Read Navajo PSALMS 47 Bible Online

PSALMS 47 - Navajo bible

PSALMS 47

¹Ał'ąą dine'é danohłíinii t'áá ánółtso, ahídaahkad; ak'eh hodidleehgo sin bee Diyin God bich'į' yéego dahohtaał!

²Háálá Bóhólníihii Aláahgo Ayóó'át'éii dílzin. Nahasdzáán t'áá náhwiiz'ą́ą́ nít'éé' bikáá'góó Aláahgo Naat'áanii Ayóó'át'éii nilį́.

³Dadine'é nihik'eh dahół'į́įgo nihídahółníihgo áyiilaa; ał'ąą dine'é bił dah nahaz'áanii nihiyaa ayíínilgo bik'i dadiil'eez.

⁴Bóhólníihii éí Jéíkab ayóó'áyó'níinii yee ádaa ha'niihii nihíí' dooleełgo nihá niidii'aah. Síilah.

⁵Deenásts'aa' bidee' bee í'dílzoołí diits'a'go diné biinéé' nídididla'go Bóhólníihii Diyin God dego ahóóle'.

⁶Diyin God baa dahohniihgo bich'į' dahohtaał. Baa dahohniihgo bich'į' dahohtaał. Aláahgo nihinanit'a'í baa dahohniihgo bich'į' dahohtaał. Baa dahohniihgo bich'į' dahohtaał.

⁷Háálá nahasdzáán t'áá si'ą́ą́ nít'éé' bikáá'góó Diyin God aláahgo naat'áanii nilį́. Baa dahohniihgo sin ayóó ánóolninii bee bich'į' dahohtaał!

⁸Diyin God éí ał'ąą dine'é yinant'á; bidiyingo bikáá'dóó nahat'áii yikáá' dah sidá.

⁹Diné yá aląąjį' naazíinii éí Éíbraham biDiyin God bidine'é danilį́įgo áłah nádleeh. Nahasdzáán bikáá'dóó dadine'é yich'ą́ą́h naazíinii éí Diyin God bíí' danilį́; Diyin God ayóó át'éii nilį́įgo ábi'diilyaa.