Read Navajo PSALMS 26 Bible Online

PSALMS 26 - Navajo bible

PSALMS 26

¹Bóhólníihii nílíinii, shaa nánít'įįh, háálá doo shina'adlo'góó níyá, áádóó Bóhólníihii doo naaki nilį́į́góó baa jííníshłí; éí bąą doo ałtádideesghas da.

²Bóhólníihii nílíinii, hashísííd, áádóó shínítááh; shijéí índa shíni' nabínítaahgo hanisííd.

³Aa a'ááh nínízinii shilą́ąjį' hólǫ́ǫgo yish'į́, áádóó nit'áá aaníinii bee yishááł.

⁴Diné dabiyooch'íidii doo bił naháshtą́ą da, áádóó t'óó ádahodil'íinii doo bił naashdeeh da;

⁵bąąhági ádaat'íinii áłah nádleehii bik'ee dinishniih, índa doo yá'ádaashóonii doo bił nidaháshtą́ą da.

⁶Bóhólníihii nílíinii, sha'át'e' ádingo shíla' tánínásgis doo, áko nibikáá' náá'iiniihí bináásháał doo,

⁷áko t'óó bik'eda'ayóii baa nisíníyáii t'áá ałtso bee nahashne'go ahééh nisingo naa nahodishdlaad doo.

⁸Bóhólníihii nílíinii, nikin bii' sohodizin góne' kééhót'į́įgi áádóó bee ił nílíinii hólǫ́ǫgi ayóó'íínísh'ní.

⁹Shii' sizíinii éí ádił nida'iilzíihii doo bił áłah í'díílíił da, índa diné dił bits'ádaazlį́įgo ádeile'ii doo bił she'iina' ádííłdįįł da.

¹⁰Éí doo yá'áshǫ́ǫ́góó inahat'áii bílák'ee naazlá, índa bee nidaho'diiniihii nish'náájí bílák'ee hadadeezbin.

¹¹Nidi shí éí doo shina'adlo'góó yisháał doo; shik'éniná'nídléego hááshíłteeh, áádóó shaa jiiníbaah.

¹²K'íhoneezláagi sézį́; áłah da'ílį́įgi Bóhólníihii baa hashniih doo.