Read Navajo PSALMS 6 Bible Online

PSALMS 6 - Navajo bible

PSALMS 6

¹Bóhólníihii nílíinii, náháchį'go t'áadoo nashidíteehí; t'áá íiyisí doo nił hózhǫ́ǫ́góó t'áadoo t'áá hashkée nashinítiní.

²Bóhólníihii nílíinii, shaa jiiníbaah, háálá doo shidziil da yishłeeł; Bóhólníihii nílíinii, náshíłdziih, háálá shits'in daneezgai.

³Shii' sizíinii ałdó' t'áá íiyisí bich'į' nahwii'ná. Bóhólníihii nílíinii, haa nízáágóoshą' kónísht'ée doo?

⁴Bóhólníihii nílíinii, shaa nínáahgo shii' sizíinii yisdáníłteeh; aa a'ááh nínízinii bik'ehgo yisdáshíłteeh.

⁵Háálá diné daaztsą́ągo doo nénálniih da. Jishcháá'dę́ę'shą' háí nich'į' ahééh nízin doo?

⁶Nidish'ni'go bąąh díníłna'; t'áá ákwíí tł'éé' shitsásk'eh bikáá'góó shinák'eeshto' naashnil; bikáá' nishtéhígíí shinák'eeshto' bee nínáshtłoh.

⁷Shíni' yii'a'ígíí bik'ee shináá' ábi'niidįįd. Shida'ana'í bik'ee yishchago shináá' t'óó yówehda ádzaa.

⁸Doo ákwii át'éii baa deínóhkáahii, t'áá ánółtso shits'ánóhkááh, háálá yishchago Bóhólníihii shidiizts'ą́ą́'.

⁹Bóhólníihii náoshkąąhígíí yidiizts'ą́ą́'; Bóhólníihii shisodizinígíí néidiyiilé.

¹⁰Shida'ana'í t'áá ałtso yádadínóozįįł áádóó anáhákáahgo t'áadoo hooyání yádaniizį́į'go t'áá íiyisí nitsidadooltłił.