Read Navajo PSALMS 52 Bible Online

PSALMS 52 - Navajo bible

PSALMS 52

¹Diné hayóii nílíinii, ha'át'íísh biniyé doo yá'áshóonii baa nisíníyáhígíí bee ádaa hó'niih? Diyin God yee aa a'ááh nízinii t'áá áłahjį' hólǫ́.

²Dághá bee yilzhéhí deeníinii nahalingo nitsoo' bee doo yá'áshóonii binahógiz.

³Yá'át'éehii biláahgo doo yá'áshóonii ayóó'ííní'ní, índa t'áá ákogi át'éego yáti'ígíí biláahgo wooch'ííd ayóó'ííní'ní. Síilah.

⁴Atsoo' yee nahagizii nílíinii, saad nida'iiłchxǫǫhii t'áá ałtso ayóó'ííní'ní.

⁵T'áá ákót'éego ni ałdó' hool'áágóó Diyin God ándoołdįįł; nidoosiłgo niníbaal biyi'dóó handiyoołhą́ą́ł; ch'il hahalts'ǫǫdígíí nahalingo dahináanii bikéyahdóó handoołts'ǫł. Síilah.

⁶T'áá ákogi ádaaníiłii éí ałdó' deidoołtséełgo Diyin God deidísin doo áádóó haa daadlohgo ádadidooniił.

⁷Jó, díí diné doo Diyin God yine' anáníchéehii áyiilaii át'į́, nidi t'áadoo bee néelą́'ígóó yit'íinii yaa dzólíí nít'éé' áádóó bidoo yá'áshǫ' yee t'óó tsé'édinda áániił nít'éé'.

⁸Nidi shí éí Diyin God bikin biyi' góne' tsin áliv dootł'izhgo sikaadígíí nahonishłin. Hool'áágóó ahóyéel'áágóó Diyin God aa a'áhí nízinii baa jííníshłí.

⁹Hool'áágóó naa hashniih doo, háálá ni ánít'į́. Diyin God bidiyį́į́' danilíinii dabinááł nízhi' yá'át'éehgo bąą nahodishdlaad doo.