Read Navajo PSALMS 11 Bible Online

PSALMS 11 - Navajo bible

PSALMS 11

¹Bóhólníihii nilíinii baa jííníshłí; ha'át'íí biniyé shii' sizíinii ábidiní, Tsídii nahalingo nidziłgóó yóó'anilyeed?

²Háálá shoo, diné doo yá'ádaashóonii éí diné t'áá ákogi át'éii doo hoot'į́į́dę́ę́' dayółt'óoh doo biniyé adazdoołkahgo be'ełtįįtł'óól nídeidiłts'ǫ'.

³Bee dahółdzilii naa'adahaastł'íidgoshą' diné t'áá ákogi át'éii haa doonííł?

⁴Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

⁵Bóhólníihii éí t'áá ákogi ádaat'éii nayínítaah, nidi doo yá'ádaashóonii áádóó ádééhooldzíidgo hináanii ts'ídá yijoołxá.

⁶Diné doo yá'ádaashóonii bik'ijį' tsííd t'óó ahayóí nidoołtį́į́ł; tsííd t'áá dadiltłi'go índa tsékǫ' łitsooí nidoołtį́į́ł, áádóó níyol azéesgo níyol doo; díí bee adlání yee deidoodlį́įłgo k'éédabidi'doolnííł.

⁷Háálá Bóhólníihii t'áá ákogi át'éii nilį́įgo t'áá ákogi át'éii ayóó'áyó'ní; diné t'áá ákóne' át'éii hanii' yidínóoł'įįł.