Read Navajo PSALMS 28 Bible Online

PSALMS 28 - Navajo bible

PSALMS 28

¹Bóhólníihii nílíinii, nánooshkąąh; tsé shá nílíinii, t'áadoo shich'į' jé'áhodílkałí, háálá doo shíísíníłts'ą́ą́'góó a'áán góyaa ahikáhígi áshidi'doolnííł.

²Nihodiyingo haz'ánígíí bich'į'go dah nídidiishnihgo shíká adíílwoł biniyé chánahgo nánooshkąąhígíí diits'į́į́h.

³Diné doo yá'ádaashóonii áádóó doo ákwii ádaaníiłii nahjį' kóníléehgo doo bił nahjį' kóshidíílíił da; éí yił kéédahat'íinii yił k'é da'ahidi'níi nidi, bijéí biyi'di ádílááh dahólǫ́.

⁴Yaa nidaaskaígíí áádóó bąąhági ádáát'įįdii, índa bíla' yee yaa nidaaskai bik'ehgo k'éédadídle'; bąąhági ádáát'įįdii bik'édígi k'éédadídle'.

⁵Bóhólníihii yinaashnishii índa bíla' yee yaa naayáii doo hoł danilį́į da biniinaa t'áá jíl'áá nít'éé' áhodoołdįįł áádóó doo hááhodínóołt'į́įł da.

⁶Bóhólníihii baa ha'niih le'! Háálá náoshkąąhgo shidiizts'ą́ą́'.

⁷Bóhólníihii bee shidziilii áádóó shinaage' nilį́; shijéí bee baa jííníshłíigo shíká análwo'; éí bąą shijéí t'áá íiyisí bił nihoozhǫǫhgo shiyiin bee baa hashniih doo.

⁸Bóhólníihii bidine'é yá adziilii nilį́; ak'ah bik'i yaadziidgo yiyíísį́į'ii yá bidziil bee yisdá'iildéehii nilį́.

⁹Nidine'é yisdánínííł, áádóó níí' danilíinii bik'ijiinídliih; na'niłkaadii nílį́įgo ba'íłtso'go ałdó' hool'áágóó baa áhólyą́.