Read Navajo PSALMS 14 Bible Online

PSALMS 14 - Navajo bible

PSALMS 14

¹Diné doo áhályáanii t'áá bijéí biyi'ídi ání, Diyin God doo hólǫ́ǫ da. Éí diné t'áá íiyisí dajííchxǫ', doo haldinígi ádajíít'įįd, doo nidi ła'da yá'át'éehgo ádajooníił da.

²Yá'ąąshdę́ę́' Bóhólníihii déé'į́į'go éí diné ba'áłchíní ła'da daats'í ak'i'diitįįh, áádóó ła'da daats'í Diyin God yééhoosįįh nízingo háidéez'į́į́'.

³T'áá ałtso honít'i'ii yits'ádahaaskai; t'áá ádzíłtso t'óó hadaa'ih dadzizlį́į́', doo nidi ła'da yá'át'éehgo ááníił da, dooda, t'ááłá'í nidi dooda.

⁴Doo ákwii ádaat'íiniísh t'áá ałtso ił ééhózin doo bee dahólǫ́ǫ da? Éí bááh deiyą́ nahalingo shidine'é deildeeł índa Bóhólníihii doo yich'į' sodadilzin da.

⁵Áadi t'áá íiyisí bił daayéé' nít'éé', háálá diné t'áá ákogi ádaat'éego ahoolchííłjí Diyin God bił hólǫ́.

⁶Bahojoobá'íii binahat'a' t'óó bá nidahosoołt'i', nidi Bóhólníihii yiniit'a nííchą́ą́'.

⁷Dooládó' Ízrel dine'é yee yisdádookahii Záíyandę́ę́' níyáa laanaa, Bóhólníihii bidine'é yisnááh danilínídę́ę́' néiní'eezhgo Jéíkab dine'é t'áá íiyisí bił dahózhǫ́ǫ doo; jó, Ízrel dine'é bił dahózhǫ́ǫ doo.