Read Navajo PSALMS 2 Bible Online

PSALMS 2 - Navajo bible

PSALMS 2

¹Ha'át'íí lá biniyé ał'ąą dine'é ádá nídahojilchįįh, índa dadine'é éí t'áadoo biniyéhígóó nidahoji'á?

²Nihokáá'góó aláahgo naat'áanii hasht'e'ádadiilyaa, áádóó Bóhólníihii Diyin God jílíinii índa Ak'ah Bik'i Yadziiziidgo Jíísį́į'ii t'áá bił naat'áanii danilíinii hach'į' nídahididookah biniyé ahidahidiikaigo kódaaní,

³Haa'íshą' binaa'nil dasiidlį́į'ii yee dah nihiistł'óonii dahidii'nishgo nahgóó adahidiiltł'ił.

⁴Yá gháhóką́ądi Bóhólníihii dah sidáii haa ch'ídidooldlohgo há nahodoołt'ih.

⁵Áádóó índa t'áá íiyisí doo bił hózhǫ́ǫ́góó hoł yéé' ádahodoolíiłgo hashké nídzingo kóníigo hach'į' hadoodzih,

⁶Záíyan shidził diyinii bighą́ą́'dóó aláahgo naat'áanii shá nant'áa dooleełii dah biníłdá.

⁷Bee nihodeet'áanii bee hadeesdzih: Bóhólníihii áshidííniid, Shiye' nílį́, díí jį́ nishchíinii sélį́į́'.

⁸Shííníkeed, áko níí' dooleełígíí biniyé ał'ąą dine'é, índa nahasdzáán nidanees'ą́ąjį' níí' dooleeł biniyé naa dideesh'ááł.

⁹Éí béésh hał bee k'ídahidííłhał; ásaa' ííł'íinii bileets'aa' nihízdeestsxis nahalingo nihídadidííłtxisgo ałtso didoozéí.

¹⁰Éí bąą aláahgo naat'áanii danohłíinii, dahonohsą́; nahasdzáán bikáá'góó ánihwii'aahii danohłíinii, nidanihidi'nitin le'.

¹¹Bóhólníihii dadíínóhsingo bich'į' nidahohłá, áádóó nidanihiiłnáago nihił dahózhǫ́ǫ le'.

¹²Doo nihich'į' báhodoochįįłígíí biniyé índa deínókááhgóó doo ádadoohdįįł da biniyé biYe' nilíinii t'óó baa ádadiyoht'aah. Diné éí Diyin God yaa deidzólíhígíí t'áá ałtso bił dahózhǫ́.