Read Navajo PSALMS 36 Bible Online

PSALMS 36 - Navajo bible

PSALMS 36

¹Diné doo yá'áshóonii éí bee haz'áanii hitíhígíí bijéí biyi' bich'į' yáłti'; éí diné binááł Diyin God doo yidísin da.

²Doo ákwii áát'įįdii bik'ee hodi'niihgo bééhoozinjį' ádąąh haldéehgo saałką́ą́' yee bina'adlo'.

³Saad doo ákwii át'éii índa na'adlo' yee yáłti', doo áhoosyąąd da, índa yá'át'éehii doo áyóle' át'ée da silį́į́'.

⁴Bitsásk'eh yikáá' sitį́įgo bee ádíláahgo ádooníłígíí yinaha'á; doo yá'át'ééhgóó áhoot'éii yee niiltih; doo yá'áshóonii doo yijoołáa da.

⁵Bóhólníihii nílíinii, aa a'ááh nínízinii yá'ąąshdi hólǫ́; na'ahódlíhígíí éí k'os bíneel'ą́.

⁶T'áá ákogi ánít'éhígíí dził ayóó ádaat'éii nidahalin; bee ánihoyí'aahii tónteel ayóó íídéetą́'ígíí nidahalin; Bóhólníihii nílíinii, ni éí diné índa naaldlooshii baa áhólyą́.

⁷Diyin God nílíinii, dooládó' aa a'ááh nínízinígíí ílį́į da! Éí bąą dine'é danilíinii nit'a' biyaagi chaha'ohjį' adahinichééh.

⁸Nikindóó bee áda'azįįdii yee hwiih dadooleeł, áádóó nibee ił hózhóonii tooh nahalingo na'áłchíní baa hidí'aahgo deidlą́.

⁹Háálá tó bee iináago háálíinii nee hólǫ́; adííníłdíingi adinídíingo deiit'į́.

¹⁰Néédahósinígíí baa a'ááh nínízingo áánííł, áádóó diné bijéí yee t'áá ákogi át'éii bich'į' t'áá ákogi áánííł.

¹¹T'ááká diné ádaa ha'niihii ła' shik'i naoya' yíila', índa t'ááká diné doo yá'áshóonii ła' yóó'ashinóyóód yíila'.

¹²Ákwii lą́ą doo ákwii ádaaníiłii tsé'yaa aheestł'íidgo tsé'yaa ahineezdee', áko doo náádoojeeh át'ée da.