Read Navajo PSALMS 51 Bible Online

PSALMS 51 - Navajo bible

PSALMS 51

¹Diyin God nílíinii, aa a'ááh nínízinii bik' ehgo shaa jiiníbaah; bee aa a'ááh nínízinii t'óó ahayóígíí bik'ehgo bee haz'áanii héti'ii shá k'éé'íłchxǫǫh.

²Doo ákwii áát'įįdii ałtso shąąh táánígis áádóó ádił ni'ayészíi'ii shąąh dííłdah!

³Háálá bee haz'áanii héti'ii baa ákoniizį́į́', índa ádił ni'ayészíi'ii t'áá áłahjį' shi'diił'á.

⁴Ni lą́ą, ni t'éiyá nich'į' ádił asésiih, índa doo yá'áshóonii ninááł baa niséyá, áko háínídzíi'go t'áá aaníí át'éé góne' bee nééhodoozįįł, índa baa nísínít'įįdgo t'áadoo bee nik'íhót'ahí da doo.

⁵Jó, doo ákwii ánísht'éégóó shi'dizhchį́, áádóó bąąhági át'éii t'áá bił shimá shí'niiltsąąd.

⁶Jó, t'áá aaníinii yee át'é laanaa nínízin, áádóó shijéí bii'di bee hódzáanii shił bééhózingo áshílééh.

⁷Ch'il hísap wolyéhígíí bee, nááhániihii bidił shik'íníłtahgo ádił ni'ayészíi'ii shąąh ádingo áshílééh, áko índa baa'ihii shąąh ádin doo. Táásígisgo yas biláahgo łinishgaigo áshidíílííł.

⁸Bee ił hózhóonii áádóó baa hózhóonii diists'a'go áshílééh, áko shits'in dahíníti'ii bił nídahodoojǫǫł.

⁹Ádił ni'ayészíi'ii bits'ą́ąjį' ánínééh, áádóó doo ákwii áát'įįdii ałtso shá k'éé'íłchxǫǫh.

¹⁰Diyin God nílíinii, baa'ihii shijéí bii' ádingo ánílééh, áádóó níłch'i shii' hólónígíí ba'ahódlíigo ániidí ánánídlééh.

¹¹Honílónígíí bits'ą́ąjį' áshólééh lágo, áádóó niNíłch'i Diyinii shits' ą́ąjį' kóole' yíila'.

¹²Nibee yisdá'iildéehii baa hózhóonii shich'į' kónánídlééh, áádóó íinisingo áshiinilaaígíí bee de áshíínísin.

¹³Áko bee haz'áanii nidayiitíihii nik'ehgo ádahoot'éii bínabinishtin doo, áádóó bąąhági ádaaníiłii nich'į' nináhákáah dooleeł.

¹⁴Diyin God nílíinii, ni, Diyin God yisdáshííníłtíinii, dił deezna'go bee ádihodiisht'i'ii bits'ą́ąjį' yisdáshíłteeh, áádóó t'áá ákogi ááníłígíí yéego baa hashne'go hashtaał doo.

¹⁵Bóhólníihii nílíinii, shizéé' ąą áhólééh, áko bee naa hashniih doo.

¹⁶Háálá nááhániihii doo nínízin da, éí doodaii' nich'į' nááháshniih doo nít'éé'; didlidgo nich'į' nááhániihígíí doo baa nił hózhǫ́ǫ da.

¹⁷Ádaa hojoolbá'ígo yínííł naagháii nááyiiłniihii éí Diyin God bił nilį́; Diyin God nílíinii, ádaa hojoolbá'ígo t'áá bijéí tł'ááhdę́ę́' ádił ni'iisíi'go yąąh bíni'go yínííł naagháii éí doo nahjį' kódíílíił da.

¹⁸Yá'át'éehgo nił hózhǫ́ǫgo yá'át'éehii Záíyan bá baa naniná; Jerúsalem ditą́ągo binaa ahééda'astł'inígíí nánítł'in.

¹⁹Áko índa t'áá ákogi át'éego náádahaniihii áádóó didlidgo náádahaniihii índa t'áá át'é didlidgo nááhániihii baa nił nihoozhǫǫh doo. Áko índa nibikáá' náá'iiniihí bikáa'gi dóola náádahidoonih.