Read Navajo PSALMS 24 Bible Online

PSALMS 24 - Navajo bible

PSALMS 24

¹Nahasdzáán éí Bóhólníihii bí áádóó bee hadít'éii ałdó' t'áá ałtso bí; nahasdzáán índa yikáá' kéédahat'íinii ałdó' bíí' danilį́,

²háálá tónteel índa tooh danílíinii bikáa'gi nahasdzáán niłdzilgo niiní'ą́.

³Háíyee' Bóhólníihii bidah yisk'idgóó hadoogáałgo yíneel'ą́? Doodaléi' háíyee' bihodiyingo haz'ą́ągi yidoozįįłgo yíneel'ą́?

⁴Bíla' chin bąąh ádinii índa bijéí a'át'e' bąąh ádinii lą́ą; t'áadoo biniyéhígóó danilíinii yich'į' bii' sizíinii doo yi'níłnii'ii, índa doo bina'adlo'góó ádee hadoodzíi'ii lą́ą.

⁵Bóhólníihii bik'ijidlíi doo, índa Diyin God yisdábííłtíinii t'áá ákogi ánít'é bididooniił.

⁶Díí ahoolchíłígíí éí Diyin God hadeintáii ádaat'į́. Bóhólníihii nílíinii, Jéíkab hándéez'į́į́'. Síilah.

⁷Yah ahóót'i'gi dáádílkał danohłíinii, ąą ádaahnééh! T'áá náshiinídą́ą'dii dáádílkał danohłíinii, ąą ádanihi'dólne'! Áko aláahgo naat'áanii ts'ídá ayóó át'éii yah adoogááł.

⁸Háishą' aláahgo naat'áanii ts'ídá ayóó át'éii nilį́? Bóhólníihii bidziilii índa ayóó ábóodziilii lą́ą; anaa' haleehgo Bóhólníihii ayóó ábóodziilii lą́ą!

⁹Yah ahóót'i'gi dáádílkał danohłíinii, ąą ádaahnééh! T'áá náshiinídą́ą'dii dáádílkał danohłíinii, ąą ádanihi'dólne'! Áko aláahgo naat'áanii ts'ídá ayóó át'éii yah adoogááł!

¹⁰Háishą' aláahgo naat'áanii ts'ídá ayóó át'éii nilį́? Bóhólníihii lą́ą, t'áá ałtsoní bee Bóhólníihii, éí lá aláahgo naat'áanii ts'ídá ayóó át'éii nilį́ ni! Síilah.