Read Navajo PSALMS 53 Bible Online

PSALMS 53 - Navajo bible

PSALMS 53

¹Diné doo áhályáanii t'áá bijéí biyi'ídi ání, Diyin God doo hólǫ́ǫ da. Éí diné t'áá íiyisí dajííchxǫ'; doo haldinígi ádajíít'įįd, doo nidi ła'da yá'át'éehgo ádajooníił da.

²Yá'ąąshdę́ę́' Diyin God déé'į́į'go éí nihokáá' dine'é ła'da daats'í ak'i'diitįįh, áádóó ła'da daats'í Diyin God hádaat'į́ nízingo háidéez'į́į́'.

³T'áá ałtso t'ą́ą́' neezhjéé', t'áá ádzí łtso t'óó hadaa'ih dadzizlį́į́', doo nidi ła'da yá'át'éehgo ááníił da; dooda, t'ááłá'í nidi dooda.

⁴Doo ákwii ádaat'íiniísh ił ééhózin doo bee dahólǫ́ǫ da? Éí bááh deiyą́ nahalingo shidine'é deildeeł índa Diyin God doo nídayookąąh da.

⁵Ts'ídá doo nídaaldzid da nít'ée'gi áadi ayóó át'éego nídaasdzííd! Háálá nik'iijeeh yiniyé hasht'e'ádadiilyaaígíí dabits'in éí Diyin God tayooskaad. T'óó baa yáhásinígi ádahwiinilaa, háálá Diyin God doo biniizį́į' da.

⁶Ízrel dine'é yee yisdádookahii Dzi ł Záíyandę́ę́' níyáa laanaa; Diyin God bidine'é yisnááh danilínídę́ę́' néiní'eezhgo Jéíkab dine'é t'áá íiyisí bił dahózhǫ́ǫ doo; jó, Ízrel dine'é bił dahózhǫ́ǫ doo.