Read Navajo PSALMS 111 Bible Online

PSALMS 111 - Navajo bible

PSALMS 111

¹Bóhólníihii baa dahohniih! Diné t'áá ákogi ádaat'éii áłah nilį́įgi shijéí t'áá át'é bee Bóhólníihii baa hashniih doo.

²Bóhólníihii binaanish ayóó ádaat'é; bił dahoneełninii t'áá ałtso hadeisíidgo nideiłkaah.

³Binaanish t'áá íiyisí ił nilį́, áádóó t'áá íiyisí ayóó ádaat'é; bit'áá ákogi é'ét'éii hool'áágóó hólǫ́.

⁴T'óó bik'eda'ayóii béédahaniihgo áyiilaa; Bóhólníihii jooba' áádóó bił hadlee'go aa a'ááh nízin.

⁵Dabidísinii ya'ałtso'; bibee aha'deet'áanii hool'áágóó yénálniih doo.

⁶Ał'ąą dine'é daabíhígíí yílák'ee hayíínilgo binaanish ayóó ádabóodziilgo bidine'é yił yit'íní áyiilaa.

⁷Bíla' yee naanish áyoolíiłii éí t'áá aaníí áádóó t'áá ákogi ádaat'é. Bibik'eh ó'oo'níiłii t'áá ałtso bada'ahódlí.

⁸Éí hool'áágóó ahóyéel'áágóó hasht'edaalyaa. Éí t'áá aaníinii áádóó t'áá ákogi át'éego bik'eh da'íldéeh doo.

⁹Hadine'é bik'é ninázh'doodléełii bich'į' ajííł'a'; bibee aha'deet'áanii hool'áágóó hólǫ́ǫgo yee haadzíí'. Bízhi' éí diyin áádóó bits'ąą hasti'.

¹⁰Bóhólníihii jidósin jileehdóó ahozh'niiyąąh; bibik'eh ó'oo'níiłii yida'ał'íinii t'áá ałtso yá'át'éehgo ak'ida'diyiitįįh. Bee baa ha'niihii hool'áágóó doo nineełnéeh da!