Read Navajo PSALMS 29 Bible Online

PSALMS 29 - Navajo bible

PSALMS 29

¹Yá'ąąshdę́ę́' ayóó ábóodziilii danohłíinii, Bóhólníihii baa dahohniih; Bóhólníihii yee ayóó át'éii índa bibee adziilii baa dahohniih.

²Bóhólníihii bízhi' ayóó át'éii yą́ą́h nilíinii nihił danilį́; ayóó ánóolningo nihił dahodiyingo Bóhólníihii bich'į' nidahohłá.

³Táłkáá'góó Bóhólníihii biinéé' diits'a'; Diyin God ayóó át'éii biinéé' ii'ni'gi át'éego diits'a'. Bóhólníihii éí tó t'óó adahayóí yikáá'góó hólǫ́.

⁴Bóhólníihii biinéé' ayóó ábóodziil; Bóhólníihii biinéé' ayóó át'é.

⁵Bóhólníihii biinéé' gad yiyiitííh; Bóhólníihii éí Dził Lébanan bighą́ą'di gad ayóó ádaníłtsooígíí yiyiitííh.

⁶Béégashii yáázh naalgeed nahalingo dził nayiiłná; dóola yáázh ałchinii naalgeed nahalingo Dził Lébanan áádóó Dził Síriyan ałdó' nayiiłná.

⁷Bóhólníihii biinéé' éí kǫ' ałts'áidiyiiłnood.

⁸Bóhólníihii biinéé' honoojí nayiiłná; Bóhólníihii éí Kéídesh kéyah honoojí nayiiłná.

⁹Bóhólníihii biinéé' diits'į́įhgo bįįhtsa'ii nida'iiłchíihgo ííł'į́; dahodíłch'ilgóó hałdééh, índa kin bii' sohodizin góne' t'áá ałtso ayóó ájít'éii yee haa yádaałti'.

¹⁰Tó yíląąd yę́ędą́ą́' Bóhólníihii hoo'áałgo dah sidáá nít'éé'; t'áá aaníí Bóhólníihii aláahgo naat'áanii nilį́įgo hoo'áałgo dah sidáago ahóyéel'áa doo.

¹¹Bóhólníihii bidine'é dabidziilgo íidoolííł. Bóhólníihii bidine'é ach'į' hózhǫ́ yee yik'izhdoodliił.