Read Navajo PSALMS 136 Bible Online

PSALMS 136 - Navajo bible

PSALMS 136

¹Haa'íshą', Bóhólníihii bich'į' ahééh danohsin, háálá yá'át'éehii nilį́; jó, aa a'ááh nízingo ahóyéel'á.

²Diyin dabidi'níinii biláahdi Diyin God jílíinii bich'į' ahééh danohsin; jó, aa a'ááh nízingo ahóyéel'á.

³Bídahólníihii biBóhólníihii bich'į' ahééh danohsin; jó, aa a'ááh nízingo ahóyéel'á.

⁴T'áá bí t'éiyá t'óó bik'eda'ayóigo ó'oolíiłii bich'į', háálá aa a'ááh nízingo ahóyéel'á.

⁵Yaa hóyą́ągo yádiłhił áyiilaii bich'į', háálá aa a'ááh nízingo ahóyéel'á.

⁶Tó adahaazyíinii biláahdi nahasdzáán niłdzilgo áyiilaii bich'į', háálá aa a'ááh nízingo ahóyéel'á.

⁷Ayóó át'éii bee dadi'nídíinii áyiilaii bich'į', háálá aa a'ááh nízingo ahóyéel'á.

⁸Jį́honaa'éí jį́įgo bee bóhólníihgo áyiilaii bich'į', háálá aa a'ááh nízingo ahóyéel'á.

⁹Ooljéé' áádóó sǫ' éí tł'éé' bee bídahólníihgo áyiilaii bich'į', háálá aa a'ááh nízingo ahóyéel'á.

¹⁰Ííjip kéyahdi áłtsé nidahaazhchíinii íísdįįdii bich'į', háálá aa a'ááh nízingo ahóyéel'á.

¹¹Áádóó bitahdóó Ízrel ch'íiní'eezhii bich'į', háálá aa a'ááh nízingo ahóyéel'á.

¹²K'ídéesnii'go ayóó ábóodziilii yee ch'íiní'eezhii bich'į', háálá aa a'ááh nízingo ahóyéel'á.

¹³Tónteel Łichíí' wolyéii ałts'áyííłk'olii bich'į', háálá aa a'ááh nízingo ahóyéel'á.

¹⁴Áádóó bita' góne' Ízrel dine'é ch'íiníłkaii bich'į', háálá aa a'ááh nízingo ahóyéel'á.

¹⁵Nidi Féro áádóó bidine'é t'óó ahayóí yił yinéełii Tónteel Łichíí' wolyéii yii' íísdįįdii bich'į' ahééh danohsin, háálá aa a'ááh nízingo ahóyéel'á.

¹⁶Honoojí góne' bidine'é yiní'eezhii bich'į', háálá aa a'ááh nízingo ahóyéel'á.

¹⁷Aláahgo naat'áanii ayóó ádaat'éii íísdįįdii bich'į', háálá aa a'ááh nízingo ahóyéel'á.

¹⁸Áádóó aláahgo naat'áanii dahayóigo béédaho'dílzinii neistseedii bich'į', háálá aa a'ááh nízingo ahóyéel'á.

¹⁹Ámor dine'é binanit'a'í Sáíhan wolyéii yiyiisxíinii bich'į', háálá aa a'ááh nízingo ahóyéel'á.

²⁰Áádóó Béíshan dine'é binanit'a'í Ag wolyéii yiyiisxíinii bich'į', háálá aa a'ááh nízingo ahóyéel'á.

²¹Áádóó bikédaayah hodine'é baazhdiní'áanii bich'į', háálá aa a'ááh jinízingo ahóyéel'á.

²²Há naal'a'í Ízrel bíí' dooleełgo baazhdiní'áanii bich'į', háálá aa a'ááh jinízingo ahóyéel'á.

²³Bí lą́ą nihaa dahojoobá'ígo ádaniit'éego nihénáálnii' ni', háálá aa a'ááh nízingo ahóyéel'á.

²⁴Áádóó nihi'ana'í danilíinii bits'ą́ąjį' háánihoo'nil, háálá aa a'ááh nízingo ahóyéel'á.

²⁵Nídídzihii t'áá ałtso nináneel'ą́ąjį' ya'ałtso', háálá aa a'ááh nízingo ahóyéel'á.

²⁶Haa'íshą' díí t'áá ałtso biniinaa Diyin God yá'ąąshdi hólóonii bich'į' ahééh danohsin, háálá aa a'ááh nízingo ahóyéel'á.