíní kéyahdóó doo yá'áshǫ́ǫ́góó ádajooníiłii t'áá ádzíłtso áhweeshdįįł doo, áko Bóhólníihii bikin haal'áádóó diné doo yá'áshónígi ádaaníiłii t'áá ałtso nahjį' kódeeshłííł.