Read Navajo PSALMS 12 Bible Online

PSALMS 12 - Navajo bible

PSALMS 12

¹Bóhólníihii nílíinii, nihíká anilyeed, háálá Diyin God k'ehgo át'éii áádįįł, áádóó diné bada'ahódlíii diné bitahdóó ch'ééh hádahat'į́.

²T'ááłá'í nítínígo dabiyooch'íidgo yił kéédahat'íinii yich'į' yádaałti'; saałką́ą́' yee índa t'áá naaki nahwiiláago yádaałti'.

³Saałką́ą́' yee áádóó ádaa daha'niihgo ayóó át'éego yádaałti'ii bíni' Bóhólníihii dabididoołhił,

⁴Nihizaad bee ak'eh dadiidlį́į doo, t'áá nihí daniidzinígíí bee yádeiilti'go, háishą' nihee ádíhólníih doo? dadííniidii Bóhólníihii nahjį' kóbidoolííł.

⁵Bóhólníihii ání, Badahojoobá'íii bide ádahólzingo índa hojooba' nahas'áanii ádił háádaadzołgo bich'ą́ą́h nídideesdził; diné da'iiłkóohii bits'ąą hasih haz'ą́ąjį' kóhodeeshłííł.

⁶Łeeyi' déédíljah góyaa béésh łigaii tsosts'idi nídoolyį́į'go chin bąąh ádin łeígíí nahalingo Bóhólníihii bizaad éí saad niłtólíii ádaat'é.

⁷Éí níí' nilíinii baa áhólyą́ą doo, Bóhólníihii nílíinii, díí oochíłígíí bits'ąą hool'áágóó bich'ą́ą́h honílǫ́ǫ doo.

⁸Diné doo yá'ádaashóonii diné bitahgóó aláahgo baa nitsáhákees yileehgo diné doo yá'ádaashóonii t'áá ałtsogóó nihidiildah.