Read Navajo PSALMS 4 Bible Online

PSALMS 4 - Navajo bible

PSALMS 4

¹ShiDiyin God t'áá ákogi é'ét'é shá nílíinii, nánooshkąąhgo shich'į' ééhonísįįh! Tsístł'asíyá yę́ędą́ą́' hááshííníłtį́. Shaa jiiníbaahgo shisodizin diits'į́į́h.

²Bíla' ashdla'ii danohłíinii, haa nízáágóó lá bee ił nishłíinii t'óó baa yáhásinígi shits'ą́ą́' ádaał'į́į doo? Saad t'áadoo nilíníishą' haa nízáagi ayóó'ádeínóh'níi doo, índa wooch'ííd hádaaht'į́į doo? Síilah.

³Nidi díí nihił béédahoozįįh: Bóhólníihii éí Diyin God k'ehgo át'éii t'áá sahdii ádá ats'áiníłtį́; Bóhólníihii náoshkąąhgo shidiits'a'.

⁴Nihił daayée'go ádił nida'ayohsííh lágo; nihijéí bii'di nabik'ítsídaołkeesgo hasht'edadinoht'éego nihitsásk'eh bikáá' nisootį́. Síilah.

⁵T'áá ákogi át'éego náádahaniihii náádahołniih áádóó Bóhólníihii baa dadzíínóhłí.

⁶Lą'í éí ádaaní, Háísh yá'át'éehii nihił yit'íní íidoolííł? Bóhólníihii, ninii' bits'ádi'nílíidii bee nihik'i diiłdlaad!

⁷Be'álástsii' áádóó wáin ániidíii bilááh yileeł yę́ędą́ą́' éí biláahdi át'éego bee ił hózhóonii shijéí biih yínílá.

⁸Hasht'edinisht'éego náníshtéehgo ná'iishhosh, háálá, Bóhólníihii nílíinii, ni t'éiyá doo atíshi'dólne' át'éégóó kééhasht'į́įgo áshíínísin.